ظلم كبير

[مشكلتي]

ما رايكم في واحد شهار لاباس بيه تمسك بفتاة بكل الطرق ومنعها من الارتباط بغيره وتسبب في تضييعها للفرص وحتى تسبب في سوء علاقتها مع والدتها لانها كانت ترفض الخطاب بسببه
دامت وعوده لها سبع سنوات دائما يقول لها سااتي لخطبتكي وكلما اخبرت امها ظهر انسان كاذب ويخيب املها
مما تسبب في نشوء خلافات مع والدتها
الاونة الاخيرة كانت الفتاة تبحث عن سبب مقنع للتاخير والكذب واتضح انو كان يجهز لختو باش تتزوج ولملها قاع شهريتو وشرالها ربعه كيلو ذهب وشرالها جهاز ثقيل
وهي كان يقلها انا زوالي وملحقتش وانا لي خدام على العايله تاعو
مع العلم انو الفتاة عاقله بزاف ومش مننوع لي يشرط ترضضى بلقليل
وهذا الانسان ظهر كذاب ومخادع وضيعلها حياتها ومزال يقلها مزلت مش واجد روحي ومعنديش ويقلها هذا العام وميجيش وهي راهي فلخمسة وثلاثين وحياتها تروح
كل مرة يقلها اعطيني الموافقه وكي توافق ميجيش
وهذا العام التالي وعداتو بلي اذا ماجاش مكانش المكتوب
وقلها بلي نجي في افريل بصح كذب عليها
هي الان قاطعاتو وانفصلت عليه وهو مزال يترجاها ترجع
هي قررت ترفض ومترجعش ليه لانها تخذلت مش مرة ميات مرة وفوق ذاك كلو اهانها وجرحها بدون سبب وذلها
هنا انتهت القصة وقررت انها لاتثق في اي واحد فلعالم وبدات تنظر للجميع الرجال انهم ذئاب
وللعلم هذا الانسان قاري فلجامعه ومشهور لكن اخلاقه الحقيقية هي الكذب والخداع
الاستنتاج هو انو الراجل يحب المرا لي مش متربية والمرا الخاينة والخداعه ولي تردو تحت رجليها ولعاقله والله والله والله مايحبها واحد
يكذب عليك لي يقلك نحوس على بنت الاصل
العاقله يحقروها
الفتاة اخذت العبرة ولن تعود ابدا
هذه الفتاة هي اختي والله غاضتني بزاف واسال الله ان ينتقم من كل واحد لعب ببنات الناس
مع العلم انو اختو لي راح تتزوج كلما ضغطت اختي على خوها باش يجي يخطب كانت تقول لها منقبلكش تدخلي للدارنا وامي مش قابلاتك
وهو يجي في صف ختو
نشالله ربي يجيبهالها في راجلها وفي صحتها
قولونا الاخوة هل بقات حاجةيقولولها ثقة وكلمة ورجله في هذا الوقت
عيب عليكم لي راكم تظلمو فلخلق وتقولو رجاله
وربي وكيل كل ظالم

[ام رضوان]

السلام عليكم
ربي يهديك ويهدي اختك
وعلاه 7سنوات وهي مدايرة معاه علاقة وتستنى فيه هاذي خدمة بنات الاصول؟
و7سنين وهي مدايرة علاقة في لحرام مع شاب هاذي حاجة تشرف ؟
ياااااااو راهم يتمسخرو بالبنت اللي تتنازل عن كرامتها وحيائها وووووو
وفي وقت الزواج يروحي للي مادارتش علاقة مع الشباب
ؤقول بالكلمة جيبولي امراة شريفة
وانت اختك خسرت 7سنين من حياتها ومانعرف لايجيها مكتوب و الا لا وغضبت امها عليها وذرك جايين تلومو
كون جيتي تحبي اختك صح ماتخليهاش تضيع 7سنين من حياتها
وكون كي اخلف الوعد تاعو وكذب عليها مرة خلااااص روح ياولد الناس اذا تبغيني كي توجد روحك ارواح وتمدلو فرصة واذا ماجاش تروح تتزوج ماتسناهش
بصح ذرك طفرها فيها وخلاها
وانت يالي راكي تدعي في اخت الشاب ماكيش خايفة تنقلب الدعوة عليك
الطفلة راهي قالتلها واش راهم معتاقدين بلي امها ماهيش قابلتها
يعني كون اختك ثمة جبدت روحها بصح اختك كانت مغفلة وتبع في قلبها مش في عقلها.
المهم ذرك اختك الا تحبيها ادعي ربي يغفرلها ويرزقها زوج ينسيها في هاذا الشخص
وهو قولي لها وكلي ربي عليه
ربي يكون معاها اميييييييين

