ساعدوني

رفيدة بنت الجزائر · 2016-04-30, 00:23

السلام عليكم
أنا راني مقلقة وبدا الضغط يزيد كل مايقرب موعد البكالوريا نحس روحي متأخرة مع أني درست جيدا خصوصا في الشهور الأولى نتاع العام_سبتمبر.اكتوبر .نوفمبر -ديسمبر_ومبعد رخفت روحي في جانفي وفيفري ومارس والله معلبالي وش صرالي الحفاظة اللي حفظتها نسيتها كيما الاسلامية والاجتماعيات حفظتهم في أول العام ونسيتهم ودرك وليت نعاود كلش من جديد علاخاطر راني مبلوكية السنة الجامعية ودرك وليت نحفظ ونعاود المواد العلمية وزيد القضية الفلسطينية والتنمية في البرازيل خربطولي حساباتي كنت حاطتهم ماهومش داخلين بالاضافة الى الشراكة ......
المشكل اللي غايضني أنو قريت مليح فالبداية وراني حابة نجيب المعدل 15 واللي زاد عليا لعياطات تع الناس نهار كامل يقولولي دبرتيها نتي قاعدة فالدار تقراي كلش وعندك الوقت ورانا نحسدو فيك علي قاعدة فالدار ...........
المهم تعيشو انصحوني كيفاش ندير لأني بديت نفقد الأمل تع المعدل وأعين الناس عليا

عاشقة العلووم · 2016-04-30, 07:11

وعليكم السلام
اختي متقلقيش روحك كامل رانا في الهوى سوى
شوفي فيديوهات تحفيزية و حطي الهدف تاعك بين عينك
حاولي تتجنبي التفكير السلبي بالعكس عودي قولي نقدر علاه لي داروها قبلي خير مني يعني حاولي تحفزي نفسك بنفسك
بالنسبة للدروس لي نسيتيهم أكيد ماراحش تكوني نسيتيهم تماما حاولي تقراي الدرس ومن ثم استذكاره وشوفي لحوايج لي راكي ناسيتهم
أنا بالرغم من اني بديت متأخرة من مارس الا انو قاربت ننسى الدروس الاولى
حاولي تقسمي نهارك مثلا الصباح مادة حفاظة ومادة ادبية ولا لغات والعشية مادتين علميتين
حاولي تبعدي على كل حاجة تلهيك واتكلي على ربي واكيد هو راح يوفقنا
اكثري من الاستغفار والدعاء وباذن ربي سبحانه راح يعاونك
موفقة عزيزتي

firdawssa · 2016-04-30, 14:44

ماتتقلقي ماوالو بالنسبة لعياطات تاع الناس حنا كامل نفس المشكل .كولي 7تمراة في النهار بادن الله ماتكيسكش العين اما بالنسبة للحفاظة اقرايها قبل ماتركدي وغدوا الصباح حفظيها اانشاء الله ماتنسايهاش خدي بنصيحتيي وانشاء الله تتوفقي بالمعدل يلي حباتيه وحنا كامل يارب