بخصوص الخطبة

[مشكلتي]

السلام عليكم و رحمة الله تعالى و بركاته
ساخطب عن قريب و اريد ان اعرف الكلام الدي يجب ان اقوله لوالد الفتاة حتى لا اقع في الاحراج فانا شديد القلق و التلعثم في الكلام في هده المواقف

[*أم سجى*]

أولا مبروك عليك أخي .....حبيت برك نقولك أنه مش بالضروري تتكلم انت ...من الاحسن تدي معاك الوالد اذا كان حي هو ينوب عليك ويتكلم ..أما اذا متوفي لابأس تدي معاك العم أو الخال أو أي شخص يكون شويا كبير.....هو لي يتكلم....وعالعموم مكاش هدرة تتقال فالخطبة ......نظن يتكلمو في مواضيع اجتماعية بعيدة عن موضوع الزواج .....أما الشروط والاتفاقات اللي راح تكون بينك وبين البنت من الاحسن تحكو عليها كي تكونو وحدكم قصدي والدك ووالد الفتاة يديرو قصرة ويحكو عالشروط وووو ويكون الاتفاق.....هذا رأيي والله أعلم......ربي يهنيك أخي ويتمملك على خير

[first first]

على مااضن اخي الامر ابسط مما تتخيل ...........ولكن عادي الارتباك وتحضيررماستقوله والتفكير فيه افضلربما لانه اول لقاء واول انطباع وعادة مايكون اول انطباع مهم

من راي عرف بنفسك تعريف بسيط وادخل في صلب الموضوع ....................توقع اسئلة معينة من الوالد وادا حبيت جهز اجوبتك في هته الحالة.
نصيحة مختصرة اخرى.............فكر في كيف تستفتح الكلام .............الباقي ياتي بتلقائية .............يعني لاتعقد الامور وخذها ببساطة.
مبروك وبالتوفيق

لاادري ربما يفيدك الرجال اكثر؟؟؟

[sunshine2013]

مبروك اخي
من الافضل يروح معاك شخص كبير من العائلة و شخص اخر يكون موالف بهاد المواقف و يعرف يهدر مش لازم نتا تهدر كلش و الاتكال على الله
بالتوفيق

[علي لقواطي]

تكلم عادي كأي حوار بين شخصين

[ياسمين قدسي]

بلاك تروح وحدك تهدر معاه اصلا الاباء ما يحبوش الخطيب الي هكا يحس كانه ما قيمتوش
ادي رجل من العائلة تعرفو رزين ويعرف يهدر مثلا خالك ولا عمك ولا بوك الا حي
يحس اولا بانك قيمتو و يفرح بيك ههههه
ربي يتمم ع خير ان شاء الله

[فرج الله]

من المفروض تكلف شخص كبير الوالد او العم يتكلم معاه وينوب عليك وانت لما تتكلم كون على طبيعتك عادي ماتتوترش