مشكلة مع الكرلاج

[لحن الحياة.]

الكرلاج كي عاودوه كانت لاصقة فيه السيمة طبقة رقيقة ولااااااااااااصقة لاااااااصقة و ما حبتش تتنح بكل الطرق مالا شريت مكشط و درتولو يخي خسر قع وتحفر ولا احححححححححرش تقول تراب و المشكل انني درتو فالصالون
الله يحفظكم لي عندهم فكرة كيفاه نرجعو املس كيما كان ويلمع خطر عاوت جربت ليصونص و جربت الزيت و الصوابين قع الانواع وما رجعش املس راني خايفة يفوقولو خاوتي يشبعوني تبهديل راني مدرقاتو بالزربية برك وحتى المشهد تاعو عاد مرعب ومقزز
كاش برودوي ولا حاجة ترجعو املس الله يجعلها في ميزان حسناتكم و يرحم والديكم

[بسملة توحيد]

انا سمعت من اخي انه كاين مادة يبعوها الكونكايري تحك على الكارلاج يرجع املس لكن غالية ب 300 الف وتدبر دار وحدة نظن ومعمديش معلومات اخرى

[مياسم الصمت]

يا جيل
المكشط راه مادة حامضية يتفاعل مع مادة الكلس الموجودة في البلاط
ويحدث له تآكل خاصة لما يطول
واظن انك خليتيه فترة طويلة فكان التآكل كبير

ما نظن هنا حل لمشكلتك خاصة حسب وصفط ان الثقوب كبيرة
هناك الآلة الخاصة بترطيب البلاط لكنها كبيرة واكيد ما تقدري دخليها للدار
لكن ماراح يكون عندها تاثير مع التقوب
السيمة البيضاء رايحة تظهر كما الاول

نتمنى يدخل الاخوة ويفيدوك
وقلبي معك

[دنيا الامل 18]

اخبريهم الحقيقة قبل ان يكتشفوها بانفسهم افضل

[لحن الحياة.]

المشاركة الأصلية كتبت بواسطة بسملة توحيد

انا سمعت من اخي انه كاين مادة يبعوها الكونكايري تحك على الكارلاج يرجع املس لكن غالية ب 300 الف وتدبر دار وحدة نظن ومعمديش معلومات اخرى

ربي يحفظك نهار السبت نسقسي على هذي المادة بارك الله فيك انا نحتاج قيس دار وحدة ربي يحفظك كون تزيدي تتأكديلي برك اسك كاينة صح هذي المادة

المشاركة الأصلية كتبت بواسطة مياسم الصمت

يا جيل
المكشط راه مادة حامضية يتفاعل مع مادة الكلس الموجودة في البلاط
ويحدث له تآكل خاصة لما يطول
واظن انك خليتيه فترة طويلة فكان التآكل كبير

ما نظن هنا حل لمشكلتك خاصة حسب وصفط ان الثقوب كبيرة
هناك الآلة الخاصة بترطيب البلاط لكنها كبيرة واكيد ما تقدري دخليها للدار
لكن ماراح يكون عندها تاثير مع التقوب
السيمة البيضاء رايحة تظهر كما الاول

نتمنى يدخل الاخوة ويفيدوك
وقلبي معك

ربي يحفظك مياسم الثقوب ماهمش كبار ما يبانش اصلا بصح الملمس حححححححرشششششششششش حرشششششش ونقعد بعييييييييد و نشوف فالضو نشوف بقعات حرش وبقعات مولس بارك الله فيك

المشاركة الأصلية كتبت بواسطة timomaria

اخبريهم الحقيقة قبل ان يكتشفوها بانفسهم افضل

مستحيييييييييييل نخليهم يكتاشفوه وحدهم بعد عمر طويل

[القمة انفو]

الحل الوحيد هو تغيير الكارلاج

[خولة الخنشلية]

ههههه درتي نفس غلطة اختي لكن هي دارتها في المرحاض و لخسارة كانت اقل تكلفة .... مشكلتك عويصة منضنش حاجة تقدر تملس الكارلاج الااااا الة ضغظ الي ترحي باليسمة البيضا ............................................. بالتوفيق

[لحن الحياة.]

