احلام طالب

[مولود حداد]

السلام عليكم ورحمة الله

قصيدة اليوم حول طالب في القسم النهائي كان يحلم أنو لما يتحصل على البكالوريا تفتح له الآفاق واسعا لكن ما وجد في الجامعة يا ترى؟ تابعوا معنا في القصيدة


بَسـْمْ الله مُــولْ المَـنَّـة *** وَالصْلاَة عْلَى صَاحَبْ السُّنَـة *** مُحَمَّـْد بْـذَكْـرُو نَتْهَـنـَّى
جَابَلْنَـا الرِسَالـَة وَالـدِّيـن
كُنْتْ إنْسَانْ عَنـْدِي طُمـُوحْ *** شْحَالْ كْبِيرْ وْمَفْتـُوحْ *** نْحَبْ دِيمَـا نَبْلـُغْ الصُّـرُوحْ
ونـْكـُـونْ مالـبَـارِزيـن
وْعْلِـيـه دَرْتْ فَالـخُـطَّـة *** نْوَّلـِي قِيـَادَة كَـادْرْ دِيطَـا *** وِيــذَا رَبــِّي زَادْ عـْطَـا
نَتْرَشَّحْ رَئِيـسْ للجَزَائِرِيِيـن
وْجَـاوْ هَـذُوكْ الرَّبـْعْ ايّـَامْ *** وْخـُوكُـم زَيّـَـرْ لـَحـْزَامْ *** بَـدَّلـْتْ كــُلْ السِّيسْـتَـامْ
لِيلِـي وَنْهَـارِي مَتْمَاثْلِـيـنْ
ظَهْرَتْ النَّتِيجَة وْخْرَجْ اسْمِي *** وَالفَرْحَة دَوَّاتْ فِي جَسْمـِي *** الـدَّارْ ذَبْحُـولِـي عَجـْمـِي
وْكَانـُوا بِــيَّا فَرْحَانِـيـن
وْأَولْ شـِي فـِي عَقْلِيـْتِـي *** شُوقْ كْبِيـرْ لِلُونِيفَارْسِيتـِي *** اللِّي عَقْبـُو عْلِيهَـا خَاوْتـِي
وْكَانُـو مَنْهـَا مَتْخَرْجِـيـنْ
وَالنْهَارْ اللَّوَلْ نْتَاعْ التَّسْجِيلاَتْ *** الغَاشِي تْقُولْ الأُمَّة كَامَل جَاتْ *** وَالسْخَانَة تْرُونْتْ سَاتْ (37)
وَحْنـَا فَالشَّمـْسْ مْقَابْلـِيـنْ
خَيَّرْتْ فَرْعْ العُلُومْ السِّياسِيـَّة *** بَاشْ يَخْدَمْلـِي ذِيـكْ الغَايـَة *** اللِّي ذْكَرْتْهَا قْبِيـلْ فَالبِدَايـَة
يَاخـِي رَاكُـم مَتْفَكْرِيـنْ؟؟؟




بْدَاتْ الـدُّرُوسْ يـَا سِيـدِي ** وْقُلْتْ نْخَرَّجْ كُلْ مَـا عَنـْدِي *** مـَنْ طَاقـَة لَكـِّن يَـا وَدِّي
الإمْكَانـَاتْ كَانُـو غَايْبِيـن
كـِي تَدْخُـلْ لـْذَاكْ المُـدَرَّجْ *** نُصْ يَقْرَا وَالبَاقِـي يَتْفـَرَّجْ *** قَالُولْنَا اصْبرُوا رَاهْ رَبِّي يْفَرَّجْ
والكْرَاسَـى يْكُونُـو كَافْيِيـن
الشَمْبْرَا نْتَاعْ زُوجْ فِيهَا رَبْعَة *** وَالرِّيسْتو أَنْتَارْدِي الشَّبْعَـة *** وْ مُظَاهَرَاتْ فَالجَامِعَة
بـَالـظُـرُوفْ مْـنَـدْدِيـنْ
وِيذَا رْكَبْتْ فِي ذَاكْ الكُـوسْ *** تْقـُولْ كْرِيمِينـَالْ مَحْبـُوسْ *** عَالكـَرَامَـة غِـيـرْ دُوسْ
وْمَـا تْكـُونْ مَالطَّمَاعـِيـن
وْبــَـالاَكْ الـغِـيـَابـَاتْ *** خُصُوصًـا فَالتِّيدِييـات (td) *** وْيَاوِيحْ اللِّي بْقَاوْلُو لِي دَاتْ
يْتَبْعُوهْ حَتَّى عَشْـرْ سْنِيـنْ



