ادعولي الله يخليكم

[مشكلتي]

انا بنت عمرى 21 سنة نعود فى الباك ونخدم
درت الباك مرة وماديتوش
زدت سجلت المرة التانية بصح كنت يائس واصلا بابا لى سجلني مقريتش
بصح كي ما بقاش للباك ندمت وقلت كون قريت كون راني دك نوجد للباك
حاب نسقيسكم ادا مازال الحال و نقدر نديه
وحاجة تانيا تانى انصوحني كيفاه نراجع
انا علوم تجربيبة كيفاه نقرى الرياضيات والفيزياء
انا قلت نحفظ الصباح العلوم على خاطر ما عنديش فيها منهجية
وكي نكملها نولي للاجتماعية و تربية اسلامية نخليها هيا لخر بسكو مازلت شافبة عليها وفلسفة نحفظ اقول الفلاسفة
دوك بقالي مشكل فى الرياضيات والفيزياء
كيفاه نقراهم على خاطر معنديش الوقت كامل نخدم صباح على 8 و نولي لدار نتغدي على 12 و لعشيا نولي على 1.00 حتى 5 باه نخلص
انصحوني كيفاه ندير باه نلحق نقرى رياضيات والفيزياء
المشكل تاعى فى الرياضيات و الفيزياء مانيش مديرة ليكور
وتانى ما قريتش فى العام لى ما ديتوش
حابة نفرح جدي لي راهو حاب يقرني فى كندا
قالى كون تدي الباك والله غير انا نبعثك تقري في كندا
قتلو ما نقدرش قالى تقدر ابدي و تشوفى وانا انى خايفة

ومارانيش فاهمة كيفاه نبدا كيفاه نقرى
كلش راهو مخلط فى راسي ندمت كي ما قريتش من الاول

فات الحال و لا مازال نقدر نلحق ولا لا لا لا لا لا لا لا


تعيشو انصحوني و ادعولي ربي يهديني

[مصطفى_س]

السلام عليكم و رحمة الله

مشكلتك اعتبريها محلولة
لقد اجبت نفسك و بقي ان يخفزك الاعضاء الاوفياء

انا قلت نحفظ الصباح العلوم على خاطر ما عنديش فيها منهجية

هنا اجبت نفسك من الجيد المراجعة في الصباح للمواد الرياضيات و الفيزياء لان عقل الانسان يكون نشيط و اتركي باقي المواد الى المساء و لكن انت تعملين
هل باستطاعتك ان تتوقفي عن العمل لفترة وجيزة ثم تستعيدين عملك بعد اجتياز الامتحان ؟ ولكن كوني متأكدة انك ترجعين الى العمل
ان حالفك الحظ و اخذتي عطلة فهذا جيد جدا تستطيعين تنظيم وقتك كما تشائين و لا تيأسي ابدا ابدا و لا تقلقي على الوقت .في شهرين قد تستطيعي ان تراجعي و ستنجحين باذن الله المهم ارادة قوية غرضها النجاح

ان لم تستطيعي ان تأخذي عطلة لا تقلقي ايضا الحل موجود تكفيك 4 ساعات في الليل بحيث تقسمين الوقت حسب المعامل يعني المادة التي معاملها اكبر تعطيها حصة الاسد
المهم والاهم هو ان تتوكلي على الله اولا ثم تبدئين من الليلة بالمراجعة ولا تتركي فرضة للشيطان يوسوس لك انه فات الاوان وانك لن تنجحي و و و
اتركي امرك لله ولكن بالجد و الاجتهاد ستنجحين باذن الله .
ممنوع الندم في مثل هذا الوقت
انصحك فقط في العمل حاولي ان اتت فرصة للجلوس لا تقفي كثيرا و ان كان هناك وقت فراغ في العمل لا حرج ان تراجعي مادة او اثنان بالاخص مواد الحفظ

وفقك الله و ان شاء الله يأتينا خبر نجاحك باذن الله أسأل الله العلي القدير ان يوفقك لنيل شهادة البكالوريا

[جمال6]

السلام عليكم
لم يفت الوقت بعد هناك اناس اعرفهم طيلة العام وهم نيام لكن عندما افاقو عقدو العزم على النجاح ومنهم واحد راه طبيب الان
ثقي في نفسك وتوكلي على الله ولا تدعي مجالا للتسويف والافكار السلبية انا ايضا مقبل على البكالوريا شعبة علوم اي مثلك
واستطيع القول اني العام الماضي لم ادرس الرياضيات اطلاقا لكن هذا العام الحمد لله بفضل تكثيفي لحل التمارين يعني يا اختي
الرياضيات والفيزياء تمارين كل ما حليتي كل ما تكتسبين افكار جديدة اما عن العلوم فانا لا انصحك بالحفظ عليك بالفهم وحل الباكالوريات
السابقة لا انكر ان هناك اشياء تحفظ لكن ليس جلها نضمي وقتك ولا تخافي نرجو من المولى التوفيق والنجاح لك ولنا
موفقة