تعالـــــــــوا وازيلوا عني الهم للعقول ناضجة

[مشكلتي]

السلام عليكم

مشكلتي عندما ارى الظلم او ارى نفسي مظلومة اثور واغضب كثيرااا حتى ابكي عن عجزي ويزداد توتري لدرجة اني لا استطيع التصرف بحكمة فغالبا مايتستر ظالمي بالطيبة وحسن النية ولكن هم اشرار بمعنى الكلمة فيصدقهم الجميع حتى ظلمهم لغيري وهذا سبب شقائي فسمعتهم طيبة امام الناس فهذا الامر يؤرقتني ويقتلني غيضا فلم اعد اتحكم في اعصابي ارجوكم ماذا افعل ؟؟ كيف اتصرف؟؟

ملاحظة الاشخاص معنيين هم من الاقرباء مقربون اعينوني انصحوني لاصحاب العقل حتى لا اخاف منه من بطشهم وظلمهم واقف بقوة وبثقة عند حدهم والا اهابهم

[*أم سجى*]

لازملك تقباحي وتردي الصرف ومتخلي حتا واحد يظلمك بشرط اعرفي واش تهدري يعني متجرحيش بالعيوب الشخصية ومتديريش حساب للناس يقولو ميقولو لازم ترميهم قع فالثقيل....

[جنى الجنتين]

نصيحة ما لزمش تسكتي في حقك تجيبيها غي في روحك و ردي الصرف ف البلاص و خطيك من الهدرة تاع الناس

[elhosseyn3483]

واش نقولك اختي
الغلطة مهيش فيك
انت ناس ملاح وخليك ناس ملاح
وتجاوز او تحاشاهم
ولك في السيرة النبوية عبرة

[شخصية نرجسية]

لازملك تقباحي هدا هو الحل انا من طيبتي الي ياسر بفيت نفوت برك نفوت برك حتى صارت الحثالة تتجرا عليا امالا قلت خلاص دركا الي يغلط يخلص

[بريق الدجى]

يعطيك الصحة يا اختي امل بردتيلي على قلبي انا تاني محتاجة لهذه لنصيحة انا بتجربتي لقيت الناس مع الواقف لي قبيحة يديرولها حساب و لي نية واحد ما يديرلها حساب هدا هو الواقع و من لي كنتي انتي مظلومة يرجعوك انتي لي متسوايش

[الواثق]

خير الناس من خالط الناس وصبر على اذاهم ............وخيركم خيركم لاهله....................والله المستعان

[*أم سجى*]

المشاركة الأصلية كتبت بواسطة بريق الدجى

يعطيك الصحة يا اختي امل بردتيلي على قلبي انا تاني محتاجة لهذه لنصيحة انا بتجربتي لقيت الناس مع الواقف لي قبيحة يديرولها حساب و لي نية واحد ما يديرلها حساب هدا هو الواقع و من لي كنتي انتي مظلومة يرجعوك انتي لي متسوايش

وي اختي الله يسلمك ويعيشك... والله هاذي هي الدنيا لي منفضش الغبار على روحو اطفرت فيه كيم قالت الاخت يوليو الحثالة يصعدو فوقو ...بنادم لازم يدير هيبة لعمرو ولا مدارهاش ميديروهالوش الناس ...بسك معادش فلوقت هادا لي يعرف قيمة الانسان العاقل والانسان والنية ...تبدلت المفاهيم وتغيرت

[روح المي]

لازمك تفرضي روحك وكاين حدود احترام لازم اي شخص يتجاوزها يسلك حقها
لا أقوللك ان تسبيهم
لكن اعرفي بذكاء اعطيهم كلمات تعرفهم هوم من وعادي حتى اذا كانو اقاربك واظلم ربي حرموا على نفسه
وتعرفي بلي حق عندك دافعي عنه امامه وإسألي العون من الله

[روح المي]

لازمك تفرضي روحك وكاين حدود احترام لازم اي شخص يتجاوزها يسلك حقها
لا أقوللك ان تسبيهم
لكن اعرفي بذكاء اعطيهم كلمات تعرفهم هوم من وعادي حتى اذا كانو اقاربك واظلم ربي حرموا على نفسه
وتعرفي بلي حق عندك دافعي عنه امامه وإسألي العون من الله

[kika85]

لازمك القباحة مع اللسان الطويل الي يبردلك قلبك مع بروووووووودة اعصاب وهاذا فن لازم تتعلميه بالعقل كي تواجهي المواقف هادو....وطبعا ما تنسايش ثقة النفس...

