لنشعل نار الحماس بالتحدي من يشارك يتفضل بالدخول اخر شهر للاستعداد للباكالوريا+ كلام عن من ياس

[yy95-Mecanique]

السلام عليكم ورحمة الله وبركاته


من العنوان الموضوع واضح سيكون هناك تحديات في هادا الشهر لان الباك قرب ف من يرد المشاركة يصوت وسنضع التحدي اما في اليل ام غدا صباحا

سنقرر كيف يكون التحدي هل يكون

1/انهاء مراجعة لوحدة او اكمال حفظ او انهاء مراجعة لمادة كل واحد يختارها

2/ام يكون بعدد التمارين التي ستحلها

امر مهم
اريد القول انت يامن ت ظن ان الوقت فات صدقني و ادا اردت عاود ولي وشوف الموضوع كي تعاود العام وتشوف بلي الباك اسهل وسهل جدا و 70/100 حفظ كما ارى راح يكفيك الوقت تبدا من ض رك لكن ستتعب وستسقط وسستحبط لكن فكر بانه يكفيك الوقت ايلا عاودت الباك ومنجحتش راح تعرف في العام الجاي كي تقرى شوية وتشوف مواضيع الباك ساهلة راح تعرف بلي كان يكفيك الوقت درك صح بالاك متجيبش 15 16 لكن يا اخي جيب 10 فرح العائلة وعاود لعام الججاي وجيب 16 17 معليش المهم متخليش العائلة يتقلفقو بسببك اتخيل رمضان تخرج النتائج نتا راك عارف بلي ماركش راح تنجح ونتا متقبلها لكن كيف بامك ابوك اهلك صدقني غير لي مهتمين بيك من الاهل اظن انها لييست سهلة عليهم وايلا راك تقرا لروحك يعني لا تتاثر بالاهل ف راني قتلك اقرا من الان نقص على روحك جيب 10 تشوف الباك كاش عامل والعام الجاي يكون حافز ليك تقول مقريتش قاع غير شهر وجبت 10 تسما كي نبدا من الاول كيفاه شفت المهم متبقاش حابس بالطبع لازم تولي قرا وتجتهد اكثر من اي مرة لكن المهم النتيجة واتحدت لي قرا وفضل ماشي لي في حياتو مقرا ويحاول الشهر الاخير يلم بكل شيئ + يقرا غير 2 ساعتين في اليوم ويحاول يوصل لا اتكلم عنك يا من قريت وفهمت لكن ربما تحصلت على تحت المعدل في الفصول واتكلم عنك يا من ستشعل الحماس وتحاول تقرا 5 ساعات الى 8 ساعات في اليوم

ما الصعب اه

التاريح العربية حفظ و مواضيع
الفرنسية والانجليزية على حسب المستوى
الفيزياء حفظ + قليل من الفهم
العلوم سهلة الفهم + قليل من الحفظ
الرياضيات صح لازم تتعب فيها
ودير في بالك بلي راك قريت وتعبت يعني شهر يكفي لكن ليس لي الدي عمروا مقرا وعمروا ما دخل راني نحكي على من قرا وحاول على الاقل علابالو الحالة كيفاه لكن فشل ماشي لي عمروا ما دخل و نتا تعرف روحك

المهم ما رايك تفضل التوقف الان ام لا المقاومة حتى الاخير

[صفاء منصر]

انا كنت نراجع في الفصول غير شوي وجبت بين 14 و13.90
وفاهمة الدروس ومراجع وانتهيت من معظم المواد
برايك نقدر نطلع معلي على الاقل ل15 في الباك؟:؟

[Dr.imy]

راني معاك وقتاه تبدالنا التحديات ماعليش اذا واحد ماجاوبك هههه هادي عادة عندهم المهم كاين اللي راه يستنلا فالتحدي كيما اناااا شكرا

[yy95-Mecanique]

