انا قليلة ادب ومجرمة

[كاميلا]

السلام عليكم

نعم انا قليلة ادب في مجتمع يعتقد ان من واجبات الزوجة طاعة ام زوجها واخته وابيه وجدته واهله

خبيثة في مجتمع يريد من كل زوجة ان تلغي شخصيتها في حياتها الخاصة حيث تصبح ام الزوج او اخته او خالته او اهله هم المدبر الوحيد في ابسط الاشياء التي تخصها

وطبعا انا عاقة في نظرهم لاني لا اقدس اهل زوجي بحيث اضعهم في منزلة اهلي وفي نفس الوقت الغي من قاموس حياتي امي وابي واهلي

مجرمة لاني اردت تكوين عائلة وبيت اكون فيه مستقلة بذاتي وبقراراتي وبواجباتي

عدرا يا مجتمعي فانا قليلة ادب وعاقة وخبيثة وشريرة ومجرمة

[سحابة مسافرة]

للاسف يا اختي هذه نظرة العديد من الاهالي
و كي تلحق لبناتهم يحبو يديروهم فوق الروس ...اييييييييييه
ربي يكون في عونك و عوننا جميعا

[azzam 01]

موضوع يحتاج إلى كثير من النقاش والعمل ’’’’ لعل الذهنيات تتغير

[toulay]

وعليكم السلام ورحمة الله تعالى وبركاته
مع الاسف يا اختي شفتي الجهل وين واصل مدابيهم البنت تكون esclave ونساو بلي هي انسان
مدابيهم البنت تنفذ برك الاوامر وتسكت كون تريكلامي على حقها يضربوها ولا يعايروها
مجتمع متخلف بكل ماتحمل كلمة متخلف من معنى
اختي عندك قناعاتك وعندك المبادىء تاعك jamais تتنازل عليهم لانو التنازلات بزاف مشي ملاح
بالتوفيق

[باهي جمال]

اشترك معك في نفس النظرة وقلت دائما ان بعض الشباب لما يريد ان يتزوج يضع في اول اهتماماته ان ياتي بزوجة مطيعة لامه حتى ولو كانت عاصية لله وهو يريد بذلك ان يدخل الجنة باعمال زوجته تجاه امه وكان الاجدر به ان يكون هو خادما لامه وابيه بلا من ولا اذى

[أم معاذ أم معاذ]

لا إفراط و لا تفريط

[first first]

هناك اشياء تافهة تزيد الطين بلة

الكنة انسان فيها من الخير مافيها وفيها من العيوب مافيها

اذا كانت انسانة فيها اهم مايجب ان يكون..................خلاص .............كثرت التدخل واستعباد البشر لم يقبل سابقا وفي العصور الماضية ..............فلاداعي لمحاولة الاستعباد الان.
رانا في عصر الابناء واحد ماقادر يفرض عليهم رايو فمابالك بكنة؟؟

طبعا اقصد المبالغة في تعكير وتسويد حياة الكنة.......................ماشي لي يدبر عليها بدبارة تنوض تنفض في روحها؟؟؟ حتى لانضلم احد.............الناس برانية وراهم يدخلو في حياتنا ويدبرو بلا مانصقصوهم؟؟؟ او مادا؟؟؟

موضوع للتفلسف وبالاحرى للفضفة................لانو الحلول لاتوجد؟؟ وحتى ان وجدت لا تطبق؟؟
اختي كاميلا.عليك بصبر ايوب..........لكن زيدي عليه شوية راهو وحدو مايكفيش نصيحة لكل من تعاني ايضا

لكن للامانة رانا نشوفو غير في الكنات يشكو من الحماوات..............حتى الحموات راهم يعانيو............لكن هما ربما ماعندهمش عضوية في المنتدى ولايتقنن استعمال التكنولوجيا...............والا لكنا سمعنا ايضا العجب العجاب؟؟؟؟؟؟

[إسلام الفاروق]

بصراحة عندما تكبرين و تنجبين اولاد وتربين ولا تستطيعين فراقهم ثم جي زوجة ابنك تديه بعيد عليك بحجة المستقبل و الاستقلالية الخ
ثم نشوفو افعالك
اغلبية نساء الجزائر يتصفن بانانية الا قليل ربي يزيد فيهم
منذ الولادة تريد كل اهتمام الوالدين لها وحدها او القدر كبير و عند الزواج تريد زوجها لها فقط وعند الكبر تريد ابنها لها فقط
كثير من الزوجات يفكرن في بناء الحياة الزوجية كيف سيكون المستقبل والاستقلالية دون ادخال الزوج في برايه و اذا فكر في ان اهله اعلى مرتبة منها تصير المشكلة
سلام

[كاميلا]