هْنـَا عـَاوَدْتْ شَفْـتْ لْحَالِـي *** وْقُلـتْ عِـيـشْ يَالـزَّوَالِـي *** القَنَاعَة الكَنْزْ اللِّي مَـا يَفْنَالِـي
وَالشِي صْعِيـبْ يَـا سَامْعِيـنْ
لَكِنْ مَاعْلِيـشْ طْرِيـقْ المَجْـدْ *** أََوْلُـو دِيمَـا صَبْـرْ وْجَـلَـدْ *** مـَـا نَغْـتَـمْ مــَا نَتْنـَهَّـدْ
نْـكـُـونْ مَالإيجـَابِـيـِيـنْ
وْهَـذِي سُـنَّـة رَبّْ العِـبَـادْ *** مَاشـِي قـَالْ مُولُـود حَـدَّاد *** الدَّنيا تَعَب وْتَضْحِيـَّة وْجِهـَادْ
النَّفْسْ هْنَا وْكَايَن جِهَاد فْفَلَسْطِين
وْبَالمُنـَاسَـبَـة رَحْ نَغْـتَـنَـم *** هَـاذْ الفُرْصَـة بـَاش نَتْرَحَـمْ *** عَالشِّيخ يَسِين وْكُلْ مـَنْ قـَدَّمْ
حْيَاتُـو فـِدَاء لْهـَاذْ الـدِّيـن
هَـذَاكْ هُـوَ خِيـر الأَمْثِـلَـة *** اللـِّي تْحَبَسْـلَـكْ المُخَيَّـلـَة *** رَجُـلْ قَعِيـدْ قَـادْ مَرْحَـلَـة
دْيـَال الـدِّفـَاع والتَّمْكِـيـنْ
قَالْ مَالاَزَمْشْ يَتْحَوَّلْ المَسَـارْ *** إمَّـا شـَهَـادَة أوْ انْتِـصَـار *** القَضَِّة مَاهِيشْ فِي مُجَرَّدْ أشْبَارْ
يْقِيـسُـوهَـا الجُغْرَافـِيـيـن
القَضٍيـَّة قضِـيـة صُـمُـود *** فـِي وَجـْه الظَلَمَـة اليَهُـود *** مَا رَايْحِينْش نَغَلْبُوهُم إذَا الجُهُود
تْفَرْقَـت وْكُـنـَّا مَتْنَازْعِـيـن
وَحـْنَـا يَلْزَمْـنَـا الـوَفـَـاء *** لـْهَـاذ الـنـَّاسْ الأتْـقِـيـَاء *** وَرَثـَـــة الأنْـبـِـيـَـاء
للهَمْ نـْكُـونُـوا حَامْـلِـيـن


