طريقة عمل اوراق الملسوقة ،الديول

[ام ساجد]

السلام عليكم ورحمة الله وبركاته
قرب شهر رمضان المبارك وحبيت نحطلكم طريقتي في عمل اوراق الملسوقةاو الديول وهي طريقة سهلة وبسيطة نتمنى تجربوها وتنجحو فيها باذن الله
اوراق الملسوقة،الديول
الكيل بفنجان قهوة 2كيلات فرينة و1كيلة سميد وملح
ومغرفة صغيرة زيت ونضيف بنفس الفنجان 5كيلات ماء
ونخلطهم ونبدا مباشرةالخدمة ما نخليهاش ترتاح
نحتاج كربيار او مقلاة طيفال ناخذ منشفة فيها
قطرة زيت ونمسحها
ونبدا العمل بالبانسو ندخل البانسو في الخليط
ونمسح عالكربيار حتى نتحصل على ورقة تبدا تتنزع
من الحواشي نحيها ونقلبها فوق منشفة ونكمل بنفس
الطريقة وكل مرة نمسح الكربيار بالمنشفة لي فيها
الزيت وكل ما نحي ورقة نقلبها فوق الاخرى
هاذ الكمية عملتلي 7حبات كبار ولو نكيل بكاس نعمل
مغرفة اكل زيت
ملاحظة:انا نحط المقلاة فوق النار مباشرة وتكون نا رمتوسطة والمقللة سخونة
ولازم تكون يدك خفيفة في استعمال البانسو

وهادي الصور بالتفصيل نتمنى تستفادو ودعوة منكم بصلاح اولادي تكفيني

[حياة نور الدين]

بارك الله فيك واحلى تقيييييم

[ام عبدو و ملاك]

اااامم ام ساجد بارك الل فيك وربي يجعلها في ميزان حسناتك و يحفظلك عايلتك امين يارب العالمين

[oum ibrahim]

يعطيك الف عافية غاليتي ام ساجد روووووووعة

[الرجاء الاماني المجد]

ربي يحفظلك اولادك ويكبرهم في عزك وتشوفيهم في اعلى المراتب يا غالية

[aya la belle]

ya3tik saha

[رحمة2016]

باااارك الله فيك وجزاكي كل خير
احلى تقييم ليك

[ام محمد اسلام الله]

روعة ربي يحفظك ختي ويجعلها في ميزان حساناتك

[ام سراج وملاك]

يععطيك الصحة اختي ام ساجد

[أمنية غفران]

امممم روعة ماشاء الله عليك وربي يحفظك و وليداتك و يكبرهم ربي في طاعته
باذن الله رايحة نجربها و نرد لك الخبر مشكورة
و أحلى تقييم

[روعة الصحراء]

بارك الله فيكي تعيشي حبيت نسقسيك مايجوش يابسين وجزاك الله خيرا

[أم شيماءْ]

تسلم اديك ام ساجد

[sabrina206]

أبدعتيييي أختي أم ساجد بإذن الله نجربهم مشكورررررة
في الحقيقة الإبداع ماهوش جديد عليك بارك الله فيك و حفظ لك أولادك و جعل حياتهم كلها صلاح,فلاح و نجاح

[الجمان]

الله يبارك في دوك اليدين

[ام الهضاب]

ربي يجازيك خيرا و يصلحلك اولادك يا رب و تشوفيهم في اعلى المراتب ان شاء الله