خبز بدون غلوتين رائع و خفيف

[RYMOU2011]

السلام عليكم

حبيت نحطلكم اليوم وصفة لخبز بدون غلوتين لمن يتبع حمية بدون غلوتين.
الخبز هذا لقيتو في أحد المواقع عدلت فيه شوية. هو من أروع الوصفات اللي جربتها لابنتي ربي يشفيها و جميع مرضى المسلمين.
هي وصفة على طريقة tang zhong هي طريقة يستعملها الصينييون من القديم لجعل الخبز طري لمدة أطول لمهم مش حابة نطول عليكم اللي يهمها الأمر تبحث في الانترنت على الطريقة. نبداو بالمقادير:
20غ نشاء الذرة +130غ ماء لصنع التانغ زونغ يعني نطيبوهم معا كيما الكريمة ونخلوه ليلة كاملة (أنا خليتو يبرد شوية واستعملتو مباشرة)
350غ فرينة بدون غلوتين من النوعية الجيدة أو ممكن تعملي خليط تاعك 200غ فرينة الأرز+ 90غ نشاء الذرة+ 60غ نشاء التابيوكا او البطاطا.
ملعقة كبيرة سكر
ملح
ملعقة كبيرة خميرة الخبز
حبة بيض
190مل حليب دافئ
30غ زبدة طرية
تخلط المكونات الجافة معا في اناء الخلاط ثم نضيف التانغ زونغ مخلوط مع البيضة والحليب (المزيج لازم يكون دافئ).
تخلط العجينة بالعجانة الكهربائيةpetrin رايح نتحصل على عجينة طرية ثقيلة على الكيك
ندهن مول بالزبدة أو زيت نحط العجينة في المول و نبسطها نخلوها ترتاح حتى تتضاعف في الحجم
نسخن الفرن على 200 ونحط داخل الفرن صينية اخرى مملوءة بالماء حتى تعطي للخبز رطوبة وهو يطيب. لما نخرجوه من الفرن نغطوه بمنشفة نظيفة حتى يبقى طري.[IMG]


ملاحظات: أنا حطيتلو منكهات كيما خبز الدار جنجلان سانوج وحبة حلاوة.
ممكن نفس العجينة نعملها بريوش نزيدو كمية السكر وبرش البرتقال والليمون والقرفة والزبيب.
اتمنى تجربوه وانتظر الردود.[/IMG]



[IMG][/IMG]