أغذية المريض بعملية جراحية؟

[*أم سجى*]

سلام .ممكن تفيدوني بأغذية مناسبة للمريض بعد خروجه من المستشفى ويكون قد أجرى عملية جراحية ومن الطبيعي أنو ملازمش نعطولو الحوايج لي تدير لاكونستيباسيو لي هو الامساك .ونتمنى تعطوني ايضا الاغذية لي تدير الامساك باش نتفاداوها انا نعرف غير الارز.موز.بيض..زيدولي شويا وانشاله تكون في ميزان حسناتكم

[*أم سجى*]

لهذالدرجة مكاش مساعدات

[الاميرة سميرة]

المشاركة الأصلية كتبت بواسطة أمل 95

لهذالدرجة مكاش مساعدات

اولا اختي ربي يشافي كل مريض الاشياء اللي دير الامساك القطاني مثل اللوبيا البيضاء و العجائن و شوكولا و التمر اذا كثرنا منهم اما بالنسبة للريجيم اللي يليق يتبعه مور العملية اكل لي سوب و شرب الماء و اكل الالياف مثل خرشف و الاسماك بانواعها مقلية في زيت زيتون او مطهية فالفرن و سردين مشوي احسن شيء حتى اللحم المفروم المشوي مليح لكن يجب اكله باعتدال و الكبد المشوي سواء نتاع دجاج او غنم و الاكثار من السلطة بزيت زيتون هادو اللي راني متفكرتهم حاليا و ان شاء الله نكون افدتك و لو بالقليل اختي و ربي يشافي مريضك

[*أم سجى*]

يعطيك الصحة الاخت سميرة الظاهر أنو انتي برك لي حنيتي عليا شكرا لدعائك أدام الله عليك وعلينا بالصحة.. في الحقيقة معندنا حتا واحد مريض برك ران نتثقف لدنيتي عندي كراس ندون فيه معلومات كيما هكا نكرر شكري ليك الاخت

[*أم سجى*]

هلل من مساعدان اخرى

[الاميرة سميرة]

المشاركة الأصلية كتبت بواسطة أمل 95

يعطيك الصحة الاخت سميرة الظاهر أنو انتي برك لي حنيتي عليا شكرا لدعائك أدام الله عليك وعلينا بالصحة.. في الحقيقة معندنا حتا واحد مريض برك ران نتثقف لدنيتي عندي كراس ندون فيه معلومات كيما هكا نكرر شكري ليك الاخت

العفو حبيبتي الغالية و ربي يبقي الستر علينا و ينعم علينا بالصحة يا رب و اذا تحتاجي اي شيء قوليلي راني فالخدمة ان شاء الله

[chekkat]

شكرا على اتممك بهدا الموضوع

[rayhane16]

كيما قاتلك الاخت و ايضا حاولي تتفاداي الاكل اللي يدير الغازات مثل اللفت ما تديريهاش في السوب و البقوليات نقصي منهم قدما تقدري و العجائن كيما مقرون غير اخطيك ديريلو تتيزانات تاع حبة حلاوة و لا تاع البابونج مليحة و مفيدة
هادا ما تفكرت درك و ادا تفكرت حاجة اخرى راني نقولوالك
و بالشفا نشالله

[*أم سجى*]

شكرا لكم اخوات نتمنى تزيدو تفيدونا

[tita.malak]

السلام عليكم كل الاخوات
ممكن تميكسي حبة موز تحليها بشوية سيرو تاع الرمان وشوية حليب كاس متوسط وتكسري فيها بيضة مش طايبة اكيد هكداك خضرة لانو مفيد جدا للصحة وتعمليهملو مثل العصير يشبع وما يديرش كونستيباسيون لانو مخلط ومفيد جدا لاي مريض ما يقدرش ياكل والبيضة ما تبانش خلاص الذوق تاعها فيه
الرد تاعي جا متأخر لأنو ما نعرفش المواضيع الجديدة وقتاش تتحط ان شاء الله نكون افدتك وافدت اي شخص يدخل الموضوع في اي يوم
Vive montada djelfa����

[وصفة]

السلام عليكم.
على العموم يجب على من أجرى عملية جراحية أن يبتعد و لمدة شهر كامل عن أكل المُعجنات و المشروبات الغازية و كل ما يُسبب العُسر الهضمي، و ان يبدأ حمية أساسها البُيون و التيزانة فقط و ان يكون البيون جد متنوع و غني بكل العناصر الضرورية، و البيون يحتوي على الجزر و الكوسة و اللفت و الخرشف ان وجد و غيرها من الخضار النافعة.
بعد شهر و بعد إستشارة طبيبه يمكنه تناول وجبات عادية و لكن بكميات تدريجية حتى يعود لنظامه العادي اليومي

[*أم سجى*]

شكرا ليكم ربي يخليكم حنونات