اشاعات ام زوجي

[مشكلتي]

مشكلتي هي كره ام زوحي لي لزوجة سلفي ايضا
مؤخرا حضرت عرس اللي تجي تقولي كلام غريب راكي لاباس مع عجوزتك لازم تحطيها كي امك ....طيعيها دعاوي الشر مش ملاح ةانا ماني فاخمة في هاد لحكاية والو عندي عام ونص زواج
حتى تلاقيت زوجة خله وقاتلي ان حماتي تشكي منا وتقول انه بعدنا ولادها عليها وكل وحوخدة دارت دارها ومتخليش راجلها يجي ليها والعروسة الاخرى حاكمة ولادها وحرمت جدتهم من شوفتهم ل وكل
وسرقنا ولادها نديولهم في صواردهم هي قاتلي هاد الشي بشكل غير مباشر
يعني بعد العام ونص اللي صبرته عليها دارتلي العديد من المشاكل وفي كل مشكل معاها نسكت ومنقولش لولدها اخرتها تكدب علينا هاد الكدب ؟علاش وش درتلها ؟ انا مفهمتش
لعلمكم عايشة مع زوجها وولدها الصغير وهي مش كبيرة راهي في الخمسين
ولادها زوجي وسلفي كل يوم يتغداو عند امهم وقت لغدا تاع العمل وكل سبت يروح لامه
احفادها ديما عندها ولاد سلفي ؟
النقود كل شهر تاخد لولادها وش تحب وتصرفه على ولدها الصغير وهي مش فقيرة وزوجها عنده شهريته
كل ما تدعيه باطل وبالعكس شوهت صورتنا وجعلت سيرتنا على كل لسان اللي يسوى واللي ميسواش وانا اللي يسقسيني عليها منتكلمش الا بالخير ومنهدرش فيها ؟ رغم انها اساءت لي الف مرة وهاد الصبر على وجه زوجي العزيز فقط لاني تحملت منها اشياء كثيرة ولا استطيع فعل شيء لانها تفعل هاد الاشياء كي نكونوا وحدنا بصح قدام الناس وولادها ملاك
ولادها تشوفهم كل يوم صواردهم تشوفهم كل شهر احفادها تشوفهم كل سمانة ؟ نقص لحمي طراف طراف باش ترضى عليا ؟
مشكلتها السكن المستقل لولادها انا لم امانع على السكن معها لكن لا يوجد مكان هي تسكن في شقة صغيرة وبنتها المتزوجة العاملة ساكنة معاهم بحكم عمل زوجها ؟
هل السكن المستقل جريمة في نظر الشرع ؟ لا
هل هو جريمة في نظر القانون ؟ لا
هو وجريمة في نظر كل ام لا تحب الخير لاولادها
حسبي الله ونعم الوكيل الان اصبحت نوكل عليها ربي كل دقيقة لم افعل لها شيء والله على ما اقول شهيد سوى انني قبلت بالزواج من ابنها