الأم اللـِّي تْرَضَّـع *** الشِبْل اللـِّي يَطْلـَع *** فـِي قَلْبـُو تَطْـبـَع
أفكَار أحْمد ياسِيـن
التلميذ اللِّـي يَقـْرا *** لازم يْحَقَّق النُّصْـرة *** بَالفِعْلْ مُو بَالهـَدْرَة
لأفكار أحمد ياسيـن
المُعلَّم اللي يْـدَرَّّس *** يْوَاصَل مَـا يْحَبـَّس *** حَتَّى فَالنَشْء يَتْنَغْرَس
أفكار أحمد ياسيـن
الطالـب فَالجَامِعَـة *** وَاجَب عْلِيه يَسْعَـى *** بَاش النَّاس تَتْوَعـَّى
بأفكار أحمد ياسيـن
الشَاعر اللِّي يَشْعَـر *** لازم يَدْفَـع وَيْؤَثـَّر *** فَالجُمْهُور الحَاضَـر
بأفكار أحمد ياسيـن
فَالأخيـر كَلمْـة نْقُولـْهَـا *** فلسطيـن يَارَبـِّي احْفَظْهَـا *** بَرْعَايْتَـكْ وَحْنَـا فـْدَاهَـا
وْمَانـَاشْ فِيهَـا مْفَرْطِيـن
بَصَّحْ اسَمْعُوني يَانَاسْ لَمْلاَحْ *** اللِّي خَانْ حَيِّ عَلىَ الفـَلاَحْ *** يْخُونْ حَيِّ عَلـَى الكِفـَاح
وَالصَّـلاة عَمُـود الـدِّيـن

[الوليـد]

و عليكم السلام و رحمة الله و بركاته :

تقبّل الله منا و منكم و غفر لنا و لكم.


يا حسراه على الطالب --- كي راه مباصي و متعذب
الناس تحسبو عايش --- و هو من آشان لآشان مطّايش

عذرا على تعكير صفو الوزن و الترابط لقصيدتك فهي محاولة سريييعة.

جُزيت خيرا على الكلمات الطيّبة أخي حمادة77
بالتوفيق ان شاء الله

[مولود حداد]

[size="5"]السلام عليكم ورحمة الله

الأخ وليد غفر الله لنا ولكم وكل عام ونحن إلى الله أقرب.

الظاهر إنو من البيتين عندك قدرة على صياغة القصيد الشعبي الملحون ، حاول أن تكتب فيه وزنك راه مريقل.

بالمناسبة هذه القصيدة القيتها في مهرجان الانتفاضة هنا بالعاصمة امام الطلبة وأردت فيها ان انقل اهتمامهم من ثلاثية الكوس ريستو شمبرة إلى امور اخرى اعمق

موفق ودام لك التالق وراني نستنى إبداعك[/size]

[الفقيرة إلى ربها]

السلام عليكم و رحمة الله و بركاته


فعلا أصبح إهتمامنا"كوس ريسطو،شمبرة"، و كيف للطلبة أن يهتموا بأمور أعمق في جزائر ماشاء الله ! يوفرون لنا كل الوسائل و الظروف المادية و البشرية و المعنوية للتفكير الابداعي،آخرها زيادة في المنحة بنسبة جد جد معتبرة ،50بالمئة !


المهم ، أعود للقصيدة، و لإبداع الاخ حمادة، ماشاء الله، "هادا واش نقدر نقول"، لست جديرة بالنقد أو ما شابه ذلك.


سلام.

[مولود حداد]

السلام عليكم
الحمد لله على نعمة رفع المنحة حتى لا تسبق حاءها نونها.
مشكورة على المرور وموفقة بإذن الله وأغناك الله ما دمت فقيرة إليه.

[بنت الحجاج]

السلام عليكم ورحمة الله تعلى وبركاته
والله اخ مولود بالامس قريت الموضوع ا وكنت رايحا نقولك بلي اسلوبك يشبه اسلوب لشاعر جزائري كان عندي
كتيب تاعو بعنوان بنت الاسلام واليوم كي عودت قريت الموضوع تولهت لصاحب المشاركة ولقيتو انت والله ضحكت
المهم حبيت نقولك بليي اسلوبك رائع واللي يزيدو روعة هو** طريقة القائك** له فانا حضرت مرة في اقامة سطيف حفلة وكنت انت ضيف شرف وكان لي الشرف اني سمعتك تلقي بعض القصائد
ويومها كانت معايا صحبتي ..صدقني انها بكات كي سمعاتك تحكي في القصيدة على وحدة محبش يزوجها ابوها والمعاناة اليي عاناتها من بعد..كانت طريقتك للالقاء رائعة وجد مؤثرة
ولا القصيدة الاخري .قصيدة الحجاب بكات معظم الحضور ومنهم انا كانت حقا رائعة..
المهم اخي الفاضل اسمحلي على الاطالة وربي يوفقك في حياتك وبارك الله فيك
تحياتي meriem11

