راجلي في دقيقة يبدلني

[مشكلتي]

عييت كرهت رايحة نهبل، و الله، ربي بلاني بأخت زوجي تشوف غير مع حاجتي، عييت حسبي الله و نعم الوكيل، حسبي الله و نعم الوكيل، ملي تزوجت و هي تحب تدي حوايجي، لبسة، ، حوايج خاصة بزاف، ذهب، مرضتني، وليت نشوف الرقم تاعها يرن فالهاتف ما نحبش نهز عليها، و راجلي كي شافني هكا ما يعجبوش الحال، يقولي دارنا قبلك، عندنا سيارة شريناها بالدين، و هي و زوجها عندهم سيارة، تخلي السيارة لزوجها و تجي تدي نتاعنا، أنا ما وليتش نقدر، ملي دخلت نخدم والله ما شريت حاجة ليا، دراهمي كل في السيارة، و الان تجي لالة تديها كل مرة ، و راجلي قالي ما عندك ما دخلك، أختو هذي هي و راجلها يخلصو ضعف واش نخلصو حنا، و يدخرو في دراهمهم و يديروا في المشاريع، و أنا حوايجي يتكسروا و يتقطعو عند اختو، و الله عمري ما دخلت روحي فيه، يدير بدراهمو واش يحب، بصح اختو انتهازية، فسدتلي حوايجي ، نسكن وحدي بصح ما ربحت والو، و راجلي قلب علي الدنيا، قالي انت في دقيقة نبدلك، و هوما العائلة تاعي������ . و انت في دقيقة نرجعك لداركم، غاضتني الهدرة هذي بزاف..

[براءة سامية]

ربي يصبرك ، كبري بالك و اعرفي كيفاه تتصرفي بحكمة

[غزلانْ]

السلام عليكم

ان كنتِ لا ترضين و لا تريدين استعارة

ملابسك و كل حاجاتك من ذهب و غيره هنا يبقى ملكك

و لشخصك أنتِ و لك الحرية المطلقة في أن تمنحيها أو ترفضي

و ان كان زوجك راضي على ما تفعله أخته و استمراريتها في

استعارة ملابسك هنا فليشتري لكِ هو من تعبه كل ما تحتاجينه و لا بأس

ان شاركتك ِ ملابسك على حساب أخوها

و عن كلامه "و انت في دقيقة نرجعك لداركم، غاضتني الهدرة هذي بزاف"و يضيف دارنا قبلك

عائلته حقا لكن أنت زوجته

بما أنك عاملة لا تسرفي كل راتبك فلتأخذي احتياطك

بالتوفيق

[أمل94]

حاجة باينة تغيضك هدرة كيم هذي تقتلك مشي غير تجرحك.مي الله غالب ميعرفش يهدر .......هو بلاك مقصدوش لهذيك الدرجة بصح زوجك مايعرفش يهدر ......وانا متأكدة مهدرلهالكش من قلبو لكان جا يخمم فها صح ميقولهاش نظن هدرها وموش عارف معناها

[نورسين.داية]

السلام عليكم

عزيزتي فتحتي حاجياتك للغير كمشاع فتحملي النتيجة .....

[kader001]

عندك معاه اولاد...؟؟ اذا كان جوابك بنعم ... فعليك بالبصر من اجل ابناءك ............. حتى الرسول... صلى الله عليه و سلم ... قاطع زوجاته كلهن ... مدة شهر كامل بسبب المشاكل العائلية ..تشجعي ...و حاولي تجدي في زوجك جوانب مضيئة و اجابية تعينك على الاحتمال و الصبر لا تكوني سوداوية الرؤية مطلقا .. انت ايضا لست كاملة لك عيوب و تتفوهين احيانا بالفاظ جارحة .. و قانون الاسرة المعدل في 2005 مكنك انت ايضا من خلعه رغم انفه ... مقابل درهيمات معدودة تدفعينها له .... هذه الاضافة فقط من اجل اعادة الاعتبار لك و شكرا

[blanche rose]

باينة متزوجة جديدة

المهم
1_ الغلطة غلطتك ماشي غلطتو..شكون قالك تسلفي حوايجك من البداية ؟!!!
باب السلف يتقفل من البداية ماشي حتى يتقطعوا حوايجك!!!
وهاذ النقطة أنت اللي تحليها بأسلوب ذكي بينك وبين سلفتك
باب السلف يغلق تماما..
2_ علاش وصلتي روحك انو تتماداي تسلفي حتى تولفيلها ومن بعد تولي ما ترديش عليها قدام راجلك؟!!!!
3_ قلتها ونعاودها لكل زوجة..اكسبي راجلك بالعواطف ماشي بالمنطق..
حسسيه بحبك وبمكانتو عندك واهميتو باش يبادلك نفس المشااااعر و يهتم لمشااااعرك..
وكلامو قالو في لحظة غضب لأنك ما عرفتيش تتصرفي وظهرتي بمظهر الظالمة لأخته بسبب السلف اللي ولفتيهولها..

