انصحوني بخصوص الطب وطب الاسنان

سارة ايروكا · 2016-07-31, 09:57

يا جماعة انا ديت معدل 15.60 والحمد لله بعثوني طب فرحت بزاف على خاطر حلمي من الصغر
مي هاذي الفترة راني وليت خايفة منها ومترددة منها
على خاطر قالولي انو طب الاسنان احسن من الطب
وقالولي الطب فيه حفظ بزاف وانا نكره الحفظ
وقالولي بلي اللي يقراو طب كي يحيهم examen يحفظو 40cours بزاااااااف :
مي انا حبيت الطب على خاطر هو علم متوسع في جسم الانسان كامل وتبانلي قرايتها ممتعة بزاف
بصح راني مترددة وخايفة
واش تنصحوني ندير ترونسفار لطب الاسنان ولا نبقا نقرا فالطب احسن
رايكم يهمني

triple 13 · 2016-07-31, 10:27

اذا راكي حابة طب مديريش ترونسفار خاطر الحاجة لي تحبيها تقدري تقرايها
هاديك تاع يحفظو 40 كوغ كاينة منها
انا صاحبي العام لي فات جاب الباك ب 16.33 وراح طب بلا ارادة و راه عاود العام

سارة ايروكا · 2016-07-31, 10:29

اقتباس:

المشاركة الأصلية كتبت بواسطة triple 13

اذا راكي حابة طب مديريش ترونسفار خاطر الحاجة لي تحبيها تقدري تقرايها
هاديك تاع يحفظو 40 كوغ كاينة منها
انا صاحبي العام لي فات جاب الباك ب 16.33 وراح طب بلا ارادة و راه عاود العام

مالا احسن حل مانخليش الدروس تتراكم عليا
لي نقراه نحفظو طول
وراني حابتها بزاف مي خوفوني منها

نجمة عند الفجر · 2016-07-31, 10:31

اختي لما تجعلي الخوف من يسيطر عليك ويبعدك عن احلامك .عليك الوثوق بنفسك وباحلامك ومن سبقك ليس افضل منك هل معقول اختي تدرسين شيئا لانك تعتقدين انه الاسهل قد يكون سهلا على اخر وليس عليك وقد يكون الطب صعبا على البعض وليس عليك عندما نملك حلما علينا الدفاع عنه حتى النهاية
كما ان الطب علم واسع وبه لاحقا اختصاصات جميله جدا فكيف تدرسين شيئا لا تحبينه لا تجعلي مثل هده الهواجس تمنع من تحقيق حلمك
وكيف طب الاسنان افضل من الطب هدا الكلام لا معنى له الطب الاسنان اختصاص مختلف عن الطب البشري واحد مجاله الفم والعمل به يدوي اما الاخر فمجاله جسم الانسان ويكون به التحليل والتشخيص لمعرفة مرض انسان وهو اكثر اريحيه للفتاه في نظري

triple 13 · 2016-07-31, 10:34

كاين واحد نعرفو يحب طب و راح ليها و الحمد لله طلع العام ب 14 مي كان يرقد 3-4 ساعات في اليوم و تعب علاجالها
المهم ربي يوفق انشاء الله

أم سلوى · 2016-07-31, 10:35

راك تحبي شيئ مميز كوني مميزة وخلاص...

abdou kurama · 2016-07-31, 10:35

انصحكي بالبقاء في الطب اختي ^^

سارة ايروكا · 2016-07-31, 10:35

اقتباس:

المشاركة الأصلية كتبت بواسطة نجمة عند الفجر

اختي لما تجعلي الخوف من يسيطر عليك ويبعدك عن احلامك .عليك الوثوق بنفسك وباحلامك ومن سبقك ليس افضل منك هل معقول اختي تدرسين شيئا لانك تعتقدين انه الاسهل قد يكون سهلا على اخر وليس عليك وقد يكون الطب صعبا على البعض وليس عليك عندما نملك حلما علينا الدفاع عنه حتى النهاية
كما ان الطب علم واسع وبه لاحقا اختصاصات جميله جدا فكيف تدرسين شيئا لا تحبينه لا تجعلي مثل هده الهواجس تمنع من تحقيق حلمك
وكيف طب الاسنان افضل من الطب هدا الكلام لا معنى له الطب الاسنان اختصاص مختلف عن الطب البشري واحد مجاله الفم والعمل به يدوي اما الاخر فمجاله جسم الانسان ويكون به التحليل والتشخيص لمعرفة مرض انسان وهو اكثر اريحيه للفتاه في نظري

