وش ندير

[مشكلتي]

دخلت صدفة لفايس بوك نتاع زوجي لقيتو يهدر مع وحدة متزوجة .هم يتعاملو في العمل ..ولما قريت وش كتبو لبعضاهم .قالتلو ارواح نزوجك وحدة صديقتي من تيارت قاللها راني متزوج ونحب زوجتي ..وقالها انو زوجتي لاباس عليها ونية .قالتلو مادامها نية غير ارواح نزوجلك صديقتي وخليها في تيارت تعمل وساعة على ساعة دور عليها ..ما هو رايكم هل نواجهو او نبقى نترقب من بعيد .لاني لو واجهتو راح يغير الرقم السري

[Nada Sweet]

لا عندك تواجهيه
راكي شفتي قالها نحب زوجتي..انت تهلاي فيه ومتوسوسيش روحك بزااف
وردي بالك يفيق بلي راكي تعسي فيه..خاطر يولي مايثقش فيك....
انت السلاح بيدك...حبيه ووفريلو كل واش يحتاج ومش راح يخزر في غيرك
وبالتاكيد مايقدرش يتزوج بلا موافقتك ...كوني هانية ههه
ربي يزيد المحبة بيناتكم ويرزقكم الذرية الصالحة

[طيور الجنان]

اختي اكيد ماتواجهيش المهم انت خاولي قد ماتقدري تجبديه ليك و وفريلو واش تقدري ماتخليهش يخمم لحظة يوافق هاذ الشريرة اللي ماتخافش ربي متزوجة و تويد تزوج في الرجال كان من الافضل ليها دات صديقتها لراجلها هي هكذا مايتفارقوش يخي زمان الله يسترنا.

[حضنية28]

السلام عليكم
والله ساعات الواحد يبقى حائر
كيفاش وحدة متزوجة تحكي مع واحد متزوج ؟؟؟
كارثة وين وصلنا
المهم اختي الفاضلة
انت راقبيه من بعيد لبعيد
وحاولي انك متبينيش
واذا استلزم الامر واجهيه

[ام رضوان]

السلام عليكم
ربي يبقي الستر متزوجة وتحكي مع رجل اجنبي والله عجب
لالا اختي ردي بالك تواجهييه راكي ديري اكبر غلطة ديري روحك كانو ماكان والو
بصح كونكي مراة وماتخربيش دارك
استعملي ذكاءك وحيلة النساء ونسيه في الفايس بوك اصلا
مادام قالها نحب زوجتي انت زيدي في حبه واحترامه وخليه يزيد يتعلق بيك
وخلي سلاحك الدعاء
ادعي ربي يجيبلها باه تتلهى
وهو يهديه ويبعد عليه سوق النساء
وكثري من حسبي الله ونعم الوكيل
ربي يكون معاك امين

[nadjet boumaraf]

السلام عليكم
أختي بالاك بالاك تواجهيه بوش قريتي أولا على حساب ما فهمت انوا تعرفي رقم سري تاع فايس بوك تاعوا كيفاه يحكي مع وحدة وهو عمبالو رايح تحليه وتقراي وتشوفي مع من يحكي ؟؟
تانيا نتي ربي فتحلك عينك وخلاك تعرفي لواه ناوي إذن انتي كوني دكية وفايقة عليه حاولي تتقربي ليه اكثر حاولي تفهمي وش يخمم حاولي تسعديه بأي طريق دلليه اي حاجة مدرتيهاش من قبل دريها وأبدعي فيها المهم خليه يشوفك غير نتيا وميفكرش يشوف لغيرك ولا ينوي يتزوج عليك...وهادي الزميلة معاه في العمل حاولي كيفاه تخليه ميحكيش معاها في الفايس بوك خلاص ويخلي علاقتوا معاها سطحية في حدود العمل لأنوا النساء كيدهن عظيم وقادر تلعبلوا على عقلوا وتزوجوا صاحبتها نتي كوني فطينة واجبديه عليها وقربيه ليك اوكي لحبيبة وربي يكون معاك ويبعدك على ولاد وبنات لحرام

[oumhana]

ماتوجهيهش واش رايحة تقوليلو؟؟ جسست عليك و ها ني وين لحقت ؟لالا كونك رزينه راكي شفت بلي يحبك حاولي قدر المستطاع أنك توفريلو السعاده وا لسكينه و بدون مبالغة و المهم فوضي أمرك لله الي مايسهى ولاينام.

