من فضلكن اللي كتبت وصفات أمازيغية و افتخر تفيدنا بيهم

[أم آدم و دارين]

السلام عليكم
الأخت أمازيغية و افتخر أخت فاضلة ربي يذكرها على خير مدتلنا العديد من الوصفات السورية الرائعة اللي كنا ناكلوها فقط في المطاعم و نبقاو نحلمو بيها لكن للأسف لم تعد بيننا و السبب يبقى مجهول و أنا كنت ناوية نكتب جميع وصفاتها و كي جيت نكتبهم ما لقيت حتى موضوع من مواضيعها لذا أطلب من كل وحدة كانت متابعتها تكتبلنا وصفاتها بالتفصيل كيما كانت تكتبهم هي هكذا نحيي مواضيعها القيمة و نقدرو نستفادو كامل من تجاربها
فأرجو التفاعل من كل الأعضاء و أنا بدوري كتبت وصفة اللبنة السورية و طبقتها و النتيجة كانت روووووووووعة غدا إن شاء الله نكتبها بالتفصيل
باين الموضوع ما لقى حتى تفاعل لكني وعدت ووعد الحر دين عليه
اللبنة السورية
المقادير: 2لتر حليب -علبة ياغورت طبيعي-نصف م-ص ملح
طريقة التحضير:
غلي الحليب و خليه يبرد شوية حتى إذا حطيتي صبعك فيه تقدري تحملي 10 ثواني عندئذ تضيفي الياغورت الطبيعي و الملح خلطيه مليح و غطيه بمنشفة ثقيلة و حطيه في مكان دافئ و خليه ليلة كاملة حتى يروب -بعدما يروب و يجمد حطيه في قطعة شاش و خليه يقطر ليلة كاملة و إذا كان الجو حار خليه يقطر داخل الثلاجة باه ما يحماضش و كي يقطر مليح يكون واجد و هاذيك هي اللبنة نقدرو نستهلكوها كيما راهي أو نقدموها مزينة بالنعناع اليابس أو الزعتر أو السانوج مع زيت الزيتون أو نقدمها كما تقدم في المطاعم السورية : لبنة +ملعقة عصير ليمون+شوية ثوم مرحي+حبة خيار مكرفجة أو مقطعة قطع صغيرة خلطي الكل و قدميها مع رشة نعناع
في الحقيقة الوصفة هاذي لذيذة جداااااا و صحية و جميع اللي جربها عاد ما يستغناش عليها
و هاذي صورة اللبنة اللي عملتها أنا من أرشيف صوري

دمتم في رعاية الله و حفظه و أرجو منكم التفاعل لأن الموضوع حقا حقا يستاهل