وحدة شاطرة في بلاصتك تعبر عن صدمتها من كلامو هذا بانكسار أنثى وعدم تصديق الكلام..وانها لم تتوقع هذا منه بعد حبها الكبير له..وليس ردة فعل رجل لرجل..

اللسان لحلو يرضع اللبة..تفكريها دايما..
اعرفي تكسبي راجلك..واقفلي باقي الابواب اللي تسبب المشاكل..

ربي يسعدك..

[أم ريتاج زهرة]

من البداية كل وحدة في حدها احسن

[محمد جديدي التبسي]

لازم تكون عندك شخصية حازمة حوايجك واحد ما يمسهم ديري خزانة بمفتاح عندك فقط!
ربي يكون معاك

[AMINA.Z]

المشكل ماش في اختو خلااااص
المشكل في راجلك لي ماش مدايرلك قيمة
و يزيد يصح في وجهو و يقولك نبدلك في دقيقة !!!!!! واش بيك يا الاخت ويني كرامتك و شخصيتك !!!!!! هذا راكي قاعدة معاه بصفتك واش !!!!!!
فيقي لعمرك ...الراجل اللي ما يحسسكش بقيمتك و ما تحسيش بالامان معاه واش ديري بيه !!!!!!!!!!

[faty05]

وكلي عليهم ربي كيما راهم
و حوايجك لي كنتي تسلفيهم احرقيهم
و اشري الجديد و ما تزيديش تسلفي لحتى واحد
يخي حاله هذي بدلي معاها العقليه
يا سبحان الله غير في مجتمعنا الوحدة تزوج الراجل و بش ترضيه لازم ترضي اهله اولا
الله يسترنا

[(( هبة الرحمن ))]

السلام عليكم
أختي العزيزة كتبت موضوعك في قسم مشكلتي لنقاسمك همك ونسدي لك النصائح بدون نفاق أو مجاملة حتى تجدين مخرجا بإذن الله.
سأصارحك .....و أستحلفك بالله لا تغضبي مني ...
مشكلتك تافهة وأنت ضخمتها..ثمة علاقة بين الاخ وأخته والله لن يحسها الا من يعيشها حقا
لو سألتك عن علاقته بأخته قبل زواجكما كيف كانت لن تجيبي وهو الوحيد الذ يعلمها ربما أخته وقفت الى جانبه في مواقف وهو يرد لها الجميل ..والله أتحدث معك بصدق ..لأن هذا حدث بيني وبين أخي وزوجته لا تعلم ...هناك اسرار عائلية لا تعرفها زوجة الاخ.
الزوجة دائما لديها حب التملك ..
الكلام الذي قاله زوجك من وراء قلبه وأنت السبب لانك هبلتيه بالهدرة ياك احنا النسا كي نبداو نهدرو ما نسكتوش والموضوع يرجع حديث الصباح والمساء وكل دقيقة نكروه..والرجل التكرار وتنقريش يفقده صوابه ..قالك هاذيك الهدرة باش تسكتي برك ...بصح محال يبدلك بأخته لأنك زوجته شتان بين الأخت والزوجة كل واحدة وظيفتها ومكانتها في القلب...لوكان صح وعلاش يتزوجوا ..يبقاو عايشين مع اخواتهم وخلاص........
كلام زوجك لحظة غضب فقط ...انساي شوية.

لو طلب منك أخيك خدمة وأنت متزوجة لن تتأخري عنه.
زوجك ليس قاصرا لو أحس أن أخته وزوجها يستغلانه لن يمنحهما السيارة أبدا عليك أن تثقي به وتدخلك هذا يهز صورته أمامهم ..ويقولو مرته تحكم فيه ...
الدنيا أخذ وعطاء اليوم انتم ديرو فيهم الخير غدوة تحتاجوهم تلقاوهم لا تكوني أنانية لأنك والله ستندمين ،
لنسبة لأخت زوجك تأخذ ملابسك ...الخطأ منك ...من البداية أنت كنت تعرضي عليها مقتنياتك هي الان والفت .......ماعليش روحي أنت ثاني ودي من عندها واش يعجبك من عندي ومن عندك تنطبع.
أختي العزيزة عايشة وحدك وعلاش جيبي الهم روحك ضحكي ولعبي مع زوجك وعيشو صغركم بركاك ما تهبلي فيه وفي روحك تعيشو مرة
في العمر تفوتوها غير نكد على امور تافهة ياك انت تركبي في السيارة يخرجك زوجك فيها الباقي واش راحلك فيه..زيني النية ربي يرزقك سيارة افضل من هذه...
ربي يهني قلبك ويبرد نارك .

