شخصية زوجي و الشك

[nadine0159]

السلام عليكم يا الاحباب في الحقيقة انتم تساعدونني كثيرا بارائكم و امشاركاتكم في مشاكلي المهم انا من قبل كتبت في المنتدى حول قضيتي في رغبتي في الذهاب مع زوجي الى مكان عمله اليوم اريد اخباركم لسماع ارائكم حول كونه لا يتكلم معي في الهاتف و لاحظت انه يفتعل اي مشكل تافه حتى يقطع الاتصال معي فانا اهاتفه و اعيد بدون جدوى يتكلم معي عندما يرغب هو فقط و هاذا الوضع قديم المهم الان انا اشك فيه كثيرا اعلم ان الشيطان الملعون يبينلي هادو الوساوس بصح لاحظت انه عندما يكون في المنزل الهاتف تاعو يديرلو الكود و يا ويلي اذا لمست الهاتف هادي التولى و الثانية انه في يوم حمل الهاتف و صعد الى السطح لا ادري مع من تكلم لانه ظن انني نائمة هادي في رمضان و عندما خرجنا مرة كذلك في رمضان تركني في السيارة لشراء الايسكريم و ذهب بعيدا عني يتكلم في الهاتف و انا انظر و طول كي جا قلتلو طولت قالي عندو الغاشي. هو لا غاشي لا والو الصراحة الزوج الذي يرفض الكراء لزوجته و يتحجج و لا يتكلم معي كثيرا حتى في المنزل الفايسبوك ساعات نديرها بلعاني نخليلو ابننا و نقولو رد بالك عليه و نخاف خطرة لقيتو نساه شعرة و طاح من السرير خطرة لقيتو خرج من الغرفة و الدروج ماعندهاش الباب من هاداك اليوم ماعدتش نعول عليه عايس في عالم الفايس واش ندير غير اللي نشكيلو يقولي اصبري في كل مكان كلمة اصبري حرت ساعات نقول مجرد اوها . الدنيا مرة و الزواج صعيب صدقومي ندمت كي تزوجت غير الشك و القلقة و المشكل كي يكون ف الدار تلقايه هادئ و يبان عاقل حتى تشك في روحك الصراحة هادا واش كاين في قلبي:d

[رَكان]

زوجك ابتعد عنك ..لربما كان لك في ذلك جزءا من المسؤولية ...
حاولي استرجاعه لكن بطريقة ذكية ..وإلا فإنك ستزيدين الطين بلّة ..وقد تفقدينه بالكليّة ..

[روح المي]

أختي والله اي مشكلة لازمها صبر
بصح أنت ظاهر عندك كان زوج تاعك تمضي معاه الوقت حاولي تمارسي هوايات مثلا اهتمي شويا بروحك ديري عالم خاص بيك متخليش زوجك اهم حاجة في حياتك قادرة تقلبي اهتمامك لابنك حتى خنقه راها تهرب راجل
واذا حبيتي حاجة نقدر ننصحك فيها انا هنا
ربي يسهلك اختي

[nadine0159]

ههههه سامحيني اختي العزيزة انا خدامة و يعني غير هادو الايام راني قاعدة شوية و زوجي يجيني ضيف 4 ايام كل 20يوم يعني مانيش شاغلة بيه روحي بزاف بصح هادو امور نلاحظها صدقيني كثرت الخيانات الزوجية في وقتنا حتى عادت عادي انا كذلك نخدم و يخدمو معايا رجال بصح صدقيني حتى رقم الهاتف تاعي مديتو للمدير و ثلتلو بلاك يخرج حتى النسا اللي يخدمو معايا ما مديتلهمش نخاف ولا يزعف او تصرا كاش غلطة ماشي خوفا منه بصح احتراما له و التربية تاعي كيما هاك مي هو لاحظت امور بزلف و انا نتغاضى عليها ماعنديش دليل ملموس و كي نحاول ما نعمرش راسي ترجعلي على صحتي نتقلق

[علي لقواطي]

لا حول ولا قوة إلا بالله

[إسلام الفاروق]

جدي فكرة ذكية حتى يتخلى عن الفيسبوك مثل ممارسة الرياضة او هواية راح ينسى انترنت

نصيحة لكل المقبلين على الزواج

لا فيسبوك بعد الزواج و لا مواقع التواصل الاجتماعي

مخترع الفيسبوك قالها صنعت الفيسبوك ليتعرف الشباب بالفتيات انا متاكد انه يعني العازبين

سلام

[•~ندية الجوري~•]

***********

الله يفرّج عليك اختي

يُمكنكِ فتح موضوع في قِسم مُشكرلتي

أو الفضفضة مع قريناتكِ في قِسم

دردشــة البنات

و الله يسعدك و يفرّج همومك
.

***********