[بنت الحجاج]

انا نهدي لكل بنت من المنتدى هذه الابيات من قصيدة بنت الاسلام
يا بنت الاسلام**رضي رب الانام**اجعلي لنفسك صمام الامان
عالطاعة يكونلك معين
الحجاب ليك سترة**عفة وطهارة**تعيشي بيه حرة
مو فطريق العابثين
مولود حداد

[مولود حداد]

السلام عليكم ورحمة الله
بوركت الأخت مريم على المرور العطر وتبقى مدينة سطيف المدينة التي ألقي فيها الشعر كثيرا وهي التي لمشروع التاج فيها نصيب كبير.
مشكورة وموفقة وتحية إكبار لكل بنت ارتضت إلا أن يكون تاجها خمارها.

[صَمْـتْــــ~]

المشاركة الأصلية كتبت بواسطة مولود حداد

السلام عليكم ورحمة الله

قصيدة اليوم حول طالب في القسم النهائي كان يحلم أنو لما يتحصل على البكالوريا تفتح له الآفاق واسعا لكن ما وجد في الجامعة يا ترى؟ تابعوا معنا في القصيدة

بَسـْمْ الله مُــولْ المَـنَّـة *** وَالصْلاَة عْلَى صَاحَبْ السُّنَـة *** مُحَمَّـْد بْـذَكْـرُو نَتْهَـنـَّى
جَابَلْنَـا الرِسَالـَة وَالـدِّيـن
كُنْتْ إنْسَانْ عَنـْدِي طُمـُوحْ *** شْحَالْ كْبِيرْ وْمَفْتـُوحْ *** نْحَبْ دِيمَـا نَبْلـُغْ الصُّـرُوحْ
ونـْكـُـونْ مالـبَـارِزيـن
وْعْلِـيـه دَرْتْ فَالـخُـطَّـة *** نْوَّلـِي قِيـَادَة كَـادْرْ دِيطَـا *** وِيــذَا رَبــِّي زَادْ عـْطَـا
نَتْرَشَّحْ رَئِيـسْ للجَزَائِرِيِيـن
وْجَـاوْ هَـذُوكْ الرَّبـْعْ ايّـَامْ *** وْخـُوكُـم زَيّـَـرْ لـَحـْزَامْ *** بَـدَّلـْتْ كــُلْ السِّيسْـتَـامْ
لِيلِـي وَنْهَـارِي مَتْمَاثْلِـيـنْ
ظَهْرَتْ النَّتِيجَة وْخْرَجْ اسْمِي *** وَالفَرْحَة دَوَّاتْ فِي جَسْمـِي *** الـدَّارْ ذَبْحُـولِـي عَجـْمـِي
وْكَانـُوا بِــيَّا فَرْحَانِـيـن
وْأَولْ شـِي فـِي عَقْلِيـْتِـي *** شُوقْ كْبِيـرْ لِلُونِيفَارْسِيتـِي *** اللِّي عَقْبـُو عْلِيهَـا خَاوْتـِي
وْكَانُـو مَنْهـَا مَتْخَرْجِـيـنْ
وَالنْهَارْ اللَّوَلْ نْتَاعْ التَّسْجِيلاَتْ *** الغَاشِي تْقُولْ الأُمَّة كَامَل جَاتْ *** وَالسْخَانَة تْرُونْتْ سَاتْ (37)
وَحْنـَا فَالشَّمـْسْ مْقَابْلـِيـنْ
خَيَّرْتْ فَرْعْ العُلُومْ السِّياسِيـَّة *** بَاشْ يَخْدَمْلـِي ذِيـكْ الغَايـَة *** اللِّي ذْكَرْتْهَا قْبِيـلْ فَالبِدَايـَة
يَاخـِي رَاكُـم مَتْفَكْرِيـنْ؟؟؟