[miral_zina]

ربي يصبرك اختي الحكمة والعقل

[&ام ايوب&]

المشاركة الأصلية كتبت بواسطة (( هبة الرحمن ))

السلام عليكم
أختي العزيزة كتبت موضوعك في قسم مشكلتي لنقاسمك همك ونسدي لك النصائح بدون نفاق أو مجاملة حتى تجين مخرجا بإذن الله.
سأصارحك .....و أستحلفك بالله لا تغضبي مني ...
مشكلتك تافهة وأنت ضخمتها..ثمة علاقة بين الاخ وأخته والله لن يحسها الا من يعيشها حقا
لو سألتك عن علاقته بأخته قبل زواجكما كيف كانت لن تجيبي وهو الوحيد الذ يعلمها ربما أخته وقفت الى جانبه في مواقف وهو يرد لها الجميل ..والله أتحدث معك بصدق ..لأن هذا حدث بيني وبين أخي وزوجته لا تعلم ...هناك اسرار عائلية لا تعرفها زوجة الاخ.
الزوجة دائما لديها حب التملك ..
الكلام الذي قاله زوجك من وراء قلبه وأنت السبب لانك هبلتيه
بالهدرة ياك احنا النسا كي نبداو نهدرو ما نسكتوش والموضوع يرجع حديث الصباح والمساء وكل دقيقة نكروه..والرجل التكرار وتنقريش يفقده صوابه ..قالك هاذيك الهدرة باش تسكتي برك ...بصح محال يبدلك بأخته لأنك زوجته شتان بين الأخت والزوجة كل واحدة وظيفتها ومكانتها في القلب...لوكان صح وعلاش يتزوجوا ..يبقاو عايشين مع اخواتهم وخلاص........
كلام زوجك لحظة غضب فقط ...انساي شوية.

لو طلب منك أخيك خدمة وأنت متزوجة لن تتأخري عنه.
زوجك ليس قاصرا لو أحس أن أخته وزوجها يستغلانه لن يمنحهما السيارة أبدا عليك أن تثقي به وتدخلك هذا يهز صورته أمامهم ..ويقولو مرته تحكم فيه ...
الدنيا أخذ وعطاء اليوم انتم ديرو فيهم الخيرية غدوة تحتاجوهم تلقاوهم .
بالنسبة لأخت زوجك تأخذ ملابسك ...الخطأ منك ...من البداية أنت كنت تعرضي عليها مقتنياتك هي الان والفت .......ماعليش روحي أنت ثاني ودي من عندها واش يعجبك من عندي ومن عندك تنطبع.
أختي العزيزة عايشة وحدك وعلاش جيبي الهم روحك ضحكي ولعبي مع زوجك وعيشو صغركم بركاك ما تهبلي فيه وفي روحك تعيشو مرة
في العمر تفوتوها غير نكد على امور تافهة ياك انت تركبي في السيارة يخرجك زوجك فيها الباقي واش راحلك فيه..زيني النية ربي يرزقك سيارة افضل من هذه...
ربي يهني قلبك ويبرد نارك .

اعجبني ردك

[رصاصة رحمة]

السلام عليكم اولا حبيت نشكر اختي ام ايوب على واش قالت بكلامها الحلو خلاتنا نفوقو لحوايج كانت خافية علينا اما انتي ختي صاحبة الموضوع ربي يسعدك ويعطيك طولت البال انا ساكنة مع اهل زوجي وغرفتي تقريب غرفة معيشة يقعدو فيها ويتفرجو فيها وحوايجي دايما نسلفهم ليهم في البداية جاتني صعيبة بصح بعد 5سنوات والفت حبيت نكسب قلب راجلي اوصح هو يموت عليا وهما مايقدروش يستغناو عليا علابالي بلي يجي نهار ونكون وحدي وكاسبة راجلي وربي يعطي كل واحد على قد نيتو