[faty05]

اه كاين نساء مليح الواحد يمحيهم من الارض يا ربي استرنا منهم
انتي ما تقولي والو عسي برك و تصرفي بذكاء لكي يبتعد عن تلك الزميلة ( الشيطانة) لانها راهي تعمرلو في راسو و قادر تاثر عليه
حرت فيها نسات بلي الدنيا دوارة يجي النهار يزوج راجلها عليها
المهم تكلمي معاه بحنية قوليلو راني شفت في حصة انه الاختلاط في العمل مش مليح و انه الكلام يكون في اطار العمل يعني ماهيش مليحة الدخاسة
و انو الرجل يكلم اجنبية حرام في خلوة حتى و ان كانت زمالة
المهم شوفي وش رأيو
قوليلو الانسان يعيش بمباديء و محال يغيرهم
و انه الانسان هو لي يفرض نفسه بش يقيموه الناس مش من هب و دب يخليهم يفتحو مواضيع خايبة
ربي يحفظكم لبعض و يقوي لمحبة بيناتكم

[solinne]

اصلا زوجك واش يدير بالفيس بوك والله ما فهمت الفيس راه يهدم الديار
المهم حاولي تنحيلو جد الفيس قاااااع
وانا لوكان جيت في بلاصتك نشرشحها هاذي الفاسقة واللي ما تسواش متزوجة وتهدر مع الرجال وزوجك فرحان ويهدر معاها انا ما يهمنيش فحوى الكلام تاعهم قد ما تهمني انو يهدر مع مرا من ورايا فهمتي عليا يعني بمجرد راه هدر معاها بغض النظر عن الموضوع تسمى خيانة مع مرا متزوجة خيانة اعظم
قتلك لوكان انا نفتح فيس ونهدر معاها ما نخليلهاش ونزيد نهددها ونقولها لوكلن توصل الهدرة لراجلي رايحة نبهدلك مع راجلك وراح يبطلك من خدمتك المهم كاين بزاف عفايس تقدري ديريهم ما تقعديش كي الاطرش في الزفة

[بشـرى]

هذا الفايس بوك والله كارثة ، اصبح سبب خراب البيوت ...
يليق الواحد يقفلو كاامل ، خاصة للمتزوجين والله معندو حتى معنى ....

[عين الصقر]

ادخلي هدديها وبلوكيها
ماتخليش زوجك يتحدث مع إمرأة متزوجة هذي ماتسواش
وخلي لي يصرا يصرا

[michaella]

لا تقلقي و الواضح أنه متمسك بك ، لكن لا تواجهيه بما قرأت ، و حاولي أن تكوني متوفرة كلما احتاج إليك .

[beautifulmin85]

اولا هذه من نتائج الاختلاط في العمل فلما حرم الاسلام الاختلاط لعدة اسباب اهمها ما ترونه الان في هذا الموضوع


يعني لو لم يكن يعرفها ويعمل معها في نفس المكان لما كان من السهل ان يتكلما مع بعضها عن امورها الشخصية

لكن لان الاختلاط في العمل يؤدي لهذه الحالات وربما أكثر فالنتائج تكون وخيمة على الأسر والله المستعان

المهم بخصوص الموضوع اختي الكريمة التجسس حرام لا يجوز هذا اولا وانتي عملت ما عملت وعرفت ما يجري

فالآن تحملي مسؤوليتك في كتمان ما رأيتي فما حرم التجسس ايضا الا لاسباب اهمها ما حصل لك من معرفة حقيقة

كانت مغيبة عنك وكنت في اطمئنان بدون مشاكل الان عرفت ما لم يكن عليك معرفته فستعيشين في قلق وحيرة والدليل

كتاباتك لهذا الموضوع ليشير عليك الاخوة بالرأي والنصيحة المهم لا علينا حدث ما حدث والان عليك ان تكوني رزينة

في ردة فعلك وفكري جيدا وعملت حسنا ان استشرت الاخوة هنا لعلك تجدين طريقة لتحافظي بها على زوجك في نفس الوقت

تبعدي عنه الأفكار التي تريد زرعها في راسه تلك المرأة المهم نصيحتي لك ان تستخيري الله اولا وبعدها ان تفكري

في كيفية طرح الموضع امامه بشكل غير مباشر فحاولي مثلا ان تجريه في الكلام وحاولي معرفة رايه في التعدد

ومن خلال نقاشكما بيني له انك تحبينه ولا تقدرين ان تفارقيه ولو للحظة وان وجوده معك في حياتك اسعد لحظات

يعني هكذا من هذا الكلام الذي يرسخ في ذهنه انك لا تستحقين ان يتزوج عليك او يخونك

والله اختي الكريمة هذا ما جال في خاطري ان تناقشي معه الموضوع بطريقة غير مباشرة وتنزعي الفكرة من راسه

بطريقة ذكية يعني هذه مسؤوليتك الآن وعليك ان تتوكلي على الله كما قلت لك وتستخريه ليوفقك ويحافظ لك على زوجك

وربي يسهلك ويرزقك الذرية الصالحة مع زوجك وربي يهديه لما فيه صلاحه وصلاحك ويبعد عليه الشر والاشرار يا رب

[*جزائرية مسلمة*]

السلام عليكم
سبحان الله أمر الزواج يغيضنا ونزعفوا ونقولوا مانقولوا رغم انه حلال
ولكن أمر المرأة المتزوجة الذي يتحدث معها كأنه أمر عادي زميلة ماعليش
سبحان الله ..الله يهدينا
ربي يجيب الخير والستر

[أناييس الربيع]

لاتواجهيهه ااحذفي حسابه الشخصي فقط مادام عندك الرقم السري