السلام عليكم اخواتي
انا جديدة معاكم حبيت تمدولي رايكم في طبخي البسيط
باذنجان محشي بالدجاج
المقادير :
شرائح باذنجان مفورة
بصل مقطع صغير
ثوم مهروس
طماطم مرابية
م ك طماطم مصبرة
دجاج مرحي
فلفل احمر حار مطحون
كسبر مطحون
فلفل اسود
ملح
رند
اكليل
كسبر مقطع
كمون مطحون
علبة تونة بالطماطم
زعيترة
جبن مبشور
الكيفية :
نحضر الحشو : نقلي الدجاج في شوية زيت مع بصل وثوم والتوابل ورند وكي يطيب نخلطلو التونة
صوص تومات : في شوية زيت نقلي بصل وثوم ورند وتوابل ثم نضيف الطماطم المرابية والمصبرة و زعيترة و اكليل وكسبر مقطع ونخليها طيب
كل شريحة باذنجان نحشيها بالدجاج ونلفها
في صينية الفرن ندير شوية صوص تومات ونستف الباذنجان المحشي ونفرغ عليه الصوص لي بقات ونرش جبن مبشور والى الفرن
مقرونة بالبيشامال فالفرن
المقادير :
مقرونة مغلية في ماء وملح وزيت
بصل مقطع صغير
ثوم مهروس
طماطم مرابية
رند
ملح
فلفل اسود
فلفل احمر حار مطحون
كسبر مطحون
فلفل اخضر حار مرحي
طماطم مصبرة
زعيترة
كمون مطحون
2 علب تونة بالطماطم
2 م ك زبدة
2 م ك فرينة
2 كيسان و نص حليب
م ك كرام فراش
2 قطع جبن شاف
جبن مبشور
الكيفية :
صوص تومات : في شوية زيت نقلي بصل وثوم وفلفل اخضر وتوابل ورند و زعيترة ثم نضيف الطماطم المرابية والمصبرة وكي طيب نضيف التونة
بيشامال : نذوب الزبدة ونحمص فيها الفرينة ونضيف الحليب بشوية مع التحريك حتان تثقال ونضيف ملح وفلفل اسود وكرام فراش وجبن شاف كي يذوب نطفي النار
نخلط المقرونة مع صوص تومات
في بلا ندير شوية بيشامال ونفرغ المقرونة ونفرغ عليها البيشامال ونرش الجبن المبشور والى الفرن
دولمة كرمب
المقادير :
اوراق كرمب مغليين
لحم مرحي
بصل مقطع
طماطم مرابية
ثوم مهروس
معدنوس مقطع
بيضة
جبن ابيض
جبن مبشور
ملح
رند
شوية زبدة
فلفل اسود
قرفة مرحية
كمون مرحي
كسبر مرحي
فلفل احمر حار مرحي
الكيفية :
نقلي اللحم مع البصل والثوم والتوابل و معدنوس
نحضر صوص تومات ونضيف منها شوية للحم
نقلي اوراق الكرمب الصغيرة لي فالقلب مع زبدة وتوابل ونضيفها للحم
نحشي اوراق الكرمب ونلفها
في بلا ندير شوية صوص تومات ونستف الكرمب المحشي ونفرغ عليه الصوص اللي بقات وقطع صغيرة زبدة وجبن مبشور والى الفرن
بطاطا مسكرفجة
المقادير
بطاطا مسكرفجة
بصل مقطع صغير
معدنوس مقطع صغير
2 بيضات
دجاج
جزر مقطع مكعبات صغيرة
حالاتو
ملح
فلفل ابيض
زعفران
3 م ك فرينة
رند
كسبر مرحي
فلفل احمر حار مرحي
قرفة عود
كمون مرحي
شوية زبدة
الكيفية :
نحضر مرق ابيض : نقلي دجاج مع شوية زيت وزبدة وتوابل وبصل و معدنوس وجزر وجلبانة ملييح ثم نمرق ونخليها طيب
البطاطا نخلطها مع توابل وبصل و معدنوس وبيض ونقليها
في الصحن نحط البطاطا و نسقي عليها المراة
غراتان سلق بالطماطم
المقادير :
سلق مقطع ومفور
طماطم مرابية و مصبرة
زبدة
زعيترة
ملح
رند
فلفل اسود
لحم او دجاج مرحي او تونة بالطماطم
جبن ابيض
بيض
شرائح بصل
ثوم مهرس
كمون مطحون
كسبر مطحون
فلفل احمر حار مطحون
هريسة
الكيفية :
السلق نقليه مع شوية زبدة وملح وفلفل اسود وكمون
نحضر صوص تومات ونزيدلها هريسة
نقلي اللحم او الدجاج مع بصل وثوم وتوابل ونخلطو مع السلق وصوص تومات
ونفرغو في بلا وندير قطع جبن ابيض ونفرغ عليه بيض والى الفرن
( تقرير عن مشاركة سيئة )، و الموجودة أسفل كل مشاركة .
2016-05-09, 22:02
بعض من طبخي اتمنى يعجبكم
العرض العادي
