هدية العروس في العيد

[pseudoname]

السلام عليكم و رحمة الله
رمضانكم مبارك ان شاء الله
اخوانى اخواتى انا اسال عن هدية العيد الدى يقدمها الزوج لخطيبته
انا اريد ان اعطيها مبلغ مالى و هة تشترى ما تحب و لكن لا اعرف ما قيمة هدا المبلغ.البعض يقول 15000 و البعض 20000دج و البعض يقول فيها الدهب.فهمونا تعيشو

[kameljijeli]

السلام عليكم ورحمة الله وبركاته
يمكنك أن تختار هديتك بنفسك حسب معرفتك بخطيبتك ،و لا تنظر لما يفعل فلان أو علان, فالواقع والظروف و المقدرة المالية يختلف من شخص لآخرو حسب رأيي جمالية الهدية في رمزيتها.

[علي لقواطي]

أعطيها 15000 دج تشري واش تحب

[pseudoname]

بارك الله فيكم و جزاكم كل خير

[جهينة اليقين]

كل على حسب المنطقة والعادة ديالو كاين الي يدي لها لبسة مع حلويات العيد وكاين الي يدير الذهب وكاين الي يمد الدراهم وانت تقدر تسقسي المخطوبة واش تختار وهي تخير واش يخرج عليها وكل شي مبروك

[elhosseyn3483]

انا اعطيتها 6000 دج وفرحت بها وقالتلي خلي عاون روحك
راها العام الماضي
والحمد لله زوجة صالحة
اولكن عندي سؤال لي اعطا خطيبتو 20000 دج شحال اعطى ليماه

[أماني خروبي]

سلا م خويا
حنا كنتنا الجديدة سقسيناها وقلنالها تحبيهم دراهم ولا كسوة قتلنا من الاحسن نخرج نشري معاكم

يا اخي من الاحسن تسقسيها واش تحب هي......

[الاءنهال]

من الاحسن دراه تشري واش راه خاصها

[abdelhakaouadi]

لماذا كل هاته المبالغة والتكلف ، ياأخي لايكلف الله نفسا إلا وسعها، كلّ ومقدوره، أنا الحمد لله زوجتي كانت تغضب عندما أقدم لها هدايا في المناسبات عندما كنا في مرحلة الخطوبة ، كانت تقول لي لاتكلف نفسك لأنك شرعا لست مسؤولا على النفقة علي، وكانت تقول لي لا تنسي أبوك و أمك لأنك مسؤول عليهم، نّعم الزوجة و الحمد لله

[yahya ben yahya]

ana khtib we nchrilha kswtha we rihtha we hntha ky l3ada

[*أم سجى*]

سلام أخي ........بالنسبة لهدية العروس من الأحسن يكون مبلغ مالي أحسن بكثير من شراء ملابس لأنه قادر ميعجبوهاش يروحو دراهمك فالخسارة ......أما المبلغ فأظن أن 2م مبلغ مبالغ فيه نوعا ما بالنسبة لعامل متوسط الدخل أما اذا كنت قادر ماعليش تقدر تعطيلها أوتشريلها حاجة تع ذهب ........بالنسبة للي مش قادر نظن يعطيها مبلغ مليح ميكونش تحت500........أما باش يلحق ل2م أنا نشوفو مبالغة........كل انسان ومقدورو وهاذي مهيش أمور مرسمة وثابتة ....وربي يجيب الخير ان شاءالله

[لمسة ابداع]

حنا درنا لعروستنا فلايك ب 4ملاين و نصف و قفطان و صابو معاه و كسمتيك سينية بقلاوة و بلا قاطو و قشقشة و حنة
و انت شوف مقدورك