الفضيحة تدق باب بيتنا 2

[مشكلتي]

السلام عليكم
اولا استغربت الهجوم الشرس لي يسمعكم يقول العروس وصلت و انا طردتهها اصلا راني رايحة نخطبلو هاد الايام
اما واش دخلني في القنابا و الحرب انا نقولكم ابي يصاحب بنات و يسب امي كلام فاحش و يبات في غرفة منفصلة تقوليلي عادي
هل كل الاسر فيها هاد الشئ هل كل الرجال ينامون بعيدا عن زوجاتهم
بخصوص لي قالولي اابحثثولو غلى بنت الحلال هو بحث ة قررر و كلم اهلها بلا ما يخبرنا حطنا تحت الامر الواقع و البنت مانعرفوهاش
بخصوص الدين حتى اخي الثاني من حقو الزواج هو يبات خدام و يدل خدام لم الدراهم كي شاف خوه محتاج سلفو و الاخر دا دراهم و قلك نتزوج و مخممش في الدسن قال لماما راه عارف حالتي يعدرني خمم غي في روحو
اصلا قرارو بالزواج رفضو بابا و دار مشاكل كبيرة ف الدار طبعا خرجو في راس ماما و هوما تصالحو خلصتها غي هي مسكينة
اخي هادا مزال ملحقش 29 سنة قلتالو اخدم مزلت صغير رد ولو جزء صغير من الدين قالك نمد عليها الكلمو و نلايم دراه و نعرسس البنت عمرها 26 سنة شحال تستناه بعد سنة تقولو دير العرس يبداو مشاكل اخرى
للأخ الي قال تفضحي عايلتك انا مفضحتش العايلة لانو ولا واحد منكم يعرفني
لالخت لي قاتلي البنت تزوخ باسرة الزوج و متفضهمش لالا اختي راكي غالطة تزوخ بالزوج اااهلو رانا عايشين في المجتمع و رلنا شايفين الحال شكرا للاعضاء لي عاونيني ولو بدعوة خير

ربي يفرج على كل واحد

[نورسين.داية]

السلام عليكم أختي

صحيح قد نتاثر بمشكلة قد تحدث بين الوالدين ....لكن من الأحسن في هذا النوع من الإختلافات ألا يتدخل الأبناء .....

مسألة الإخوة الصراحة المشكلة غير واضحة ؟؟؟

[*أم سجى*]

ياختي راكي في وضع أسري لا مجال للهروب منه امالا شوفي مصلحتك واخطيك مالتخمام ان شاءالله ربي يرزقك زوج صالح وتتهناي معاه وخلي مشكل العائلة ارميه وراك أنساي الهم ينساك راكي طفلة ولية علاه تحملي فهذ الهموم الكبيرة لي فوق طاقتك عيشي حياتك وخلي لي حب يصرا خليه يصرا انتي عليك تكوني مستقيمة محافظة على أخلاقك أما باقي المشاكل فأنتي في غنى عنها اتركيها لله عزو جل هو المتدبر في شؤونها (ولاتزر وازرة وزر أخرى)
..ربي يفتح عليك ان شاءالله

[first first]

اولا اختي ربي يفرج عليكم
وراي من رايك لو كنت مكانك لقلت ليس وقت زواج الان..... لجمال الضروف المحيطة
لكن تحبي الصراحة والله ماتدري وين يكون الخير ...........الوقت المناسب الزواج ليس بايدينا
كذالك انا من رايك ...........صح الاخوة والاخوات بحسن نية ارادو دفعك للتفاؤل بكون الكنة قد تكون حافظة للسر؟ ......................لكن كما قلتي اين هي حافظة اسرار البيوت؟؟؟؟؟ انا لحد اليوم لم اصادف كنة لاتسرب اخبار بيت اهل زوجها .................. منقولوش ماكانش لكن قلائل جداجدا ..........للاسف لم اصادف هته العضيمة؟....لذا تخوفك منطقيا في محله .................لكن في الاخير نقولك سهليها تسهال ..............فلايوجد زوجان يعيشان مثل قيس وليلى ولايوجد بيت بلااسرار ومشاكل.
ارمي حملك على الله مثلما قالت الاخت امل ..................وتفاءلي

ربي يفرج اختي ويستركم دنيا واخرة

[روح المي]

أختي والله مستغربة ربما المنطقة تاعكم احنا في منطقة عيب انها تتكلم
لانها لن تجد الا من يذمها على هذا التصرف
في النهاية هي وجهة نظر
اما بالنسبه لوالدك ربي يهديه لكن لا يمكنك ان تفعلي شيء

[sunshine2013]

