عندك الكراس ولا لا ؟
اليوم راح نكمل العلوم و نبدا فالفلسفة من 0 ..
الطريقة هي أنه نراجع الدروس
نتخيل انو الفلسفة مثل التاريخ أو دروس العلوم شرعية
اولا نقرا و نفهم دروس , هذي اذا كانت دروس على شكل رؤوس اقلام و قاع
اما اذا كانت على شكل درس مقالي نلون الأفكار و الحجج
فأتحصل على درس ,, طبعا في درس واحد ممكن يكونوا 2 3 مقالات ,, و في كل وحدة ممكن نبداو بالمعارضين أولا أو بالمؤيدين أولا ,,, تسما 6 مقالات أو اكثر
6 مقالات ... لكن درس واحد
هكذا جميع الدروس ,,, اذا لم أفهم درس ما أبحث عنه أو ابحث عن مقالاته ,,, نقراها و نفهمها ,,, سينون نروح نستغل كاش فيديوهات فليوتيوب
ثانيا و أهم شيئ المنهجيااات
كاين 4 منهجيات برك , منهجيات مقالة مقارنة + مقالة جدلية + مقالة استقصاء بالوضع + تحليل النص
/ الاستقصاء بالرفع محذوف بسكو الشرق مفهموش و معرفوش يقروه /
الآن راهي عندك فكرة تقريبية ؟ ,,,
تفهمي الدرس كامللا بأفكاره و ممكن تحفظي قول ولا 2 ولا 3
و ماشي أوبليجي تحفظيهم بأسمائهم
اذا نسيتي قولي ,,,, يقول أحد المفكرين ,,, متريسكيش و ديري اسم تع مفني ولا بسكو اساتذة يسقسوا بعضهم البعض يوم التصحيح
ولا اذا ماراكيش عاقلة على القول مليح ,,, جيبي المعنى تاعه برك
الآن راكي متمكنة من الدروس / كي شغل بصح /
و المنهجيات كذلك
ضروك يحطولك أي مقالة ولا تحليل نص تقدري تحلي الموضوع بسهولة
لأنو المعارف اذا عندك تتصرفي بيهم كيما تحبي ,,, منهجية طبقيها برك
بهذي الطريقة ماتحفظي ولا مقالة ,,, تبني المقالة تاعك لوحدك يوم الامتحان
و صدقيني راح تلقاي حلاوة فالفلسفة كي تكتبي مقالة لوحدك ,,, تلقاي روحك تعبري و بلا ما تفيقي ديري مقالة شابة تجيبي بيها 16 17 18
لازم نغيرو أفكارنا حول الفلسفة ..... دروس + منهجيات و ليست مقالات و حفظ
النقطة فالمقالات فلباك حول المضمون كاين لي داير 4 وراقي برك و عطاوه 17
و كاين لي داير وراقي بزاف و مداش كيفه
الأفكار زيدي دعميهم بالشواهد و الأمثلة ,,, كاين دروس سهلة بزاف و الأمثلة كثيرة جدا
طولت شوية بزاف بصح ان شاء الله تكوني فهمتي وش حبيت نوصل
( تقرير عن مشاركة سيئة )، و الموجودة أسفل كل مشاركة .
2018-05-16, 12:06
~ وإني لأقفز بين كفتي الميزان ~
العرض العادي