شكرا لكم كلكم على المساعدة

[أم الشَّيماء]

السلام عليكن ورحمة الله وبركاته

أظن أن أحسن حل هو مسح كامل البلاط بواسطة آلة خاصة وهذه العملية تسمى (( البونساج )) والكثير من الناس يقومون بذلك مباشرة بعد إكمال البناء .يصبح البلاط أملسا لامعا و نظيفا جدا .
يبقى المشكل أن هذه الآلة يجب أن يتكفل بإحضارها الرجال وليس أنت . أخبري إخوتك بالمشكل أو انتظري حتى يكتشفوه بأنفسهم واسبقيهم إلى التبرير وبثقة كبيرة في النفس قولي لهم :
- لقد كان هدفي الإصلاح والتنظيف وليس العكس
- هل تعتقدون أني أتعمد تخريب بيتنا؟؟؟؟
- بعد القيام بعملية البونساج ستشكرونني كثيرا على صنيعي لأنه كان السبب في تغيير وجه البيت.
-.....والباقي أنت واشطارتك ،وقدرتك على الإقناع
(( والله علّمنا هذا الجيل من الأبناء أشياء وأشياء ، يُخطئون ويخرجون هم أصحاب الحق ))
وفقك الله

[ucif]

أنا شوفت عامل البونساج يضع مستحضر خاص بالرخام ودال دوسول روحي لعند كانكيري وقولي لو على المشكل والله يفيدك بزاف هذا المنتوج يمسحو بيه الأرضية وتولى لامعة الكرلاج تاعك أصبح خشين فقط يعني تفاعل شوية برك مع الكاشط يعني ماخسرش اصبح ماشي براق فقط ..حاولي أختى وروحي لعند ليبيعون كانكيري (مسامر وسبيغة و مرطو..)

[لحن الحياة.]

المشاركة الأصلية كتبت بواسطة أم الشَّيماء

السلام عليكن ورحمة الله وبركاته

أظن أن أحسن حل هو مسح كامل البلاط بواسطة آلة خاصة وهذه العملية تسمى (( البونساج )) والكثير من الناس يقومون بذلك مباشرة بعد إكمال البناء .يصبح البلاط أملسا لامعا و نظيفا جدا .
يبقى المشكل أن هذه الآلة يجب أن يتكفل بإحضارها الرجال وليس أنت . أخبري إخوتك بالمشكل أو انتظري حتى يكتشفوه بأنفسهم واسبقيهم إلى التبرير وبثقة كبيرة في النفس قولي لهم :
- لقد كان هدفي الإصلاح والتنظيف وليس العكس
- هل تعتقدون أني أتعمد تخريب بيتنا؟؟؟؟
- بعد القيام بعملية البونساج ستشكرونني كثيرا على صنيعي لأنه كان السبب في تغيير وجه البيت.
-.....والباقي أنت واشطارتك ،وقدرتك على الإقناع
(( والله علّمنا هذا الجيل من الأبناء أشياء وأشياء ، يُخطئون ويخرجون هم أصحاب الحق ))
وفقك الله

حاولت من قبل نبونصيه ولعبتها نتبرع بالبونصاج يخي قالولي فزاد الدراهم و بداو يتفلسفو

بارك الله فيك اختي كثر خيرك

المشاركة الأصلية كتبت بواسطة ucif

أنا شوفت عامل البونساج يضع مستحضر خاص بالرخام ودال دوسول روحي لعند كانكيري وقولي لو على المشكل والله يفيدك بزاف هذا المنتوج يمسحو بيه الأرضية وتولى لامعة الكرلاج تاعك أصبح خشين فقط يعني تفاعل شوية برك مع الكاشط يعني ماخسرش اصبح ماشي براق فقط ..حاولي أختى وروحي لعند ليبيعون كانكيري (مسامر وسبيغة و مرطو..)

هااااااااااااذااااا وشراني نحوس بالضبط الله يفتح عليك
ضرك نخمملهم في حيلة
الله يحححححححححححفظك اخي بارك الله فيك

[أسامة عازم]

السلام عليكم. كان عليك أن تصبري لأن السيمة التي تلتصف بالكارلاج تروح مع الوقت, كل مرة تسيقي و تمسحي الأرضية بالماء راح تتلاشى السمة تدريجيا و بعد اشهر تختفي لكنك تسرعت. إن شاء الله تجدين الحل قريبا.

[لحن الحياة.]

المشاركة الأصلية كتبت بواسطة أسامة عازم

السلام عليكم. كان عليك أن تصبري لأن السيمة التي تلتصف بالكارلاج تروح مع الوقت, كل مرة تسيقي و تمسحي الأرضية بالماء راح تتلاشى السمة تدريجيا و بعد اشهر تختفي لكنك تسرعت. إن شاء الله تجدين الحل قريبا.

ايه تسرعت مصبرتش
بارك الله فيك اخي

[عبد الرزاق 96]

اذا كان عندك ميزانية تقدري اديري تقنية proxy
المشكل الاخوة نتاعك ايفيقو بيك

[mohamed..dz]

كاينة ماشينة تستعمل لجعل الكرلاج حبة واحدة عند المقاولين يحدموا بها للشعب بالساعة