الزواج من اجل المال و المنصب ـ طمع ـ

[مشكلتي]

مساء الخير

حابيت نشاوركم و بالاخص النساء انا شاب جامعي 25 سنة تعرفت على فتاة تقريبا 3 سنوات المهم علاقتنا لا تتخطى الصداقة الجامعية المهم الفتاة مؤخرا تود التقرب مني بطريقة اخرى و حسب تصرفاتها تريد مني خطبتها
شخصيا لست متقبل الفتاة شكلا بصح في نفس الوقت بامكاني ان اخرج نفسي من حالة الفقر و البطالة فالفتاة من عائلة ثريه و لها اختين فقط و تأتي الى الجامعة بسيارتها الخاصة و والدها عندو معارف يعني واصل
منكذبش عليكم شاورت ماما لاني مداصرها قتلها عموما واش رايك في طفلة عندها دراهم نخطبوها ضحكت قاتلي عندك لتغلط ياوليدي تولي كي الرخيس اتفه الاسباب تقدر تهز ولادك و تخرج من دار مدامها هي لواقفا و دراهم دراهمها قاتلي تولي انت هو لمرا و هي الراجل
قتلها بلاك النسا مشهم كامل كيفكيف قادر تتنازل على سيارتها تكتبها باسمي مثلا ههه ضحكت قاتلي روح تقرا روح

اريد رايكم انتم من الاخير نيتي من خطبتها بمعى الزواج منها ستكون من اجل نحسين مستواي المعيشي و نلقى منصب مليح عن طريق والدها طبعا على سنة الله لاكمال نصف الدين بصح زعما ح ندورو ع بعضانا اي رايحة تمارس السلطة تعها ؟
سوق النسا خطير يا جماعة الخير انا مجرد عينة من الشباب لحاب تطلع بيه عن طريق فتاة من عائلة ثرية لاني و الله مهما قريت و خدمت 30 سنة مشني رايح نلحق على الدار و السيارة في هدا لبلاد و مدابيا ككل الشباب تكون عندي سيارة في هدا السن صافي راني عايش زوالي 25 سنة و الله تعفست مهما خليت مسافات و مهما تكون عندك شخصية رايحين يحقروك بالعين و ظهرت الدراهم هي لتعمل قيمة للانسان و تجلبلوا الاحترام راني نحكي في الحقيقة لعشتها كنت صغير براءه ابسط مثال و الله نحشم في المدرسة نطلع لسبورة باه ميشوفوش التلاميد قشي الله غالب و مش حاب ولادي يكبرو كما كبرت و خلاص