بالتاكيد الباك سهل صدقا الفصول يهبطو على التقويم وبعض التانويات يديرو متحانات صعبة لا ادري ربما تفيد الطالب وربما تهبط من معنوياته يعني لو يضعون اسئلة مثل الباكالوريا تكون افضل المهم بالطبع 15 ليست بالبعيدة

[yy95-Mecanique]

سنبدا في اليل او غدا صباحا

[abdou senfour]

ربي يجازيك

كاش نصائح قريت العام من الاول فاهم جل البرنامج لكن ماشي فارز روحي

؟؟

راني معاك

[yy95-Mecanique]

chof kho ki rak f cs ansa tslek ngser berk kho bien sure t9der wach bik aya akhtik mn les Hs ehad shot fhamt wach mntha w abda kho kachma ykhsk 9oli abda les revisi f kach molkhasat apres roh les sujet du bac kho direct abda m lyom kho les sujet ta3 bac tklhom ga3 apres roh لمواضيع تجريبية

[yy95-Mecanique]

المشاركة الأصلية كتبت بواسطة abdou senfour

ربي يجازيك

كاش نصائح قريت العام من الاول فاهم جل البرنامج لكن ماشي فارز روحي

؟؟

راني معاك

chof kho ki rak f cs ansa tslek ngser berk kho bien sure t9der wach bik aya akhtik mn les Hs head shot ou ala3b rak fhamt wach 3limen rani 3la cs ou lhala psk sah ydmrouk kho rani 2eme anner fi jam3at babazouwar 3labali wach rani n9olk kho ghir akhtik mnhom w abda kho kachma ykhsk 9oli abda les revisi f kach molkhasat apres roh les sujet du bac kho direct abda m lyom kho les sujet ta3 bac tklhom ga3 apres roh لمواضيع تجريبية

[abdou senfour]

ههههههه cs ياجدك عندي عام ملعبتهاش التوقيع قديم بزاف

خلي ورا الباك باذن الله و نرجع المهارات لي راحت هه

المهم إن شاء الله فيها خير

[yy95-Mecanique]

sahit kho ayaa abda kachma khsk rani hana kho )


إن شاء الله صححها هكدا تتكتب

[abdou senfour]

تم

شكرا

[L'ôNêly_GîrL]

انا هنا معكم و سأقبل اي تحدي ما يقى والوا و الله كيما قولت يا لوكان ندوه غير ب10 و من بعد ساهلة ... متى سيبدأ التحدي نحن في الإنتظار

[sààsouu2015]

السلام عليكم...
مع العلم اني مترشحة حرة..
واقبل التحدي ...
لكن عندي راي اذا ما في مانع..
ما تقوقوش من هاد اللحظة نديه غير ب10
على الاقل ضرب على 14 لفوق
والله غير ساهلة تعرفوا والله ساهلة
يلا بغى ماقريتوش
مي يلا كان راكم قاريين غير شوية تقدروا تجيبوا 14 عادي
كل شيء بالارادة
اما الوقت يكفي انك تعيد تدرس كل شيء
صدقوني تقدرواااا
في الاخير اسفة على الاطالة
وربي يسهل لينا كامل ان شاء الله..

[***ريهام***]

انا سانظم ااريد ان احقق نجاحا يسد فشلي سابدأ العمل بجدية من اليوم بكل ثقة وعزيمة ساثق بقدراتي لن استهين بنفسي ابدا اكتفينت من تكاسل ساشد رحالي فرصة اخيرة لن افلتها ابدا فاشهدوا

بارك الله فيك اخي
سابدا بالفيزياء وحدة 4و5 باذن الله

استودع الله الذي لاتضيع ودائعه

[Blanca]

شكرااااا اخي بارك الله فيك نصائحك في وقتها
=====
لم تعجبني عبارة
صح بالاك متجيبش15 /16
هههه قصدي لازم تقلنا تجيبوووها بالسيف عليكم
اسمحلي على رأيي

ان شاء الله نستطيع اخذهم