سؤال حول انانبيب الماء

[carla 25]

ارجوكم اريد سعر الانابيب اليلاستكية للماء فابي يريد تركيب لنا سخان الماء من نوع فلام بلو والبلومبي قال لنا سعر خيالي للانابيب
وهل النحاسية ارخص وارجو ان تعطوني السعر للمتر من فضلكم

[مصطفى_س]

الانابيب يسموها multicouche و سعر المتر الواحد 65 دج

صورة الانابيب



اما عن سعر ال code et T فهو من 150دج الى 650دج


صورة T



صورة code



المشكلة هنا في السعر الخيالي الذي طلبه الرصاص و هو لتركيب السخان يطلب سعر و لتركيب lavabo يطلب سعر يعني لا يعمل بالمتر كما في السابق

مثلا سعر السخان قد يتجاوز 5000 دج بالاخص لو كان السخان بعيد قد يتجاوز 7000 دج

صورة lavabo



plombier احسن من مهندس هههههههه

[carla 25]

بارك الله فيك نورتني يعني المبلغ تاع 500الف لتركيب فقط السخان لاشتة كاينة لانسطالاسيون وكي يزيد يركب كلش من دار وجديد تزيد السومة ولا نفس السعر التركيب
وسعر تركيب انابيب الغاز هل هي نفس المادة او تكون نحاس
وشكرا

[مصطفى_س]

المشاركة الأصلية كتبت بواسطة carla 25

بارك الله فيك نورتني يعني المبلغ تاع 500الف لتركيب فقط السخان لاشتة كاينة لانسطالاسيون وكي يزيد يركب كلش من دار وجديد تزيد السومة ولا نفس السعر التركيب
وسعر تركيب انابيب الغاز هل هي نفس المادة او تكون نحاس
وشكرا

قصدت في كلامي انو يركبلك السخان يمشي ماء سخون هو و التوصيلات يعني تلقايه واجد ممكن يلحق للسومة لي قلتي 500 الف
لافابو برك يقدر اي احد يركبو يركبوه ب300 الف
يركب 3 في النهار يروح بمليون شكون كيفو هههههههه على العموم ماش حسد بالصح التكلفة غالية شوية و اي حرفي اصبح مكلف الان و حتى البناء

على هذا الشان نحكيلك نكتة مرة حبيت ندير دالدوسول في الصالون قلت لواحد البناء راني حاب نخدم قالي نخدملك قتلو واش حال قالي واش حال شريت دال دوسول نخدملك بسومتو هههههه يعني انا شريت ب95الف يخدملي المتر ب95 الف معناه يسقام المتر ب 190 الف بلا اسمنت و رمل و غدا
قتلو راهم صدقوه ليا دالدوصول و انت تخدملي باطل ؟ ضحك و قالي لالا نعرف سومتو

صعيب الحال الله يقدركم نعطيك نصيحة قولي لخاوتك الا عندك يتعلمو و يخدمو وحدهم في رزقهم هههههه تعلمت وحدي من اليوتوب و راني نخدم وحدي

[carla 25]

[COLOR="DarkSlateBlueوالله عندك الحق احنا المصوات دارو فينا حالة والله تقول مهندس دولة وميجيش والغلا والخدمة مكان مكان الحيوط معوجين والقياس ماشي قدقد عدنا نريبو ونخسرو من دار وجديد
وتهدر معاهم يقولولك نورمال يجيبها التلباس
هدا مكان والو وقالولنا نهار الفينيسون تجبدو كتر من اللي حطيتوه والله كلشي غلا
ونستعرف بيك انا كون خلاوني والله نركبلهم لفابو والعيون وحدي ههههه
تاعنا لاعبينها اطباء يموتو ويمدو الصوارد
ومايركبو والو وهو كلشي ساهل
والله درك بيتي راني نخمم نصبغها وحدي
وحكايتك عدات علينا قالنا لاشاب ب50الف ولادال دوصول ب90الف يعني يخرج من عندنا مليونير هههه
ربي يقدرنا برك
وشكرا
[/COLOR]

[مصطفى_س]

المشاركة الأصلية كتبت بواسطة carla 25

[color="darkslateblueوالله عندك الحق احنا المصوات دارو فينا حالة والله تقول مهندس دولة وميجيش والغلا والخدمة مكان مكان الحيوط معوجين والقياس ماشي قدقد عدنا نريبو ونخسرو من دار وجديد
وتهدر معاهم يقولولك نورمال يجيبها التلباس
هدا مكان والو وقالولنا نهار الفينيسون تجبدو كتر من اللي حطيتوه والله كلشي غلا
ونستعرف بيك انا كون خلاوني والله نركبلهم لفابو والعيون وحدي ههههه
تاعنا لاعبينها اطباء يموتو ويمدو الصوارد
ومايركبو والو وهو كلشي ساهل
والله درك بيتي راني نخمم نصبغها وحدي
وحكايتك عدات علينا قالنا لاشاب ب50الف ولادال دوصول ب90الف يعني يخرج من عندنا مليونير هههه
ربي يقدرنا برك
وشكرا
[/color]

العفو اختي

ههههههه
البناء يقلك لي يلبس يعدلها و لي يلبس يقلك البانتر يعدلها و البانتر يقلك الحيط اعوج
والله غير البانتورة ساهلة خلاص اليوتوب برك تعرفي اخر اخر تكنولوجيا عليك و على دراهمك اما الخدمة كثر خير ربي ثم القاوري اذا العربي والله غير يبخلك

الله يقدركم على البنيان ...ناس بكري قالو البني يفني معناتو يفني العبد

[carla 25]

امين
وعندك هدرت ناس بكري حكم قالو زوج يفقرو العرس والبنيان ووصلنالها
ويسما خلات علينا درك لازم اللي يبني هو اللي يلبس باه يعدل خدمتو
ربي يعينا برك
وعل اليوتوب والله كلش نتعلم منو وتسخف كي تلقا كلشي يحطوه ويعلموك فيه باطل وقلب ورب
اما العرب كون غير يبخلوك برك لامفزدوش وحطولك سيت يبراطي او يدخلك للحاسوب تاعك اللي تعلموها من سيادهم حاشا البعض وربي يهدينا برك ونوليو من الناس اللي تخترج وتنتج وماتكوبيش

[ام معاذ وسلمى]

السلام عليكي اختي اذا قالك بلومبي 500 دج وهو يدير ستالاسيو اختي راهو ساعدكم لان يديروا فيهم 700دج بالنسبة لي شوف با واذا كان واحدوا بدون ستالسيون 300 دج
ولافابو راهم يديروا فيه 500دج وهذا في دوائر وبلديات اما في الولايات الكبيرة سعر خيالي
اما احسن ماركات لتويو vertex ;وفيه انواع ربي يوفق ان شاء الله

[carla 25]

بارك الله فيك اختي عل الاجابة
امالا كون نقولك قالنا حق يدو 2ملاين وانا لافابو راكب والبواجي راكب بدلي العيون برك ومشالي الانابيب مسافة 11متر دهاب الى الدوش ورجوع الى المطبخ اي المجموع 22م و6متر تاع الغاز يعني بزاف 2ملاين في نهار