قاطو ساهل/اقتصادي ويقطع بزاف وبنييييييين من مطبخي

zineb_saib · 2013-05-23, 08:50

السلام عليكم ورحمة الله وبركاته
دخل موسم الافراح والأعراس
وحبيت نشارككم بقاطو بنيييييين وساهل وفي نفس الوقت يقطع بزاف

المقادير:
المقادير:500غ مرغرين +كأس سكر عادي أوناعم حسب الموجود+2 صفار بيض+2كأس كوكاو محمص ومرحي+1 خمارة حلوى+ملعقة كبيرة كاكاو أسود تاع الميزان ثم نجمع بالفرينة
نشكلوهم ونطيبوهم

قطعتهم

هنا بعد ماطاب

ونلصقوهم بكريمة الزبدة125 غ زيدة+عسل حسب الرغبة +باطة صغيرة حلوة الترك+فانيلا)

ثم يرتاحو وبعدها نقلاصيوهم بالشوكولا
للأسف راحولي الصور تاع الشكل النهائي امالا عاودتو بشكل آخر وجا أجمل
هنا عملتهم شكل مقروضات وزينتهم بخطوط بيضاء

والنوع اللي قدامو بنيون

المقادير:
كيلو كوكاومحمص جيدا ومرحي
1قوفريط بالشوكولا مرحي
1بيمو
150 غ حلوة ترك
2 باكي ديول محمصين ومرحيين باش يعطونا قرمشة
ونجمع بزبدة ذائبة 250 غ
واذا مكفاتش نزيدو الحليب
نشكلوه باستعمال غطاءقارورة عطر باش يجوكامل قد قد

نطليوهم بالشوكولا ونزينهم كيما نحب هذا شكل ثاني واصغر

دعيوة خير برك