زواجي مهدد

[مشكلتي]

مشكلتي بدات من يوم سلمت نفسي لشخص لا يستحق حبي احترامي استغلني واستعل ضعفي حتى اكتشفت بعد فوات الاوان انه لبس يالشخص المناسب للزواج فقررت الابتعاد عنه حتى اصبح يهددني بصوري التي معه وانه لن يسمح لي بالزواج من شخص غيره ....فكرهته واكتشفت حقيقته فقطعت كل اتصالاتي به ...........مرت لاايام وانا في اشد حزني وندمي حتى التقيت بشخص يعمل معي وتقدم لخطبتي فاحببنا بعضنا وتعلق بي وععلقت به والحمد لله تمت الخطبة وعقد القران المدني وانا في اتم السعادة معه .....ولكن لم تكتمل الفرحة فبعد مرور 7 اشهر من عطبتنا حتى ضهر حبيبي السابق واستطاع ان يجد مكان عملي ........انا في حيرة من امري انا خائفة ان يعلم حبيبي السابق بان زوجي يعمل معي ويبلغه بعلاقتي السابقة معه وصوري التي معه .....ارجو المساعدة اريد حلا منكم في اسرع وقت قبل ان يتمكن من الوصول اللا خطيبي اريد ان امنع هذا .......و انا مترددة ان اخبر اهلي بمشكلتي ......ماذا افعل انا خائفة ان يثطم حياتي فهو انسان لا يخاف الله

[أمل94]

اختي يجب عليك اخبار خطيبك بالامر والحكاية .....لان حبيبك السابق لن يسكت مهما كان ..فانت الان امام خياران احلاهما مر ...فمن رايي ان تخبري خطيبك لانه سيسمع بللامر آجلا ام عاجلا. وفقك الله

[ميما اللئيمة]

الحل الوحيد انك تتوجهي لربي و تطلبي منو يسترك ، حطيها فبالك ربي لي يقدر يسترك و يقدر يفضحك مش حبيببك السابق ، كي يحبلك ربي الستر ياو يتلمو سبع الاف شخص عندهم صورك و مايقدرو يديرولك والو ، اسمعي ليا و ديري رايي ، ديري رافاي على ثلاثة تع الصباح يعني فثلث اخير من الليل و نوضي صلي و ادعي من قلبك ، و اعلمي انو ربي لي ما فضحكش وانتي في علاقة حرام ، مش حيفضحك وانتي طالبة الحلال ، و ماتحكيش مع المخلوق هدا و ماتقوليلوش يستر فضيحتك ربي لي يستر مش هو ، هو يبلط البحر كي يقدر

[ميما اللئيمة]

صلي و ادعي في اخر الليل كل يوم ، مش نهار واحد برك ، و كتري من الدعاء انا صراتلي عفسه وراني نحكي عن تجربة لوكان جيت نقدر كون حكيتلك حكايتي المهم ديري رايي و شوفي

[سيف الدين الطيار]

كيف شعرتي و انت تعطينه الصور.....كيف هي حال الصور....هل تعرفين ان النسبية في كل شىئ هل علمتي انه اذا خباتي الامر على خطيبك....فيها نسبة من الخيانة

[kika85]

ربي يسترك حبيبتي ويكملك مع خطيبك في الحلال ...شفتي علاه ربي حرم علينا هاد العلاقات ؟؟؟؟

[solinne]

شوفي يا ختي نصيحة لوجه الله انا راني مع الاخوات فالصلاة والدعاء ووووو لكن والله الافضل ليك تخبري خطيبك انو كاين واحد راه يتحرش بيك بلا ما تحكيلو على العلاقة تاعكم من قبل باش تكون عندو فكرة خاطر هاذا حبيبك كيما قلتي ما شكيتش يسكت وراح يبحث ويحوس حتى يلقاه وبلاك يوريهملو واذا صار هاذ الشي قوليلو ما علابالك بوالو وقولي فوتو شوب واذا ما تقبلش وقرر يبعد عليك احسن انك تخسريه كخطيب وما تخسريهش كزوج
ربي معاك حنونة وكاش جديد رانا هنا

[ام رضوان]

السلام عليكم
والله يا اختي كي قريت مشكلتك غير حكمتني الفجعة في مكانك
هذا انسان مايخافش ربي وكيما يقولو ناس زمان
خاف من لي مايخافش ربي
نصيحتي ليك اولا لازم تكثري من الاستغفار وتدعي ربي يغفرلك انت اولا
وكذلك اختي ادعي ربي في سجودك يجعل كيدو في نحرو
ماعندك غير ربي سبحانوينقضك من هذه الورطة
وزيد كلمي اهلك يمكن يلقاولك حل
ربي يبعدو عليك ويحميك يارب

[نورسين.داية]

قانونيا التهديد يقابله شكوى لدى مصالح الشرطة ....غير دلك فهو مضيعة للوقت

و العلاقات الإجتماعية لا تستوي إلا بالصراحة إذا يحبك فعلا يتقبلك بأخطائك .......و كلنا يخطئ العبرة بالتوبة النصوحة .....إذا ما قبلش تاني من حقو ................(الخطيب الثاني ) عندو الحق ....
وفقكي الله أختي

[soumia youcefi]

بي يسترك اختي و يفرج همومك

[توحيد الجزائرية]

مأساة
حبيبي السابق ؟؟؟؟
ابهذا تنعتينه وانت على ذمة زوج
صراحة ،،ماحرم شيء الا لعواقبه الوخيمة ، الصحبة ،الحب ،وتبادل صور ،ثم لم يعجبني
ربي يعافنا

[غزلانْ]

السلام عليكم


ما كان ينبغي عليكِ فعله هو

مصارحة الرجل الدي سترتبطين به

المهم ما حدث قد حدث لكِ الوقت المتسع فلتنقلي له أنك كنت على علاقة مع شخص قبله

تجنبي اخفاء الأمر لأنه ان حدث ارتباط ستكون مشكلة تصعبين الخروج منها

خطبة و هددك ماذا لو ارتباط

تقبلي ردت فعل خطيبك الثاني مهما كانت النتيجة

بالتوفيق لكِ

[ميما اللئيمة]

عفوا ممكن سؤال خارج الموضوع انا جديدة و ارغب في نشر موضوع لمشكلتي كم عدد المشاركات اللازمة ، اسفة لطرح السؤال هنا لا اعرف اين اطرحه

[قناعتي سعادتي]

ميما اللئيمة سجلي خروجك ومبع عاودي ادخلي بعضوية اسمها مشكلتي

و المو دو باس 123456

وهاكي اقراي القوانين ضرك تفهمي كيفاه تحطي موضوع

https://www.djelfa.info/vb/showthread.php?t=1726293

[ميما اللئيمة]

شكرا اختي.ربي يحفظك