هذا ظلم في حقي

[مشكلتي]

السلام عليكم اتا امراة متزوجة اعيش مع أهل زوجي في بيت واحد ونتقاسم اشغال البيت انا واخوات زوجي لكن بحلول وقت الدخول المدرسي. يذهبن لمزاولة دراستهن واجد نفسي اقوم باعمال البيت من طبخ وغسيل ونظافة لوحد كل يوم فتعبت من هذا الامروكرهت وواجهت عائلة زوجي فسمعت منهم الصدودوالشتم .فحملت نفسي ورجعت الابيت والدي وانا الان اسبوع لم ارجع الى بيتي ولم يبحث عني احد فماهو رابكم هل هذا ظلم ام انا الظللمة؟

[مياسم الصمت]

السلام عليكم
يا أختي زيني نيتك
ما تلقي غير دعاوي الخير
اعتبري روحك في دارك اهلك هل رايحة تقعدي ياخي تخدمي

واخوات زوجك لما يكونوا في الدار يعاونوك ماشي يقعدوا

اكسبي دعوة الخير وخدمة الدار مارايحة تقتلك

[نور الفجر02]

مكانش لازم ديري مشكلة من العمل هذه امور بسيطة كيما كنت في دار بوك تخدمي اخدمي في دار عجوزتك. الخدمة مارايحة تضرك خاصة اذا كنت تخدمي وانت مستمتعة لكن اذا حاسبتيهم اكيد راح تكرهي . عندي اختي وعاملة والله رافدة دار عجوزتها كامل وحدها .اكسبي عجوزتك وكي تشوفك تتعبي اكيد راح تطلب من اخوات زوجك مساعدتك ربي يهنيك

[لمسة ابداع]

اختي اخدمي و احتسبي اجرك عند ربي سبحانه
و لكان لقيتهم مافهمش رووحهم اجبدي روحك بالشوي بلاما ديري مشاكل و تخرجي للعيب
و زيد انا فهمت من هدرتك بلي سلافاتك يقراااو معناتها صغاار
ربي يوفقك اختي و يكون في عونك

[غزلانْ]

وعليكم السلام

تعيشين مع أهل زوجك ......نتقاسم شغل البيت ...أنا و أخوات زوجي

قمّة التوافق هنا يكون تواصل و تزيد المحبة

لكن بحلول وقت الدخول المدرسي يدهبن ......

التمسي لهم العذر

هل ترضين أن يسمحن في دراستهن على حساب مساعدتك لشغل البيت

أخطأتِ

و ما سمعته منهم راجع لردت فعلك

النتيجة تسرعت ليس بظلم فما حدث قد حدث

حاولي مسامحتهم و لو باتصال و كوني عونا لهم كما اعتبروك و عرفوا ما عليهم و ساعدوك

بالتوفيق

[نورسين.داية]

السلام عليكم

عزيزتي أنتي أولا كنتي هلى علم أن أخوته يدرسن أو يعملن من قبل زواجكي به ........ولا تقولي لي أنكي لم تكوني تعلمين ...
ثانيا : فالنفرض أنك تسكنين في البيت زوجي منفرد .... هل كنتي سوف تقومين بهذه لأعمال المنزلية أم لا ؟؟؟؟

كحل في رأي فاليقتصر عملك على تحضير وجبة الغداء فقط لكن يوميا و باقي الأعمال يقوم بها البقية أعقتد أن هذا حل مرضي
وفقكي الله عزيزتي

[ريـاض]

لا يكلف الله نفسا إلاّ وسعها
إذا كنت لا تستطيعن خدمة جميع أفراد عائلة زوجك فعليك بخدمة زوجك فقط
ولكن ليس عن طرق إعلان الحرب مع أهل زوجك ومقاطعتهم لأنّ ذلك ليس في مصلحتك وليس في مصلحة زوجك
بل يجب أن تسير الأمور بحكمة وعقلانية
حتى لا تترتب عنها مفاسد أكبر
لأنّ التهوّر واتخاذ القارارات الغير مدروسة غالبا ما تكون عواقبه وخيمة
فعليك الآن أن تعودي إلى البيت كأنّ شيء لم يحدث
ثم حاولي بالتدريج وعن طريق النقاش والحوار مع زوجك بأن تتخلصي من تلك المشكلة
وإن كنت تستطيعين خدمة أهل زوجك مع شيء التجلّد والصبر
فاحتسبي في ذلك الأجر والثواب
ولا تفرقي شمل العائلة
والله أعلم

[امل ضائع]

يا اختي حاولي ان تعالجي المشكل بالتي هي احسن...
و نصيحة مني ما تزيديش تغضبي في داركم..
عندك مشكل حليه في دارك ماشي ترفدي روحك و تروحي لداركم..
و اصلا ما دمت في دار عايلة لازم تتوقعي ذلك و اعتبريهم خاوتك و مالازمش تاخذي الموضوع بحساسية او من جانب انك تخدمي عليهم..
اصبري حتى يفرج عليك ربي.. انا من رأيي هاتفي زوجك يرجعك لدارك اختي و ابعدي عن الشر... و تاني حاجة ما تسمعي حتى لواحد يفسدلك حياتك اسمعي ضميرك فقط...

