لن استطيع التسجيل في الجامعه

[بسمة صيف]

المشكله انو والدي الله يسامحه كان يماطل باش يفتحلي كونت ccp واليوم فقط حط الدوموند ياناس التسجيلات غير غد وانا لم احصل على الصك المشطوب كيفاه رح نسجل ولازم نركب غدوة فليل الجزائر بعيدة عليه بزااااااف وزيد محطليش شهادة نجاح فالملف تاع الكونت دارو عام احباط والله كيفاه رح نسجل بلابيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[samira 1993]

ما تتلقيش اختي كاين الحل
قوليلي باك الشاك تدفعيه برك في الدوسي تاع لابورس
مالا نورمال دي فوا كانو يحطو دوسي حتي في ديسمبر
ربي يسهلك

[بسمة صيف]

وي ختي في دوسي لابووورس والله وجدت كلش وناوية نركب غدوه باش نلحق صباح التسجيل وخفت يفوتني الوقت؟

[بسمة صيف]

هل من مساعدة ؟؟؟؟؟؟؟؟؟؟؟؟

[العبدالضعيف لربه]

ملف المنحة ملف ثانوي يا أخي والتسجيل فيها مفتوح حتى ديسمبر على مستوى الوطن

لذلك لا تقلق، ادفع الملف متى انتهيت منه

كذلك هناك جامعات تقبل دفع الملف بدون شك وبعدما تحصل لعيه تقوم بارفاقه عادي

بالتفويق

[samira 1993]

عادي يا اختي المهم انت ادفعي الملف البيداغوجي في وقتو هادا هو الصح
الملف تاع لابورس ثانوي يعني عادي اذا تاخرتي في دفعه و كاين لي حطوه حتي لديسمبر
ما تتقلقيش و ربي يسهلك
بالتوفيق في دراستك

[كحالي]

ماللف لي راكي تحكي عليه هو ملف المنحة فقط لا علاقة له بالدراسة ... الصح هو التسجيل تاع الجامعة .. كاين الاقامة و الجامعة و المطعم و المنحة و لي تقراي بيه هو تاع الجامعة والباقي ثانويين فقط ...