[elhosseyn3483]

المشاركة الأصلية كتبت بواسطة بريق الدجى

يعطيك الصحة يا اختي امل بردتيلي على قلبي انا تاني محتاجة لهذه لنصيحة انا بتجربتي لقيت الناس مع الواقف لي قبيحة يديرولها حساب و لي نية واحد ما يديرلها حساب هدا هو الواقع و من لي كنتي انتي مظلومة يرجعوك انتي لي متسوايش

انا نعرف حاجة
لي نيا عمرو ميولي قبيح
كاين لي حاسب روح نيا بصح هو ضعيف الشخصية وخواف ميبديش رايو
كاين فرق
لي نيا معناه ميعرفش الخبث والحيلة يعني انسان صافي لي في قلبو في لسانو
اما انت فضعيفة في شخصيتك لي يجي يحقرك
لازم تتعلمي تبدي رايك
وردك يدل على انك تعمري في قلبك باطل
والله سراولي قصص مع ناس تقول كلام وتقول والسيد يعمر في قلبو
ويجي اليوم ويقولك انت حقرتني. انا اكره الناس لي هاك يلعبها عاقل وهو يعمر في قلبو
نتمنا قاع منتعملش معاه
وفي الاخير تحملي ردي القاسي هدا رايي بدون ان اقصد اهانة او تجريح

[houssem zizou]

إذا هذا هو سبب شقائك
إذا أردنا السعادة في هذه الدنيا علينا بثلاثة أشياء
الأول الصبر عند البلاء و في حالتك يكون الصبر على أذى الناس و كظم الغيظ عند الغضب قال تعالى : (و الكاظمين الغيظ و العافين عن الناس و الله يحب المحسنين)
و النبي صلى الله عليه و سلم يقول ز (ليس الشديد بالصرعة إنما الشديد الذي يحبس نفسه عند الغضب) أو كما قال
و لا يخفى عليك الرجلان الذين اقتتلا عند النبي صلى الله عليه و سلم فسب أحدهما الآخر فقال عليه السلام إني أعلم كلمة لو قالها لأذهب الله عنه ذلك أعوذ بالله من الشيطان الرجيم
فالمصائب الذي نستاء منها في هذه الحياة و نراها نقمة
و هي في الحقيقة علينا نعمة في تكفير الذنوب و المعاصي

ثانيا: الإستغفار عند الذنب
قال تعالى: (و ما كنا معذبيهم و هم يستغفرون)
قال شيخ الإسلام فالإستغفار سبب في كشف العذاب
و ليعلم الإنسان أن تسلط الناس عليه بسبب ذنوبه
قال علي رضي الله عنه ما نزل بلاء إلا بذنب و لا رفع إلا بتوبة
فالمصائب الذي نستاء منها في هذه الحياة و نراها نقمة
و هي في الحقيقة علينا نعمة في تكفير الذنوب و المعاصي

ثالثا شكر النعم قال تعالى ز (لئن شكرتم لأزيدنكم)
فالنعمة صيد و الشكر قيد

هذا و أسأل الله أن يغفر لنا و يرحما و يهدينا لما يحب و يرضى

[ساجده 82]

شوفي ختي .البارح واحد سرق البالون لولدي وكذب في وجه زوجي قال هذا تاعنا هو واهلو على العموم هم مش عرب راح زوجي خذا وليدي ونحالهم البالون وزعف وقالهم تاعنا .وهم ناس صعااااااااب كنا في نزهه كي جينا مروحين .زوجي عطى البالون لبنو وقالو روح اهديهللهم يعني علمو يجيب حقو مايخليهش ولكن .لازم مايتخلاش على الطيبه وقالو انت جبتو هو حقك مااخليش الناس يكلحوك ولكن خمم بعقلك .ممكن عندهم الف سبب خلاهم يسرقوه .هكذا حنا لازم نكونو حقانيين مش نتخلاو على الادب .لازم الواحد يواجه الخطئ بالحق.

[الفاتحة]

لا تخافي في الله لومة لائم لا أحد يستحق ان تخافي منه وتخشيه إلا خالقك واجهي خوفك وضعي كل شخص عند حده وتكلمي في وجهه بكل صراحة.