[أثيلة]

السلام عليكم و رحمة الله و بركاته
اختي اسمحيلي مي هي تاني وين تخمامها سبع سنين و هي معاه و ترفض قفالخطابو اكثر من هذا عمرها في الخامسة و الثلاثين ربي يسترنا انا عمري 22 سنة ولو جيت بلاصتها نفارقو من الشهر الاول مش من سبع سنين
ربي يعطيها الصبر و يرزقها بوليد الحلال

[mrmilano1984]

هاد قمة السداجة جاوبوك الاخوات فعلا للاسف اغلب الرجال يتمسخرو بالبنات هو يقول في قرارة نفسو كفاه نتزوج وحدة كفها لو كنتي شوية عاقلة تنصحيها لانو صح بنت فاهمة مليح مليح وعقلها كبير هي لي ترميلو الماء فهمتي تاغلطة تاعها شافها طمعت والطماع يغلبو الكداب اوك

[الطيب الجزائري34]

المؤمن لا يلدغ من الجحر مرتين . . و انتم لدغتم من نفس الجحر 700 مرة.

[غزلانْ]

السلام عليكم

7 سنوات علاقة يعني أختك على معرفة تامة بهذا الشخص

و قبل أن تلومي الشاب فاللوم أولا على أختك فكيف لها

مسايرته في علاقته معها و ان كانت تبحث عن سبب مقنع فلتقنع نفسها

بأنه لايريدها بل فقط تمضية وقت لاغير تسلية و ان كان حقا يريدها لما أكل من عمرها 7 سنين و هي متأملة غبية أختك و لاعلاقة لتجهيز أخته

سبب لتختمي قولك بالدعاء عليها ان كان يريدها حقا فلا أحد يقف حاجز أمامه الأجدر بك أن تفطني أختك و تقرّي بأنها أخطأت

و تنيريي تفكيرها فبتدعيمك لها بأن الشاب مخطيء و هي لا فستجعليها في

خطأ مكرر آخر فلتبتعد عنه و لتعتبر كانت تجربة هي مؤسستها بمسايرته

بالتوفيق

[أنور]

المشاركة الأصلية كتبت بواسطة مشكلتي

مع العلم انو اختو لي راح تتزوج كلما ضغطت اختي على خوها باش يجي يخطب كانت تقول لها منقبلكش تدخلي للدارنا وامي مش قابلاتك
وهو يجي في صف ختو
نشالله ربي يجيبهالها في راجلها وفي صحتها
قولونا الاخوة هل بقات حاجةيقولولها ثقة وكلمة ورجله في هذا الوقت
عيب عليكم لي راكم تظلمو فلخلق وتقولو رجاله
وربي وكيل كل ظالم

والله لا عجب ، اهلو ماهمش قابلين اختك ، وهو المعني بالأمر واقف في صفهم ، ماذا كانت تنتظر اختك كنتيجة لهذا الوضع ؟
اما دعائك على زوج اخت الرجل ، فهو غير مستجاب بالمرة ، لان الله لن يعاقب شخصا ليس له علاقة بقضية اختك !

[mère des jumeaux]

ام رضوان والطيب الجزائري كفاو و وفاو.....

