كوزينة الزمن الجميل اهلا بيكن واهلا بالغايبات جزء 166

[أم ياسين الزهراء]

السلام عليكم

اللهم صلي وسلم على اشرف الخلق


رمضان كريم علينا وربي يقدرنا على الصيام والقيام

اخواتي حبيت نفتح كوزينا هدي ونسميها كوزينة الزمن الجميل كعرفان مني لاختي والعزيزة الغايبة علينا وصاحبة الكوزينا الاصلية بريق الامل واللي حابة نسلم عليها بزاف بزاف ونقوللها كوزينتك توحشاتك صح الكل متهلي فيها بصح لمستك وحدك

وحابة نسلم على ام هديل الاخت الغالية ام انس نقوللها توحشناك طمنينا على بناتك وعليك

وحابة نتفكر معاكم ام كوثر صاحبة الشربة والوراك اللي يشوفو يسخف عليهم نقوللها توحشناك وتوحشنا لمستك واطباقك وتوحشنا كل الاخوات الغايبات امازتي امونية جيادا ام يسرى وحتى ام يسرا الباتنية و ام طيري و ريتاج التيارتية وتوتة الموصيبة واللي نسيتها تدخل وتقلي راكي نسيتينا ومعليش يغيضها الحال المهم تدخل برك وطمنا عليها

ياريت نتلمو ونفرحو ونزهيو الكوزينا كيما ايامات زمان ايامات ام كوثر ام رامي الهام ام ماجد والاخت الفاضلة ام راضية


كنت الاسبوع الاخير من شعبان طلعت للجزاير وعملت حفلة لاسوتنوس تاع وليدي الله يكملو والحمد لله كانت الحفلة ناجحة من كل النواحي وليدي تحصل على اعلى علامة وحمرنا وجهنا وكان مميز عن جدارة وانا حمحم كنت متالقة ههههههههههه والقواطو كانو روعة وطبعا الشكر الجزيل لكل الاخوات اللي ساعدوني ونصحنوي ودعاو لوليدي واللي تمناولي التةفيق في تحضيرات القواطو وطبعا لوليدي حابة نقوللهم بارك الله فيكن وربي يفرحكم كيما فرحت وربي يكمل لولادكم



الشكر الشكر الشكر لاختي الصغيرة ام محمد درت فيها حالى ههههههههههههههه عاونتني بزاف وخاصة قاطوها كان روعة اللي يوقو يديالوصفة وانا نطلب منها ديرو موضوع باش في العيد الكل يديروها وتشبع دعوات الخير وطبعا حرفت فيه ههههههههههههه

والشكر لدائمة الحمد واختي ام لجن وام سهام وكل الاخوات والاخت ميموني كانت دارتلي قاطو لوليدي كان هايل والله يحلي ايامك اختي ويشافيك ويخليلك ماماك تاج على راسك يارب

كثرت الهدرة طبعا من الزمن الجميل عجوزة تفضلو عندي الصور






















التارت مكمونديا هايلة وبنينة تقتل بصح الطلبة شمشروها من الفرحة الله يسهللهم امرهم فرحو الكل وزهاو







البقلاوة وصفة ام انس هايلة وساهلة








البوايط هدو للاساتدة







المقروط وكلش درتو انا شاطرة كثر منكم هههههههههه








قاطو الكادر الصابلي تاع ام اماني والنصايح تاع ام لجين شكرا اختي







وهدا هو قاطو ام تاج روعة روعة طبعا كيزدت حرفت فيه هههههههههههههه








هنا في المونتاج انتاعو طعمت النيسلي مع نواة كوكو امممممممممممممم ربي يحلي ايامك يابطة






قاطو ميموني بارك الله فيك والله يشافيك






الرفيس القسنطيني شكرا ام محمد على الصورة





نزيد نحوس على صور ونحطهملكم لان معض الصور مالقيتهمش اولادي فاصولي كلش