خُـــــبز خفيـف و هش في الفـــرن ~ من مطبخ عآشقة الجنــة ~

[ضآحكة مستبشرة]

الســــلآم عليكم و رحمة الله تعالى و بركاته


البارح جربت خبز جديد نصحــــوني بيه حبيت نشارككم الوصفة و الطريقة
ننصحكم تجربوه مش رح تندمو

المقاديــــــــــــــــر :



2 بيض
2 مغارف كبار سكر
2 مغارف كبار خميرة الخبز
3 كيسان فرينة
2 كيسان سميد
2 كيسان حليب
مغرف صغيرة ملح
ربع كاس زيت

طريقة التحضير :

نجيبو اناء كبيرة ندير فيه البيض و نضربوه مليح و نزيدو عليه السكر و نخلطو حتى يذوب السكر و نزيدو الخميرة
نخلط المكونات كامل مع بعض و نخلو الملح مع الاخير لانو الملح ميخليش الخميرة تتفاعل اذا درناها في الاول

نفرغو الفرينة و نديرو فوقها الملح و نخلطو بالعقل و نزيدو زوج كيسان سميد و نلموا العجينة حتى تولي خليط متجانس








و العجينة لازم تكون طرية متيبسوهاش اكتفوا بالمقادير فقط متديروا حتى اضافة




بعد ما نكملوا العجين نجيبو المول لي رح نطيبو فيه ندهنوه بالزيت و نرشو فوقو الفرينة و نفرغوا العجينة
و ندهنوها من الفوق بالبيض و نزينوها بالسانوج او جلجلان يعني التزيين اختياري
مبعد نحطوها في مكان دافئ و نخطوها بمنشفة او اي شيء نظيف و نخلوها تختمر بعدما تخمر نحطوها في الفرن لي تكوني سخنتيه من قبل












مدة الطهي و درجة حرارة الفرن ترجع للفرن ديالك ماهيش محددة


و بعد ما تطيب تقطعيها و تقدميها للعائلة
و شهية طيبة











و هذه النتيجة








نلتقي في وصفات اخرى
في امان الله​