الاعفاء الطبي هل يؤثر على حظوظي في نيل وظيفة

[azertata]

السلام عليكم

المهم خاوتي انا عندي سؤالين
اولا انا عندي مشكل انو قلبي يخبط بزاف يعني معدل نبضات القلب اعلى من المعدل الطبيعي الاطباء لي رحت عندهم قالولي ما عندكش حاجة خطيرة ممكن حساسية لاني ادرس في مكان بعيد على الدار و كاين بزاف رطوبة لكن لا اعةقد ان هذا هو السبب
المهم هل هذا المشكل نقدر ناخذ على جاله اعفاء طبي؟
السؤال الثاني اذا اخذت اعفاء طبي من الخدمة العسكرية هل هذا يؤثر على حظوظي في ايجاد عمل في المستقبل ؟ يعني في بطاقة الاعفاء الي ممكن نقدمها لشركة ما باش يشوفو الوضعية نتاعي يلقوني معفى لسبب طبي
انا قلت بالاك ما يقبلونيش لهدا السبب
مع العلم
انا ليس لدي اي معلومات ان كان سيكون مكتوب سبب الاعفاء ام لا

[Volani14]

لن تأثر على مستقبلك
أصلا البطاقة لا تحتوي على معفى بسبب طبي ، معفى فقط

[azertata]

شكرا على المعلومة اخي
انا عندي سورسي دراسي درك نقدر نجري على اعفاء في نفس الوقت خاطرش قالولي حتى يدوك للكازيرنة عادا باش يحكموا عليك اذا تعفى ام لا علما انني مازلت ما جددت سورسي خاطرش ما عيطوليش هذغ العام
شهادة من طبيب في امراض الحساسية تؤكد المشكل الذي ذكرته سابقا هل تقبل كسبب للاعفاء غالبا؟ يعني يقبوا الملف ام لا حسب خبرتكم؟

[MrBlaugrana05]

شوف من اللخر خو و نحكي عن تجربة عشتها ... دوسي ميديكال بلا معريفة ما يقضيلك وااالو , لازم الدوسي و لي يخبط عليك الطابلة و يكون غرايدي يعني تحت كابيتان غير ما تعبش روحك .. و اللي كاتبة تلحق بالتوفيق

[ghezal sofian]

انشاء الله فيها خير كاين ميشي مرضى و رفدو الاعفاء كلش مكتوب

[محفوظ البسكري]

ان كان في سلك الامن رح تجد صعوبة

اما الباقي الوظائف لن تجد صعوبة ان شاء الله

[azertata]

انا لا اريد ان اعمل في سلك الامن احتمال ضئيل
بصح خاوتي لازم نجري على اعفاء درك؟ ولا حتى يكملي سورسي خاطرش قالولي حتى يدوك للكازيرنة باش تقدر تدير اعفاء يعني لوكان نستنا يخلاصلي سورسي و يفشلي الاعفاء راح نضطر نفوت الخدمة الوطنية

[azertata]

نقدر نجري على اعفاء درك و ايلا فشل نكمل بسورسي؟

[MrBlaugrana05]

الإعفاء تأخذو في حالتين لا غير
1.كي كانو كلاستك يجوزو فالفحص في سن ال18
2. كي تروح للثكنة ويعطوك الإعفاء بسبب الفائض ولا بسبب طبي

[youcefcripcho]

خويا راهم يخافو من لي مريض على قلبو قداش من واحد لعبها مريض وخرجوه
مي انا فوتها لاني منعرفش نمثل هههههههههههه
نتا عندك دليل تدي اعفاء على ضمانتي