ياسامـــع

[بوبكر بن علي]

يا سامــــع ليا سامـيني واصرش **** نعيد لك ماقسيت من كذا امـــحان
من هــــمي يصغا ليا لـــــــطرش **** حـــت من لبكم يسرحلو اللســـان
هــــــم في الدواخل راه عـــــشش **** كـــبرو فروختو رباو الـــجنحان
درت لروحي عــلة ومايدهــــــش **** ولـــيت مشغب ديما في تشــطان
طلبت كابل ذو شــــهرين نـــــش **** نـــظل نوصــي روح في لمــــان
نهار نركـــبوه لي جا يـــــتعنكش **** يدلــــى يصـــفاوه قرح وصبــيان
زادونـــي موديم فكرون مـــعمش **** عامــــيه القبار في عقبة تــــعبان
فــــيه لادياسال عالدهر ترمــــش **** وتروح بالشهر تدرق ماتــــــــبان
نهار كاينة وشـــــهر راها تتوبش **** تولي متقيض تـــــسال فالــجيران
لا تراس تلــــــقاه يــــنزه ويـــفش **** مولى بهزة وكلامـــــــــو مــيزان
واحد يخـــــدم في ولاد الــــعرش *** ولاخر شكـــــــام علـــى هدة بـيبان
مايصدوش توالك من قهر الــــقش **** حــــت الصفة في لوانهم تشـــيان
يحكو لبعضاهم في حك المجحش **** وجسر المحبة مــــبني عالقضـيان
واحد لا لــقيتو ثمــــــة يــــتكمش **** ولاخر مـــــــتولع بوعال الكيــجان
السـيارة داروها لنــــساهم تتفشش **** وانا مـــــحنزز في صهــد الحمان
هـــــاذ الـــــقوم تقول لـــيه الرش **** مكارة ماهــمش من جلـــفة عربان
مــــاتزهاوش شوفو لـــــقدوة وش **** عقوبة فرعون مدرجهالكم رحمان
شوفو لحساب الرب يوم الــــخش **** فــي ساعة تولي مـــسوحد عــريان
في حــــــفرة منين جسدك يتنبش **** طــــعم لدودة والخـــنفوس يا فــلان

بقلمي