رايكم يهمنا

[مشكلتي]

سلام عليكم اخوتي رأيكم يهمنا نرجو معرفة رإيكم خاصة للدين لهم خبرة في هدا الموضوع لقد تم عقد قران اختي مند 4 اشهر وخطيبها يكلمها نادرا مرة في الاسبعين او تلات اسابيع قلقة جدا لدلك لانها لا ترى اهتمام من الطرف الاخر و متخوفة جدا تريد ان تعرف هل هدا امر طبيعي بين قوسين الخطيب لم يلاحض عليه انه من النوع الملتزم

[دنيا الامل 18]

ربما قضية المال اعني فاتورة الهاتف

[elhosseyn3483]

السلام عليكم
هدا امر له ايجابيات وسلبيات
المهم كثرة الهدرة توصل لخسارة الهدرة وفهمك كفاية
اما الاهتمام يمكن ان تجري اختبار
مثلا تتصل به وتقول عندها مشكل تحوس على عفسة
وتشوف ادا يحير عليها ول يطيشها
ادا اهتم خلاص متزيدش تتقلق وتحط رجليها في ماء بارد
وادا مهتمش علينا وعليك العوض

[Nada Sweet]

لا الأمر ليس عادي ابدااا
هو ليس خطيبها بل زوجها بما انك قلت تم عقد القران
يعني المفروض يهتم ماهذا الاهمال
في اعتقادي لازم يجيكم للدار وتحكي معاه ويتفاهموا اين الخلل
يا اختي ردوا بالكم ادا كانت ماتعرفوش مليح ولا .......تأكدوا مليح قبل ما يطيح الفاس في الراس
الله يصلح الاحوال

[سجل أنا جزائري]

هناك رجال ما يحبش الهدرة بزاف في تيلفون لأن كثير ما تحدث مشاكل حتى وهي زوجته شرعا يقولك حتى نتزوجو خير
و هي أعتقد الأفضل لأنو كثير ما تحدث مشاكل

مهم بمأن راهي زوجته شرعا تستفسر من عندو على حيرتها عادي ما فيها والو

[روح المي]

من عادي أنها تعرف بمن إرتبطت على حسب شخصية شخص وإلالتزام ليس شرط أن اي شخص يظهر هذا للاخرين ربما يفكر بسلبيات هاتف وربما مشغول بغيرها فهناك احتمالين لا ثالث لهما من رايي تكلمه وتناقش معه وتعرف سبب إن كان تافه فانه سيعاملها بهذا الاهمال منذ البداية واهم شيء قبل ان تفتد معه الموضوع تستخر ربي

[~أمة الله~]

عليكم السلام ورحمة الله وبركاته
إذا قصدتي عقد شرعي وما يهدرش معاها
من وجهة نظري غير عادي خصوصا مع ما يعانيه الشباب من فتن، تستفسر منه أحسن,
ربي يهنيها

[الفاتحة]

هذا أمر غير طبيعي أبدا وإذا ما سقسيتوش مليح على هذا السيد راح تندمو حيث لا ينفع الندم

[أمير القوافي]

كيما راه أنتيك . مرة في الأسبوعين أراها تكفي لسؤال عن الأحوال ولو كانو عاقدين
انا ان شا الله نخطب و وندير كيفو ولا قل منو ، وبركاو من التوسويس تاعكم الراجل ماناسيش على المادام تاعو
الهدرة ماشي بالشبعة

[حميد.ص]

الفايدة ما شي في كثرة المكالمات الهاتفية بل الفايدة في نوعية الكلام

[مواطنة جزائرية]

الامر عادي اختي طمنيها و قلها خليك من التوسويس هو من عمل الشيطان كانت نفس وضعيتي قبل الزواج و اليوم الحمد لله ووجدت ان هذا من طبيعة زوجي فهو لا يحب كثرة الكلام

[خولة لبابة]

ادا كان زوجها....لا يسال عنها كل هده المدة امر محير فعلا.....

[~رآقية بأخلآقي~]

أراه أمر عادي...فقد يكون ذا شخصية لا تحب كثرة الكلام

وإن كانت قلقة فعلا تستفسر منه و ان شاء الله راح يجاوبها و يطمنها

وربي يتمم لها بالخير يارب

[هاوي رياضة]

نصيحة و هو ان كلما كثر الكلام كثر معه الكذب و لهذا يجب الانتباه لهذه الافة

[مصطفى_س]

السلام عليكم و رحمة الله
يا اختي قلة الكلام فيها فائدة كبيرة جدا و كثرة الحديث في الهاتف تترتب عنها مشاكل كبيرة و كثيرة
هذا من وسوسة الشيطان اذا كان السيد ناس ملاح ميهمكش كثرة الكلام والحمد لله مفرطش في الواجب انو يسقسي عليها
احنا منعرفوش المدة لي راح تكون بين عقد القران و العرس انا ننصحك في هذه الحالة ان كان الزوج ميسور الحال يسرع و يدير عرس و تتهناو في زوج لانو الوقت كلما يطول تكثر امور بزاف و راكي شفتي كيفاش بد التوسويس و الناس الله يهديها بالاخص العنصر النسوي
لانو ممكن جدا البنت تقارن نفسها ببعض الفتيات لي دايرين علاقات محرمة و يباتو يحكو ..لا مجال للمقارنة ابدا هذا زوجك لازم تكوني معاه متشوفيش لهدرة الناس لوكان انا نشوف واش راه يدير لوكان انا نهدر معاه و نقلو فهمني لوكان انا منك راني نبطل عليه و و و و

كي يحكي معاك المرة الجاية حاولي تحكي معاه مثلا راك كتوم علاه بضحكة او مثلا متحبكش تحكي صفة مليحة بالصح ممكن انا محتاجاتك على مشورة لمسالة ما مثلا هكا لازم تكون العشرة
لوكان انا في بلاصتو نفس الشيء منحكيش بزاف نطمن كاش مشكل نحاول نحلو دون ذلك والو
مليح القدر