للسلفيين فقط

[مشكلتي]

أنا ظايعة ملقيتش لي يوقف معايا أنا مخطوبة و خطيبي متدين و أصبح سلفي و فترة خطوبتنا تعرفت على الدين الحق أنه السلفي هو الذي على حق و المرأة عفتها كي تحكم دارها و تصون أولادها و كان جاو الناس الكل سلفيين كانت الدنيا تولي جنة راني في هم كبير بابا قالي نهدر معاه نقولو بنتي أنا لي نحكم فاها لازم تخدم و خطيبي قالي نقولو أنا شرطي مرتي متخدمش قالي منكدبش خلاص
أنا مقتنعة والله كان يخليوني من الآن نلبس النقاب أصلا أنا لبست حجاب كيما يقولو ناس شرعي بصح أنا علبالي مرهوش شرعي الحجاب الشرعي هو الجلباب و من الأحسن تكون المرأة مغطية وجهها
و في دارنا يحبو المرأة تلبس تخدم تسوق الطوموبيل تحوس تسافر المهم كيفها كيف الراجل
و الله نكتب و نبكي خايفة نتفرقو و أنا نحبو و علبالي بيه يحبني و إحنا حابين طريق ربي للعلم أحنا منهدروش مع بعظانا من مدة و أهلي رفظو الفاتحة بلعاني و بما أنو معندوش لاقيين السبة يقولولي مراهوش واجد
هذا إبتلاء من عند ربي علبالي بصح أنا حزييييينة (أستغفر الله ) حزينة نقول علاه نتفرقو وإحنا حابين الدين علاه هو كان سبب باه تعلمت الدين و رجعني للطريق و ميدينيش
إدعيولي أول حاجة ربي يثبتني و يقويني و إدعيولي يكون هو مكتوبي أنا نخاف على ديني يروح مع راجل آخرربي يهنيكم راني محتاجة دعوتكم قادر تقولو علاه راهي تكبر في الحكاية و هذا مكتوب بصح هاذ الدنيا راح تفظ و راح تجي الآخرة أنا حابة يكون هو راجلي في الآخرة ياخي من حقي الراجل لي خاطبني نتمناه
سامحوني طولت بصصح قلبي معمر و أنصحوني راني أختكم