نحن في موقف صعب انصحوني في ما يخص الصداق

[مشكلتي]

السلام عليكم
الله يخليكم نحن في حيرة كبيرة و ما عرفنا واش نديرو
عندي أختي الصغرى عمرها 22 سنة مخطوبة في 8 أشهر
الأمس عائلة الخطيب جاو حتى يكملو عليها يعني يدفعو دراهم المهر و يقولو شحال يديرو ذهب....دفعو 4 ملايين كصداق و 10 ملايين ذهب فيها سلسلة و سوار
حنا ما شفناش الذهب كيفاش داير غي قالونا برك,,,المهم و المشكل ماشي هنا خطيب أختي يعرفها و تهدر معاه هذي مدة و لكن ما قالهاش شحال رايح يدفع فيها حطونا أمام الواقع بالرغم أنه الخطيب لاباس عليه يعني يخدم خدمة مليحة في شركة وطنية مش محتاج كل مرة يقول لأختي أنه اشترى عطر ب 3 ملايين و ساعة ب 5 ملايين
الأب نتاعي في الأول ما شرط والو و لكن قالهم ديرو كيما يديرو الناس ,,حشم حتى يقول للأب نتاعه أنه الدراهم و الذهب قلال
الأن المسؤولية رجعناها على أختي و قلنالها على الأقل يزيدك في الذهب لأنه حقك,,,,و كي قالتهاله قالها ما نقدرش نزيدك و دير راي عائلتك و سوف أراجع أموري معك
و الله أختي راهي في حالة يرثى لها ما عرفتش واش دير

معلومات إضافية
العلاقة اللي بيناتهم علاقة حب يعني أختي تحبه و لكن هو الله أعلم
هو يكبرها ب 15 سنة و مطلق

الله يجازيكم انصحوني كيفاش نتصرفو حتى الأب نتاعي راهو خايف بزاف
نحن من الغرب قولولي شحال راهم يدفعو مبلغ الصداق و الذهب

الله يخليكم انصحوني كأخت لكم و ديرو نفسكم في الموقف نتاعنا