السلام عليكم
غريب اللي يقول الابناء من الافضل ما يدخلوش!! هادي اسرة و لا واش
تتخيلو الوالدين على شجار و الابناء يسمعو و ما يتاثروش ؟ كاين اللي تبكي و كاين اللي يحوس على مفر و كاين اللي يخبي في قلبو حتى يطرطق الله اعلم كيفاش
وين راه الاستقرار المحبة المشاركة التوجيه و غيرها
ربي يهدينا
و ربي يفرج اختي صاحبة الموضوع

[دنيا الامل 18]

ربي يفرج عليكم الصبر

[إنسانة بسيطة]

طبيعي جدا ان تردي علينا هكذا لم استغرب مطلقا
الم تري مشاكل القسم عن الخيانة يعني والدك ليس اول ولا اخر واحد وكل ماتفضلت به نعلمه و موجود فلا داعي لان تلبسي انك تعانين منعزلة
نعم في اغلب الاسر الجزائرية منذ ان يكبر الاولاد ينفصل الزوجان عن المبيت الا اذا كنت تظنين غير ذلك ولا الومك في ذلك لكن طبيعة العائلات هكذا
بخصوص ما قلته لم يكن حديثي عن الحروب بل انه في احلك الظروف والناس عاشت وضعها الغريزي الطبيعي فلا داعي للتعقيد

الخلاصة : لو بقيتم تنتظرون تحسن ظروفكم وتسديد الدين الذي على اخيك لن يتزوج الا في سن السبعين حتى في اغنى العائلات يوجد دين ومصاريف وعراقيل لا احد تزوج بكل سهولة .

[كاميلا]

من الاحسن مدخليش روحك يا اختي فيه وبين خاوتك كوني ناهي للخير برك بينه بين خوه في حكاية الدين
قلك يداك اوكتا وفوك نفخا انت خمي في روحك ان شاء الله يرزقك ربي وتتزوجي وتخرجي من هاد المشاكل وباباك الله بهدبه ميحشمش على عرضه يدير هكد اقشعر بدني

[صبرا13]

السلام عليكم و رحمة الله و بركاته
لقد قرأت طرحك الاول و الثاني و ان كنت اتفهم انزعاجك فأنا لا اتفهم او لم افهم بعد لماذا الفضيحة تدق بابكم، فالوالد عسى الله ان يهديه لم يذكره الشيب الذي في شعره بانه كل يوم يدنو الى قبر هو في غفلة عنه، فلا أظن الناس يجهلون امر ابيك و على كل هناك من هم مثله و تزوج اولادهم و بناتهم و لكن كانت الزوجة اي أم أولاده في الحالات التي اعرفها إمرأة صالحة، أما عن اخيك فأنا مثلك اتعجب ممن له 250 مليون دين و ينام قرير العين بل و يريد ان يتزوج!!! و مثل اخوك كثير حتى انها أصبحت ظاهرة حيث أصبح من. يستدين لا يرد دينه بل يأخذ جزء منه غصبا، و كيما يقول المثل يجيك يتلوى و مباعد تفتح عليه الباب يتقوى و يوليلك هو من هو، الحاصل هذا اخوك اقبليه على نقصه فحديثك لن يرده الشاب المسؤول اللذي تريدين بل سيزيده نفورا و يزيد على أمك و عائلتك المشاكل، ثم لماذا تحملين كل هاته الهموم على ظهرك، فالإنسان لا يختار أهله و قد يبتلى فيهم، فاهتمي بنفسك و إياك و الغيبة و النميمة و اسألي الله فرجا قريبا و الله الموفق.

[جيهانcool]

الله كبير استعني با الصبر والصلاة

[doba]

ربي يفرج على كل واحد

[abdellah36]

لماذا تم حذف نصيحتي للسائلة ,,,,,,,,,,,,, هذه دكتاتورية من المشرف مخالفة لقوانين المنتدى و تذكرني بالبوابين لي يشتغلوا امان الادارات العمومية .............

اكرر نصيحتي ، ما يقوم به والدك من علاقات خارجية امور شخصية لا يحق لك او لوالدتك ان تتدخلوا فيها .........و ان اراد الواج بامراة اخرى فهو ايضا حر لا تتدخلوا ,,,,,,,,,,,,,,,,,,و ايضا لا المبيت لا يوجد قانون ديني او عرفي يفرض على الزوج المبيت مع زوجته كل ايام الاسبوع ,,,,,,,,,,,,,,,

و اخيرا المراة لا تتدخل في خلافات الرجال لانها متى تدخلت زادتها سوءا

[أندلس]

ربي معاك و لكن ما تتعجبيش من بعض الردود غير الواقعية لأنهم يعيشون في كوكب آخر