حلا المرايا بالوان جديدة

[رحيق النحل]

السلام عليكم و رحمة الله و بركاته


وصفة حلا المرايا لكل من طلبتها.
مقادير الطبقة الاولى

2 بيض
8 ملاعق كبيرة فرينة
8 ملاعق كبيرة سكر
8 ملاعق كبيرة زيت
8 ملاعق حليب سائل
مبشور الليمون
قرصة ملح
1 خميرة كيميائية ( لوفير)
1 ملعقة صغيرة كاكاو.

اولا نشعل الفرن
في وعاء نضع البيض + سكر نخلط شوية و نضيف الحليب و الزيت و مبشور القارص و الكاكاو و الملح نخلط
ثم نضيف الفرينة ممزوجة مع الخميرة الكيميائية ثم نفرغهافي مول مدهون بالزبدة و مرشوشة بالفرينة
و ندخلها الى الفرن .

مقادير الطبقة الثانية

كاس حليب غبرة
3 علب ياوورت طبيعي او فاني
3 ملاعق كبيرة سكر
1 ملعقة صغيرة لافاني.

نخفق المقادير مع بعضها حتى يتجمعو منين يطيب الكيك نفرغوه فوقو و ندخلها الى الفرن 10دقائق باه يجمد
فقط لازم يبقى لونه ابيض

مقادير الطبقة الثالثة

ملعقة و نصف قهوة سريعة الذوبان (نيسكافي)
نصف لتر ماء
2 ملاعق كبيرة سكر
1 علبة فلان ذوق شوكولاطة

نخلط كل المقادير مع بعض ثم نضعها على النار حتى يعقد شوية ثم ننزعه من النار و نتركه يبرد شوية
ثم نصبه على الطبقة الثانية بعدها ندخله الى الثلاجة يبرد ثم نقطعوه بالشكل اللي تحبوه
و شهية طيبة.

نخليكم مباشرة مع الصور
هذه عملتها بذوق البيستاش







و هذه بذوق الفراولة.





لا تنسوني بدعيوة خير عن ظهر الغيب.