هل هو على صواب ؟؟؟

[مشكلتي]

سلام على الجميع
حبيت نعرف رايكم في هد القصة هدي صحبتي تحكي مع خطيبها ,قالتلو بلي واحد من اهلها خطبها مرتين وهو من نفس القرية التي يسكن فيها خطيبها ويعرفو وبينتهم قدر ,وحلفتلو بلي مهدرتش معاه خلاص وتعرفوش اصلا في الوجه وحلفتلو بلي لا سمع صوتها ولا سمعت صتوا ,وانهم حكايات نساء وفقط ,الا انه انزعج من ذلك كثير وقال لها انه لم يستطع ان يبتلع هذا الأمر ابدا على الرغم من التفكير فيه ,محبش يقبلها فقالت له بانها صريحة وانه خطبها آخر عند حديثها معه وجدته بعيد عن الدين فلم تقبل به.لتاكد له انها لم تحلف عن باطل الا انه لم يصدها .
فهل هو على صواب ؟؟؟

[toulay]

وعليكم السلام ورحمة الله تعالى وبركاته
درك هي راحت تحكيلو وحبت تكون صريحة dès le début
ومع الاسف طاحت في واحد موسوس
وكل واحد وعقليتو
شوف اذا عندو فيها ثقة ميكبرش الموضوع واذا من النوع ليتاثر بالهدرة مراحش يامنها
شفتي يا اختي مين البنت تكون honnête واش يصرالها هاذي هي جزاء الصراحة
بالتوفيق

[عثمان الجزائري.]

الوقت لي وصالنالوا صعيب جدا، لماذا خطبها قبل أن يسأل أو يتأكد، و هي لماذا تحكي أن فلان خطبها زعمة شوفني آم خطبوني و ما حبيتش، قل عليها الكلام، هذه طامات الهاتف...و أنا أعرف عقلية ناس من هذا الصنف و أنا تقريبا نخمم كيفوا لكني أسأل قبل ما أنوي الخطبة و لا أتكلم معها في التفاهات...حتى لا يضيع الوقت و يطيح القدر...

[aroua]

وعليك السلام والأمان والرزق والاكرام
اخيتي الله غالب من خلال خبرتي عن الرجال , وهذا الذي انت تتحدثين عنه من بينهم ,يتبين انه يستحسن الكذب عليهم احسن من المصارحة التي يمسكون يدكي في اول كلمة تنطقينها .وهم في البداية من طلبوا الصراحة من اول لحظة اتفاق عن الزواج. ربي يقدر لي فيه الخير ...

[السجنجل]

شكرا على موضوع

مما قرأت وفهمت أن تلك الفتاة بصراحتها وقعت بين المطرقة والسندان

أولا هذه مشاكل نحن من نؤسسها في مجتمعنا بطرق الخطبة الزائفة والغير صادقة
أنظروا معي

تجد الشاب يقول للفتاة لا يمكنني أن أخطبك وأتزوجك حتى أراك وأعرفك وتخرجين معي وفي المقابل تراه لا يثق في كل فتاة تلكمت أو خرجت والله وبالله وتالله لم أجد كيف أعلق ولكم التعليق
هذا مبدأ غلط وتأسيس سيء
يجيب أن نعرف الطريق الصحيح للتجاه نحو الزواج وغيره:
التوكل يجب أن نعرف المعنى الحقيقي للتوكل (أن تترك أمرك كله لله وتثق به أنه يقدمك للخير ويقدم لك الخير وتبادر بأسباب الخير)
النية الصادقة ابحثو عن معنى النية الصادقة (أن تنوي الصلاح والخير لنفسك ولغيرك من غير خداع ولا مكر ولا خيانة ولا غدر)

أما فيما يخص قول الفتاة بأن الصراحة جزائها كذا وكذا .....
افلصراحة لها حدود ،أما ما تقولينه فليست صراحة بل هي إطاحة
كيف تأي فتاة تقول لقد خطبني فلان وطمع في علان وتحدث عني حلان ورآني عثمان وابتسم معي زيدان ووووووووو
ثم تقول ذلك شخص موسوس ونيته ليست صادقة ما الذي يحملك على قول ذلك لكن كان الأجدر منك أن تصارحينه بالصراحة المطلوبة

تصارحيه بأنك لم تخرجي مع أحد ولم يلمسك أحد ولم تلكمي أحد هذا با ختصار شديد وهو كاف واف لا داعي التفاصيل والتراهات والمتاهات كل ذلك يأتي من من تلك المحادثات الهاتفية ومن الفراغ ووووووووو

يجب أن ندرس سيرة أسلافنا كيف كانت طرق التعارف والخطوبة والتزاوج ولكل للأسف ما نرى شبابنا يريدون أن يطلبوه ليس منا وليس من ديننا ولا من سيرت أسلافنا
كمثل من يبحث عن الماء في النار

[AMINA.Z]