بْدَاتْ الـدُّرُوسْ يـَا سِيـدِي ** وْقُلْتْ نْخَرَّجْ كُلْ مَـا عَنـْدِي *** مـَنْ طَاقـَة لَكـِّن يَـا وَدِّي
الإمْكَانـَاتْ كَانُـو غَايْبِيـن
كـِي تَدْخُـلْ لـْذَاكْ المُـدَرَّجْ *** نُصْ يَقْرَا وَالبَاقِـي يَتْفـَرَّجْ *** قَالُولْنَا اصْبرُوا رَاهْ رَبِّي يْفَرَّجْ
والكْرَاسَـى يْكُونُـو كَافْيِيـن
الشَمْبْرَا نْتَاعْ زُوجْ فِيهَا رَبْعَة *** وَالرِّيسْتو أَنْتَارْدِي الشَّبْعَـة *** وْ مُظَاهَرَاتْ فَالجَامِعَة
بـَالـظُـرُوفْ مْـنَـدْدِيـنْ
وِيذَا رْكَبْتْ فِي ذَاكْ الكُـوسْ *** تْقـُولْ كْرِيمِينـَالْ مَحْبـُوسْ *** عَالكـَرَامَـة غِـيـرْ دُوسْ
وْمَـا تْكـُونْ مَالطَّمَاعـِيـن
وْبــَـالاَكْ الـغِـيـَابـَاتْ *** خُصُوصًـا فَالتِّيدِييـات (td) *** وْيَاوِيحْ اللِّي بْقَاوْلُو لِي دَاتْ
يْتَبْعُوهْ حَتَّى عَشْـرْ سْنِيـنْ

هْنـَا عـَاوَدْتْ شَفْـتْ لْحَالِـي *** وْقُلـتْ عِـيـشْ يَالـزَّوَالِـي *** القَنَاعَة الكَنْزْ اللِّي مَـا يَفْنَالِـي
وَالشِي صْعِيـبْ يَـا سَامْعِيـنْ
لَكِنْ مَاعْلِيـشْ طْرِيـقْ المَجْـدْ *** أََوْلُـو دِيمَـا صَبْـرْ وْجَـلَـدْ *** مـَـا نَغْـتَـمْ مــَا نَتْنـَهَّـدْ
نْـكـُـونْ مَالإيجـَابِـيـِيـنْ
وْهَـذِي سُـنَّـة رَبّْ العِـبَـادْ *** مَاشـِي قـَالْ مُولُـود حَـدَّاد *** الدَّنيا تَعَب وْتَضْحِيـَّة وْجِهـَادْ
النَّفْسْ هْنَا وْكَايَن جِهَاد فْفَلَسْطِين
وْبَالمُنـَاسَـبَـة رَحْ نَغْـتَـنَـم *** هَـاذْ الفُرْصَـة بـَاش نَتْرَحَـمْ *** عَالشِّيخ يَسِين وْكُلْ مـَنْ قـَدَّمْ
حْيَاتُـو فـِدَاء لْهـَاذْ الـدِّيـن
هَـذَاكْ هُـوَ خِيـر الأَمْثِـلَـة *** اللـِّي تْحَبَسْـلَـكْ المُخَيَّـلـَة *** رَجُـلْ قَعِيـدْ قَـادْ مَرْحَـلَـة
دْيـَال الـدِّفـَاع والتَّمْكِـيـنْ
قَالْ مَالاَزَمْشْ يَتْحَوَّلْ المَسَـارْ *** إمَّـا شـَهَـادَة أوْ انْتِـصَـار *** القَضَِّة مَاهِيشْ فِي مُجَرَّدْ أشْبَارْ
يْقِيـسُـوهَـا الجُغْرَافـِيـيـن
القَضٍيـَّة قضِـيـة صُـمُـود *** فـِي وَجـْه الظَلَمَـة اليَهُـود *** مَا رَايْحِينْش نَغَلْبُوهُم إذَا الجُهُود
تْفَرْقَـت وْكُـنـَّا مَتْنَازْعِـيـن
وَحـْنَـا يَلْزَمْـنَـا الـوَفـَـاء *** لـْهَـاذ الـنـَّاسْ الأتْـقِـيـَاء *** وَرَثـَـــة الأنْـبـِـيـَـاء
للهَمْ نـْكُـونُـوا حَامْـلِـيـن

