محلات printemps بالقطار ،كيف؟

[ذكرى أبي]

السلام عليكم
أريد أن أستفسركم عن طريقة الذهاب إلى محلات printemps الحراش ، عن طريق القطار ، بداية من محطة البليدة .
و شكرا لكل من يجيبني

[djimidj]

السلام عليكم ورحمة الله تعالى وبركاته
كي تركب من البليدة في القطار أطلب تذكرة إلى الخروبة كي توصل تصيب التراموي أركب وأنزل في المكان المسمى cinq maisons (كاين جهاز صوتي في التراموي يوضح لك كل مكان) وثم سقسي على محلات printemps راهم يقولولك عليها
أدعيلي خويا تتسقم لي الأمور لا تنسانى بدعائك بارك الله فيك

[sec 88]

السلام عليكم و رحمة الله

محلات printemps.... كاين اثنين .. الاول في وسط الحراش و الاخر في cinq maisons

- 1 - بخصوص المحل الموجود في وسط الحراش (موجود امام البلدية و ساحة البلدية لابلاسات و سوق الخضر و الفاواكه ) وغير بعيد عن المحطة حوالي 350 متر تقريبا .. تمشي 5 د تقريبا تلقاه ....... كي تنزل في محطة القطار بالحراش و تخرج سقسي على لابلاسات و لا على البلدية راهو جاي وراء البلدية على يمين البلدية
.

2 - أما المحل الثاني printemps راهو شرح لك الاخ djimidj كيفاش تروح . و يمكن ايضا تروح ليه بالحافلة اذا نزلت في محطة خروبة للقطار . قولوا يحطك في لاري cinq maisons .

و إذا رحت للمحل تاع الحراش هو الاول اومبعد حبيت تروح لتاع الساميزون . سقسي على لاري تاع ليزاشيلام . تلقى اللي يدو للساميزون
.و
اذا عندك استفسار اخر تفضل

[ذكرى أبي]

بارك الله فيكما ، أنا حبيت المحلات الكبيرة الي فيها الملابس و الأواني ، هاذيك تاع cinq maisons
ولا تاع الحراش

[ذكرى أبي]

بارك الله فيكما ، و تستاهلو أفضل إجابة

[حياتي نبع امل]

المشاركة الأصلية كتبت بواسطة ذكرى أبي

بارك الله فيكما ، أنا حبيت المحلات الكبيرة الي فيها الملابس و الأواني ، هاذيك تاع cinq maisons
ولا تاع الحراش

محلات تاع الملابس والاواني اللى راكى تحوسي عليها ف 5 ميزون .هااايلة والاسعار جددد معقولة .بالتوفيق