يبدو لي انها اخطات ليس لانها اخبرته فهذا امر عادي
و لكنها اخطات لانها تصرفت و كانها مذنبة و تحتاج الغفران بحلفانها المتكرر و محاولة شرح موقفها عدة مرات
هو انسان موسوس .....الاحسن ان تتجاهله عندما يرغب في الحديث في الموضوع و تقولو ....اللي فات مات ...واش راح نديرو !!!!
ان بقي هكذا و حدثت مشاكل بسبب القصة ...قولي لها ان توقف الاتصالات بينهما او تحد منها و الا فلتراجع امر هذه الخطبة .
حبة رجعها قبة !!!!! من بعد كيفاه

[نسيم الريح ش]

السلام عليكم جات تفوخ وتزوخ طاحت على راسها زعما انا نسوى ياربنت النا س معروف انو البنت يخطبها مية ويديها واحد وهدا واحد ما يقبلش يسمع سيرة راجل قبله .المفروض المرا ما تحكيش على الخطبات لي من قبل الا ادا سقسا عليها وحب يستفسر تماك تحكي وباختصار

[خالد عنابي2]

لا هو ليس على صواب بل هذا شخص عنده عقلية زبل حاشا القارئ

هذا النوع من الرجال يحوس يدي مرا لم يمسسها الريح ولم يراها حتى الجن

ويحب حتى كون يبطل منها واحد ما يديها وتقعد بايرة

باختصار هذا عندو الرجلة زايدة بالزاف فوق اللزوم

والبعد عن اشباهه احسن

اسد علي وفي الحروب بيضة نعامة

[خالد عنابي2]

المشاركة الأصلية كتبت بواسطة نسيم الريح ش

السلام عليكم جات تفوخ وتزوخ طاحت على راسها زعما انا نسوى ياربنت النا س معروف انو البنت يخطبها مية ويديها واحد وهدا واحد ما يقبلش يسمع سيرة راجل قبله .المفروض المرا ما تحكيش على الخطبات لي من قبل الا ادا سقسا عليها وحب يستفسر تماك تحكي وباختصار

الخطبة ليست عيبا وليست امرا فيه حرج حتى يتم اخفاءه
المسكينة حبت تصارحو وهو طلع حاسب روحو تت وسبع قطط

[إسلام الفاروق]

ما فائدة ذكر هذا الموضوع ؟
زعما خطبوني مرتين و مقبلتش احسن تهدرو على المستقبل خير

[Basketteuse]

لم افهم ؟!!! ماهذه الردود، أكيد اي وحدة لازم تذكر الخطبات اللي قبل،تخيلو لو تزوجو وعرف بللي كانت مخطوبة لزوج من قبل؟!!! وبما انهم من نفس القرية أكيد راح يسمع من شخص براني، تخيلو موقفه وهو كالاطرش في الزفة

[ايمن تلمسان]

هذا موسوس كلشي راه باين اامشكل كي يديها من بعد التوسويس يوصل لحوايج كبار الله يدير الخير

[mrmilano1984]

المشاركة الأصلية كتبت بواسطة amina.z

يبدو لي انها اخطات ليس لانها اخبرته فهذا امر عادي
و لكنها اخطات لانها تصرفت و كانها مذنبة و تحتاج الغفران بحلفانها المتكرر و محاولة شرح موقفها عدة مرات
هو انسان موسوس .....الاحسن ان تتجاهله عندما يرغب في الحديث في الموضوع و تقولو ....اللي فات مات ...واش راح نديرو !!!!
ان بقي هكذا و حدثت مشاكل بسبب القصة ...قولي لها ان توقف الاتصالات بينهما او تحد منها و الا فلتراجع امر هذه الخطبة .
حبة رجعها قبة !!!!! من بعد كيفاه

فعلا انسان موسوس نعرف رجال كفو غبنو نساء لانهم موسوسين ومشكل يضل يهدر علي امور هاته باين موسوس في راسو هدا راه يهبلها صراحة

[mrmilano1984]

صدقوني انا نعرف واحد موسوس بزاف صديق صاحبي حكالي عليه قريب ماهبلو كل دقيقة يحكلو علي الناس والغاشي والنساء فهمتو يعني في مخو الا التوسويس هدا مرض خطير جدا وادا تزوجتيه راه يمضرك ويمرض اولادك صدقيني اني نعرفهم مشكل فيه هو مش فيك نتي اوك حاولي تعرفيه الا بقا كما هو هدا موسوس هدا كان يروح معاه للتحواس يقولو دايمن شعب عيان ويهدر علي النساء كامل مش ملاح كل هدرتو سلبية يالطيف واش من عبد غر يضرك بالكلام

[naimori]

هي علاش تحكيلو هذا خطبني ووووووو
مدام يعرفو بلاك يعرف عليه حوايج مظلمة ممكن تخيلهم فعلو مع خطيبته المستقبلية ولا قاستو لما حست او احس بالمقارنة يعني هي لسانها طويل حوايج كيما هذو ماينحكاوش نورمال خطبوها وسايييي وهو علا صواب لانو ذهنيته تغيرت وقلبو تغير موش بسيف يقعد معاها