عصائر جميلة و طبيعية و صحية و امممممممم من عند زيكا

[انا هي رزيقة]

اليوم جبتلكم تشكيلة من العصائر الطبيعية و الصحية و البنينة و المنعشة امممممم تستاهل فمكم . راهو رمضان خلاص و الصيف الحار و القاتل على الابواب فخذو حذركم .... خخخخ هذا فراز ميكسي مع عصير برتقال و هذا سموثي فراز و حليب و هذا سموثي موز و حليب و هذا كوكتال برتقال و موز و هذي عصائر مشلكة فيها عصير برتقال (منرمي حتي حاجة من البرتقالة نقشرها و نقطها و نميكسيها مع شوية ماء ) و عصير توت و برقوق و تقدرو تضيفو اي فاكهة متوفرة عندكم المهم تكون طايبة (مشي فوق النار طبعا خخخخخخخ حبيت نقول الفاكهة تكون مشي خضرا) و من المستحسن متضيفوه سكر ضيفو فقط ماء اذا استلزم الامر و تذوقو الطبيعة و البنة على اصولها و هذا عصير برتقال 100 بالمائة و هذا عصير برتقال مع مشماش و هذا كوكتيل غلاص فانيلا مع خوخ و حليب وهذي ايضا فريزة ميكسي مع عصير برتقال طبيعي و هذي دائما فريزة مع حليب و ياوورت بدون اضافة سكر طبعا ملاحظة هامة جدا جدا كل هذه العصائر تشرب باردة جدا جدا الى الملتقى حبيباتي