[اميرة الابتسامة]

وعليكم السلام ورحمة الله تعالى وبركاته

ربي يهنيها ويرزقها الزوج الصالح ... هي صح غلطت بصح باب التوبة مفتوح تنسى هذاك وتكمل حياتها .. والغلطة ماشي غلطتو هو راهي غلطتهاا هيا . . تعلق حياتها على واحد ماشي مضمون اصلا يتقدم .. هذا هو الوقت لي وصلنالو تولي مادير الثقة في حتى واحد ..يوعد وحدة ويدي زعمة اللي جامي مشات وهي ديجا راهي كيفو ... ربي يصلح أحوالنا وربي يرزقها الزوج الصالح وربي يهديه هو .. سلاام

[somis]

7 سنين واختك دايرة علاقة حرامية مع شاب اجنبي عليها و حاباتو يتزوجها بالاك ختك كانت مسحورة ولا ناقصة ايمان خطراش 7 سنين وهي رابحة العيب مع ربي و راهي تأخرت بزاف باش تنفصل معاه طولت بالبزاف .... لمهم هادي ختك لازملها طبيب نفسي باينتها انهارت نفسيتها + تقوي ايمانها و يرزقها ربي براجل تاع بالصح مزال كاين ولاد الفاميليا لي مايتمسخروش ببنات الناس

[صفيان 11]

ختك تستهال ربي حبهم هدوك الخطاب لي مقبلتهومش شاف فيهم الخير قالك 7 سنين و هي في الحرام والله اعلم واش اصرا في هدوك 7 سنين و هي شادة فيه هام البنات تاع دوك و اش يحبو الصعلوك المافيا الديوت صاحب المال و الكداب اما لي يجي من الباب و يكون صريح يطيحو اعليه بي شروط تعجزية اما هد الاصناف تلقاهم يتسهلو معاهم حتي كاين لي متطلب والو يا سبحان الله

[لمسة ابداع]

7 سنين نو غمالمن بنها او يقرا في البريمار
الحب عمالها عينيها
ربي يرزقهااااااااا زوج صاااالح

[سجل أنا جزائري]

نتما ديرها و تحصلو في رجال تقول ذئاب سبحان الله

الرجال اللي جاوها من باب و قيمو أهلك ردتهم و زيد وقفتي في وجه والدتك التي ربتكم

أجل شخص لا علاقة لها به و تنتظرينه 7 سنوات ؟

بالله عليك اذا كان عندك عقل من هو مخطي في هذه القصة ؟

هي من ذهبت للذئب برجلها و رفضت الرجال الذين طلب يدها امام أهلها

فلا تلقي اللوم على أحد و تحمل مسؤولية خياراتها وحدها

[سجل أنا جزائري]

--------------------

[beautifulmin85]

تقريبا كل الاخوة اتفقوا ان المتسبب في المشكلة هي صاحبة المشكلة نفسها واشاطرهم الرأي

هناك مثل يقول : يداك أوكتا وفوك نفخ .... اي انت صاحب المشكل والمتسبب فيها والحل بيديك انت فقط

هذا درس لكي ولغيرك ان يتقين الله في عرضهم وشرفهن ولا يقمن بعلاقات تبدأ بغضب الله ولما تنتهي بما لا يرضونه

يقيمون الدنيا ولا يقعدونها ويسبون الناس ويصبون جام غضبهم على من لا دخل لهم في مشكلتهم كل هذا لانهم لم يتعلموا الدرس

ولازالوا لم يعترفوا انهم هم السبب الأول والأخير فيما حصل .... المهم باب التوبة مفتوح وربنا رحيم بنا عودي اليه بصدق وتوبي عما فات

ومثلما جاءك خطاب ولاد الحلال من الباب من قبل سيرزقك الله بشاب صالح يطرق بابك فقط بشرط واحد النية تكون صالحة لوجه الله والتوبة نصوح

وربي يهدي شباب وبنات المسلمين لما يحبه ويرضاه