: صح رمضانكم ليوم غادي نعطيكم و صفتي المعتمدة للشامية و هي اولا نحضر الشربات لانها رايحة تبرد قبل الاستعمال كاس و نصف سكر و 3كيسان ماء شريحة من الليمون لما يوصلو لدرجة الغليان ننقص النار و نحسب 10دقائق و نطفي و نضيف نصف كاس ماء الزهر و خلاص هذه هي الشربات اللي نسقو بها و تجي حده قدة كيما نقولو
الان الشامية نستعمل نفس الكاس نحطو 3 كيسان سميد يكون غليظ او نصف غليظ كاس و نصف سكر و شوية على راس المغرف خميرة كيميائية هذا بالنسبة للمكونات الجافة نخلطوها مع بعض ثم ناخذ اناء نحطو فيه نصف كاس حليب مع نصف كاس زيت و ربع كاس ماء الزهر نخلطو مليح و نضيفهم على المكونات الجافة ما نعجنش فقط نخلط حتى يتجانس الخليط و نفرغوه في الصنيوة اللي نطيبوه فيها ممكن نزينوه باللوز و نقسموها بلا م نوصلو للقاع و نخلوها ترتاح 20 دقيقة قبل ما نطيبوها كي نشوفو الجوانب بداو يحمارو نشعلو من فوق و نحمروها مليح لانو بعد ما نسقوها اللون شوية يخفاف كي نخرجوها نسقوها بالشربات اللي يكون بارد و لا حبيتو تديروها محشية تحمصي و تطحني المكسرات اللي عندك و ما تضيفيلهم والو فقط حطي نصف الخليط حطي الحشو ثم ذرذري الكاكاو ثم حطي الخليط الباقي و نسوي و جه الخليط بظهر الملعقة باش يجي مستو لكن بدون ما نضغط
باانسبة للاخوات اللي عندهم صنيوة لكن ما يعرفوش شحال المقدار اللي يستعملوه ممكن نضع المكونات الجافة في الصنيوة و ناخذ فكرة هذه الشامية هايلة و تجي كما تاع المحلات ارجو ان يكون شرحي كافي و كلمة شكر تكفيني صح فطوركم
[/SIZE][/SIZE][/SIZE]
( تقرير عن مشاركة سيئة )، و الموجودة أسفل كل مشاركة .
2016-06-14, 12:04
شامية روعة للشهر الكريم
العرض العادي