[صبرا13]

السلام عليكم ورحمة الله و بركاته
اختي اسمحي لي ان أسدي لك بعض النصائح و لكل اخت تريد ان تعّمر بيتها:
لا تغضبي ، وان غضبتي ففي بيتك،؛ يعني أين تقيمين مع زوجك، ولكن اذا أحسست بالحاجة بتغير الجو، اطلبي زيارة اهلك و قولي انها زيارة ود وان كنت فوق البركان. قالو ناس زمان تندم عَل الهدرة و ما تندمش عَل السكات.
قال رسول الله (ص): (الدنيا متاع وخير متاعها المرأة الصالحة). فلعّل زوجك ظنّ هذا فيك عندما جاء ليخطبك، فبّر أهله من برّه، وان قدرت يا اخّية علي خدمة اشغال المنزل فاحتسبيها اجرا عند اللَّه عساه ان يبارك في صحتك، وان يرزقك ولدا بارا بك قرَّة عين لك.
فأرجو ان ترجعي منزلك وتذكري قول رسول الله "أيما امرأة باتت وزوجها غضبان إلا لعنتها الملائكة"، تحذير للمرأة من أن تغضب زوجها ، توكلي على الله فإنه نعم المعين

[توحيد الجزائرية]

الحوار والتفاهم سيد الموقف
قومي باعمال البيت صباحا،،واهل البيت ،لهم اعمال البيت مساءا
يعني تفاهموا واقسموا الاعمال

[♥سهام♥]

انصحك بالعودة لبيت الزوجية . و التحاور مع اخوات الزوج .لانه ليس من حقهم ان يتركو كل اشغال البيت لك فقط . لانهم يقدرو يعاونوك و لو بالقليل .
مثلا انا نقرا و العشية يوميا اقوم بمعضم الاعمال . رغم اني عندي زوج خاوتي مزوجين و ساكنين معنا .
لذا فالتحاور هو افضل حل . ربي يصلح احوالك ان شاء الله .

[AMINA.Z]

الاستقلال ببيت منفرد هو احسن حل.
و الا. ..فتحدثي مع زوحك و اشرحي له وجهة نظرك ..و من مسؤولياته ان يتدخل بينك و بين اهله ليحل الخلاف و يجب ان تتفقوا على تقاسم اعمال البيت ففي النهاية لست خادمتهم.
اما خطؤك فهو التسرع
لم توفق في اتخاذ قرار العودة لبيت اهلك ....الان كيف ستعودين لبيت زوجك ? ففي النهاية هم لم يقومو بطردك و انما غادرتي بارادتك و منه لا تنتظري منهم البحث عنك.
اتصلي بزوجك و حلا الامر بينكما
بالتوفيق

[ميما اللئيمة]

ياختي حتى اذا كنتي ساكنة و حدك حتغسلي و تطيبي و تسيقي وفدار باباك تتغسلي و تسيقب و تطيبي اذا انت شايفة بزاف عليك ؛ حطي في بالك حتى الطفلة لي تقرى من التمنية تع الصباح للربعة تع العشية مع الجامعات تاعنا الله يبارك ااقراية ساااااااااهلة و السابوطاج مكانش خلاااااااص و المواصلات فاضيااااا كيما قال عادل امام ؛ حنا كامل قرينا و جربنا صعب بزاف تقراي نهار كامل و تجي تروحي تغسلي لماعن و تديري العشا و انتي مدام قاعدة نهار كامل و شفيها تديري الشغل كيما احتاجوك ليوم و هوما مشغولين بقرايتهم تحتاجيهم نتي نهار اخر كي يكون عندك ضروف و متقدريش تخدمي

[moulmoul]

يتزوجوااا ويعرفواااا وين رايحيين وواش راه يستنى فيهم
ممبعد يبداووو يشكيو
ياك كان علابالك وين كنتي رايحة
ولا المهم تتزوجي وممبعد ساهل (عقلية اكثرية البنات )
كنتي غالطة كي رحتي لداركم
واذا رجعتي لدارك نظرة ناس دارك رايحة تتغير من جيهتك
الله يصلح الاحوال

[أم شروفة]

نقلك ما تخرجيش للعيب مباشرةتماطلي في العمل اللي قدرتي عليها اخدميها واللي ما قدرتيش الله غالب ...انتي راه عندك زوج واطفال......اعطيلهم الفترة المسائية ....كامل درسنا وخدمنا في الدار ...