مجرد فضفضة

[دمعة جراح]

السلام عليكم

اولا نعرف برحي انا عمري 32 سنة عاملة و الحمد الله على كل شيئ عشت و ترنيت و قريت في منطقة غير البلدية لي رني عيشا فيها سفريت بزاف في حياتي و قريتي كانت مسافة بيعدة بين دار و لقريا المهم تمرميدا و من لي كنت صغيرة و انا متمنية ولادي ميعيشوش نفس العيشة تاعي حتى اني كاين حوايج بزاف كنت حبا نتعلمهم و مقدرتش بسب البعد حتى انوا منصب عمل لي كنت طول عمري نحلم بيه وتحصلت عليه بعد جهد كبير تنزلت عليه بسبب البعد و تبكار رحلنا لبلدية اخرى بعد وهدي بلدية متتخيلوش شحال نكرها مكانش حجا تعجبني فيها ناسها كلهمهم انهم يهدروا على عضاهم و يدخلوا في خصوصيات غيرهم المهم انا دوك عيشا فيها و نخدم فيهاومرنيش نحتك بناسهالانوا ديما نخاف نطبع بطباعهم ديما نقول المهم كي رني خطيتهم وبينهم و بين ملاهم ديما نتمنى منزوجش في هدي البلدية بصح لي يجي يخطبني يكون من هذي المنطقة المهم انا مكنتش نرفض لانوا يسكنوا تما لانوا كانت هديك مجرد امنية برك وسبب الرفض كان الشخص بحد ذاتواو دوك جا واحد يخطبيني فارق عمر بينتنا 4 سنوات هو يسكن في واحد من دواور هذي البلدية نقدروا نقلوا يسكن في منطقة نائية هذا الانسان قدوا قد حالوا وانا معندي حتى اعتراض على الشخصيصح كينا حجا مخوفتني بزاف بعد ماقلت نعم هي اني خيفا متاقلمش بالعيشة في المنطقة لي رهوا عيش فيها وانا منقدرش نرفض شخص بسبب حجا هومعندوش دخل فيها وخيفا لوكان يكون ناوي يكمل حياتوا كامل تم انا مهدرتش معاه في هدا الموضوع محباش نحسسوا بذنب هو معندوش دخل فيه رغم انوا طلب من المرسول يسقسيني اذا كانت عندي شروط وانا مهدرت والو خيفا تتعاود حكيتي مع ولادي نست نقلكم هداك الدوار فيه غير مدرسة ابتدائية فقط

وكيما قتلكم عمري 32 سنة يعني مرنيش صغيرة وهدا الشخص علبالي بلي عندوا شحال و هو نويني رغم انوا عمروا ماهدر معيا

انا كتبت الموضوع في اكثر من قسم باش نعرف ريكم