مادلان لذيذ و خفيف اتفضلو حسبت حساب كل اخت

[نهر التسنيم]

السلام عليكم اخواتي ان شاء الله تكونو كامل ملاح و بصحة جيدة علابالي كل وحدة راهي مشغولة بالنتواياج تاع رمضان ان شاء الله ربي يقدرنا و نصوموه كيما يلزم و ان شاء الله ربي يتقبل منا و منكم المهم بلا مانطول عليكم اليوم جبتلكم وصفة تاع المادلان بزاف خفيف و هش و مكوناتو بسيطة جدا نبداو على بركة الله
المقادير
5 بيضات بحرارة الغرفة
كاس سكر عادي
كاس مخلط بين زيت و مارغرين ذايبة نص بنص
مغرفة مبشور الليمون
2 اكياس خميرة الحلوة
الفرينة عينك ميزانك



طريقة التحضير
نضرب البيض مع السكر و مبشور الليمون بالباتور حتى يتضاعف حجم الخليط من بعد نضيف كاس الزيت و مارغرين من بعد نضيف الخميرة و الفرينة لازم تكون مغربلة باه تجيك الخليط خفيف الفرينة مانقدرش نمد الكمية لانه كل فرينة كيفاه دايرة المهم الخليط يجي كيما الموسكوتشو ، من بعد نشد المول تاع المدلان و نحط فيه ليكيسات و نفرغ ملعقة اكل من الخليط و نحط شوية مربى المشمش و من بعد نزيد نضيف مقدار ملعقة اكل من الخليط و هكذا حتى نكمل الكمية و ندخلهم للفرن يطيبو و بالصحة و الهنا راني نستنى الرد منكم اخواتي دمتم في رعاية الله و حفظه و السلام ختام