العلوم الشرعية

[yousra yousrat]

سلام عليكم
في درس وساىل القران في تثبيت العقيدة
مرانيييش نعرف تخرج الوسيلة الصحيحة كيف نميز ما هي الوسيييلة اي كللامات دلالة عليها ام ماذا,,,,,,,,
و ايضا درس الربا وخاصة كيف نميز بين نوعيه???????
عاونوني الله يجازيكم

[samalg]

اولا وسائل القران في تثبيت العقيدة
اثارة العقل تلقاي مصطلحات خاصة مثلا يعقلون يعلمون يفقهون لاولي الالباب لاولي النهى يتفكرون يشكرون ينظرون يتدبرون يتذكرون.......واذا سبقت هذه المصطلحات بلا فهي ليست اثارة العقل
اثارة الوجدان سرد حقائق كونية الهية تدل على عظمة الله
التذكير بقدرة الله ومراقبته تلقاي الاية تبدأ باسم من اسماء الله الحسنى متبوع بسرد حقائق كونية لا يمكن لاحد الاتيان بها ما عدا الله سبحانه وتعالى
مناقشة الانحرافات هاذي باينة تلقاي جدالو نقاش على شرك بالله بين القران والكفار
موجهةالانسان هاذي حدفت
رسم الصور المحببة والمنفرة تلقاي صفات المؤمنين وجزاؤهم الجنة الخ او صفات الكافرين وبيان عقابهم جهنم الخ
بالنسبة للربا عندنا زوج انواع
ربا الفضل مثلا انا نقول لك نجيب لك قنطار قمح مليح معنتها جديد ونتاع هاذا العام ونتيا عندك قمح من نتاع العام لي فات ونقول لك جيبي لي قنطار ونص هاذاك النص ربا الفضل لاني فضلت قمح على قمح معنتها هاذا القمح لوكان يبقى عندك عشر سنين يبقى نفس الجودة مع الجديد لانو ما يفسدتش وشوفي الحديث نتاع الرسول صلى الله عليه وسلم فيه الاصناف لي تجري فيها الربا وهاذيك الاصناف تبقى لمدة طويلة دون ان تنفسد على هكا ما لازمش نميزو بيناتهم قنطار يقابلو قنطار
ربا الفضل هو بيع نقدين او مطعومين من نفس الجنس مع زيادة احد البدلين على الاخر
اما ربا النسيئة ويقصد بالنسيئة التأخير مثلا انا سلفت لك مليون نقول لك ديه يبقى دين عليك خمس شهور بصح كي ترجعيه لي زيدي لي عليه مليون حق لي سلفت لك وصبرت عليك وهذا حرام
ربا النسيئة هو الزيادة التي ياخذها الدائن من المدين نظير التاجيل
ان شاء الله وصلت الفكرة

[عاشقة العلووم]

وعليكم السلام اختي
بالنسبة للوسائل ارى ان تحفظي كل آية والوسائل تاعها حتى تتذكريها وكاين كلمات تدل على نوع الوسيلة
فمثلا افلا يعقلون يتدبرون يتفكرون تعني اثارة العقل افلا يبصرون تعني اثارة الوجدان وتقريبا كي تعود الاية فيها وسيلة اثارة العقل ترافقها اثارة الوجدان
بالنسبة للتذكير بقدرة الله وعظمته تلقاي الاية تهدر على عظمة خلق الله وابداعه في الكون وخلق الانسان
مناقشة الانحرافات كاينة غير فالاية الرابعة اما الباقي فسهلة
اما بخصوص الربا وانواعه فربا الفضل لازم يكونو من نفس الجنس مع الاختلاف في الجودة كبيع قنطار من القمح الجيد بقنطارين من القمح الاقل جودة
وربا النسيئة هو الزيادة المشروطة نظير التاجيل مثلا تقرضين احدهم مئة الف وتقوليلوا نقبلك تردهملي الشهر الجاي بشرط تردلي 150 الف
ان شاء الله تكوني فهمتيني

[Blanca]

قلنا استاذ في اثارة الوجدان تلقاوها الا في سورة النحل

[yousra yousrat]

شكرااااااااااااااااااا ربي يجازييييكم
الله ينجحكم و يفرحكم و الله استفاديييت ملييييييح و ثيتت الافكار
الله يوفقكم