يسلم داااااك الفم اختي والله كلامك ريييحني بزاف بزاف
صح مانخليش الخوف يبعدني على احلامي وبالاررادة نقدر نلحق ونكمل
ربي يحفظك نشاله

مسامح. · 2016-07-31, 10:38

لا ما راك باغية الحفاظة ديري رياضيات

نجمة عند الفجر · 2016-07-31, 10:39

اخبرك ان من يدرس بشكل يومي لن يجد اي اشكال صحيح وفقط العام الاول سيكون عام مكثفا اما باقي السنوات فهي عاديه جدا وتكونين تعودتي على اسلوب جديد واعتقد من يسهرون كثيرا هم فقط من ترك دروسه تتراكم عليه وايضا حسب القدرات والطب حتى وان كان به حفظ فعلى الاقل هو مجال ماتع لانه به معلومات تستعملينها

نان كيومي · 2016-07-31, 11:41

غلطت حياتك ديري ترونسفار راح تحصلي ... انا مني هذا التساؤل كو سئلتيه من قبل ... انا كو مني نكم طب خلاص القرار قرار خاصة اذا درتي استخارة و في بلاصة ما تحوسي على الترونسفار و تضيعي بين التخصصين و الناس تبدلك رايك شدي الطب و حفظي في العطلة و اذا كنتي شاطرة تكمل لالسوماستر تحفظي لي موديل تاعهم و تدخلي الاز

هاذوك الخوافين لي راهم يقولولك و لي حاب حاجة بالساهل يبقى في دار باباه ياكلو يشرب و الدراهم يجوه بلاما يشقى و يتعب
اختي اذا درتي الاستخارة خليك و بما انو حلمك توكلي على ربي

انبلوس شكون قالك طب الاسنان خير من الطب!!!!!
اولا الطب اكثر تفرعا وفيه تخصصات رائعة و متعددة و خاصة اذا رحتي تخصص نادر و قليل مثل التي تعالج الامراض السرطانية و الصعبة راه تكوني مطلوبة جدا و راح تتفوقي على طبيب اسنا يقلع ضرس ب 1500 و ينفق 1000 على المواد الاولية

هذا رايي الخاص و ربي يوفقك

نان كيومي · 2016-07-31, 11:45

اقتباس:

المشاركة الأصلية كتبت بواسطة triple 13

كاين واحد نعرفو يحب طب و راح ليها و الحمد لله طلع العام ب 14 مي كان يرقد 3-4 ساعات في اليوم و تعب علاجالها
المهم ربي يوفق انشاء الله

كاين لي يسهرو يبقاو مقابلين الفايسبوك و مواقع التواصل و يرقدو 3 الى 4 ساعات نفس الشيئ لكن .....

التعب فيها فيها بصح الفرق كبيير

*نسيم الفجر* · 2016-07-31, 11:54

قدرات الاستيعاب تتطور عندك من عام الى اخر لا تقلقي

mo_ùh · 2016-07-31, 12:34

بما أنك توجهتي للطب الآن يا أختي ، فلا تضيعي وقتك حول الاستفسار عن تخصصات أخرى

نتي حبيتي الطب من قبل و ربي كتبهالك سبحان الله بالشعرة ، معدل الطب هاد العام هو 15.55 و معدلك 15.60 يعني كنتي على شفى حفرة

انا تاني بعثوني طب كيفك هاد العام و كنت رغبتي ، و اكيد يحكمنا هاداك التوسويس و الخوف ، بصح ديري في بالك بلي الجامعة بشكل عام وااعرة بكل فروعها و بكل تخصصاتها

و ربي يوفقنا

batool26 · 2016-07-31, 12:53

لا انصحك بالتحويل الطب من اروع التخصصات الجامعية بالرغم من الصعوبة لي يميزها كثرة الدروس والحفظ لكن حاجة ما اجي بالساهل مااديريش على هدرة الناس وتوكلي على ربي وربي يوفقك اختيي