الأم اللـِّي تْرَضَّـع *** الشِبْل اللـِّي يَطْلـَع *** فـِي قَلْبـُو تَطْـبـَع
أفكَار أحْمد ياسِيـن
التلميذ اللِّـي يَقـْرا *** لازم يْحَقَّق النُّصْـرة *** بَالفِعْلْ مُو بَالهـَدْرَة
لأفكار أحمد ياسيـن
المُعلَّم اللي يْـدَرَّّس *** يْوَاصَل مَـا يْحَبـَّس *** حَتَّى فَالنَشْء يَتْنَغْرَس
أفكار أحمد ياسيـن
الطالـب فَالجَامِعَـة *** وَاجَب عْلِيه يَسْعَـى *** بَاش النَّاس تَتْوَعـَّى
بأفكار أحمد ياسيـن
الشَاعر اللِّي يَشْعَـر *** لازم يَدْفَـع وَيْؤَثـَّر *** فَالجُمْهُور الحَاضَـر
بأفكار أحمد ياسيـن
فَالأخيـر كَلمْـة نْقُولـْهَـا *** فلسطيـن يَارَبـِّي احْفَظْهَـا *** بَرْعَايْتَـكْ وَحْنَـا فـْدَاهَـا
وْمَانـَاشْ فِيهَـا مْفَرْطِيـن
بَصَّحْ اسَمْعُوني يَانَاسْ لَمْلاَحْ *** اللِّي خَانْ حَيِّ عَلىَ الفـَلاَحْ *** يْخُونْ حَيِّ عَلـَى الكِفـَاح

وَالصَّـلاة عَمُـود الـدِّيـن

ماشاء الله أخي،
لا تعليق لانّ كلِماتِك ليست مكتوبة فحسب،
فهي ناطقة، بل صارِخة ومعبّرة
والله حملَتني عبرها الى أيّام الجامعة و الحيّ الجامعي لدالي ابراهيم، و أوضاعه التي جعلتني أحمل حقيبتي وأفرّ هاربة.

لكن رغم كلّ ما يواجه الطّالب من إحباطات وعراقيل
عليه بالصّمود و الكِفاح، لنيلِ النّجاح

بورك فيك أخي

[مولود حداد]

السلام عليكم
هذا حي جامعي للبنات فمابالك بالحي الجامعي للذكور؟؟؟؟
موفقة

[ساجدة الروح]

الطالب عندما يكون في الثانوي يكون في احلى حلم وفجاة ينقلب داك الحلم الى كابوس بشع وهو الجامعة التي هي عبارة عن مثلث الموت tdأوtpوالريسطو والغرفة وعندما يتخرج يجد نفسه قد افاق من داك الكابوس لكن في رايكم مادا يجد امامه عندما يفتح عينيه يجد ان داك الكابوس كان ارحم من الغول الدي امامه وهو البطالة والشوماج والديقوطاج كلهم فاتحين افواههم كي ياكلوه وللاسف الشديد انه لا يلجا الا الى مايعرف بالخي اونبلوا البطالة المقنعة
عفوا اخي موصوعك مطروح بطريقة جيدة

[مولود حداد]

السلام عليكم ورحمة الله
مشكورة الأخت الكريمة على المرور ولعله الأول على صفخات قصائدي وطريقة طرح الموضوع لها من الأهمية الشئ الذي يجعله يرتقي او ينزل.
سجالنا مع الصعوبات في الحياة مستمر ولن تبلغ المجد حتى تلعق الصبرا
موفقة