المشاركة الأصلية كتبت بواسطة first first

هناك اشياء تافهة تزيد الطين بلة

الكنة انسان فيها من الخير مافيها وفيها من العيوب مافيها

اذا كانت انسانة فيها اهم مايجب ان يكون..................خلاص .............كثرت التدخل واستعباد البشر لم يقبل سابقا وفي العصور الماضية ..............فلاداعي لمحاولة الاستعباد الان.
رانا في عصر الابناء واحد ماقادر يفرض عليهم رايو فمابالك بكنة؟؟

طبعا اقصد المبالغة في تعكير وتسويد حياة الكنة.......................ماشي لي يدبر عليها بدبارة تنوض تنفض في روحها؟؟؟ حتى لانضلم احد.............الناس برانية وراهم يدخلو في حياتنا ويدبرو بلا مانصقصوهم؟؟؟ او مادا؟؟؟

موضوع للتفلسف وبالاحرى للفضفة................لانو الحلول لاتوجد؟؟ وحتى ان وجدت لا تطبق؟؟
اختي كاميلا.عليك بصبر ايوب..........لكن زيدي عليه شوية راهو وحدو مايكفيش نصيحة لكل من تعاني ايضا

لكن للامانة رانا نشوفو غير في الكنات يشكو من الحماوات..............حتى الحموات راهم يعانيو............لكن هما ربما ماعندهمش عضوية في المنتدى ولايتقنن استعمال التكنولوجيا...............والا لكنا سمعنا ايضا العجب العجاب؟؟؟؟؟؟

معليش فلسفة وتفاهات صح وراني قتلك انا مش متربية علابيها كتبت موضوع كي هكد وعدرا على التفلسيف تاعي

[كاميلا]

المشاركة الأصلية كتبت بواسطة أم معاذ أم معاذ

لا إفراط و لا تفريط

دينا دين الوسطية بصح رانا نشوفوا يا افراط يا اما تفريط

[كاميلا]

المشاركة الأصلية كتبت بواسطة باهي جمال

اشترك معك في نفس النظرة وقلت دائما ان بعض الشباب لما يريد ان يتزوج يضع في اول اهتماماته ان ياتي بزوجة مطيعة لامه حتى ولو كانت عاصية لله وهو يريد بذلك ان يدخل الجنة باعمال زوجته تجاه امه وكان الاجدر به ان يكون هو خادما لامه وابيه بلا من ولا اذى

يا اخي عندما تربيه امه من وهو صغير يكبر ولدي نزوجه يكبر ولدي يجيبلي عروسة تخدم عليا الخ الخ راهي وهو 3 سنين عمرتله الفكرة في راسه اللوم الكبير مش عليه وحدة ان كبر واصبح متحجر الفكر كيفاش ولدها 3 سنين تغنيله هاد الغناية يا لعجب انتجولنا جيل هش وتافه ومعندوش شخصية تخيل بكري وقت الرسول تبعث ولدها للغتوحات وكي يجيبوه شهيد تفرح ودوكا منين يتزوج ولدها تبدا الحرب ودير مندبة شوف قوة شخصية وتدين نساء زمان وقت الرسول ماش دوكا كون تصيب تسلبه كلش الزواج وقريب تقوله لا

[كاميلا]

عدرا على الاخطاء معنديش الحروف مكتوبين في لوحة اللابتوب راني غير حافظتهم من راسي

[عثمان الجزائري.]

المشكل ليس فيك أختي، المشكل أن مجتمعنا أصبحت عنده خلفيات حول هذا الموضوع و إنقسموا إلى قسمين أو ثلاث:
1- قسم يعتقد أن الكنة شحنت من طرف أهلها لتقوم بالتمرد و عدم ترك المجال لأهل الزوج...
2- قسم يعتقد أن الحماة و أقصد أم الزوج هي الرأس المدبر لكل المشاكل و تحب التدخل في كل شيئ....
3-قسم يعتقد أن أم الزوجة هي المشكل الأكبر لأنها تتدخل في شؤون بنتها و تدخل بينها و بين زوجها....

و الحقيقة بين هذا و ذاك فليس كل كنة من الصنف الأول و ليست كل حماة من الصنف الثاني، تبقى هناك أمور يمكن غض البصر عنها مثل الإستشارة في أمور الدنيا المختلفة لأنوا كيما قالوا ناس بكري لي ما عندوش كبير ما عندو تدبير، و الأفضل عدم إدخال الأهل أبدا في الأمور الداخلية للعائلة المصغرة و تبقى صلة الرحم هي السيد و إنتهى الموضوع.

[أمل94]

عزيزتي لو تكرمتي وأعطيتنا نموذجا عن هذا المجتمع الذي يعتقد ان من واجبات الزوجة طاعة ام الزوج واخته وابيه وجدته وتقديسهم والغاء قاموس اهلها من حياتها

[كاميلا]

المشاركة الأصلية كتبت بواسطة عثمان الجزائري.

المشكل ليس فيك أختي، المشكل أن مجتمعنا أصبحت عنده خلفيات حول هذا الموضوع و إنقسموا إلى قسمين أو ثلاث:
1- قسم يعتقد أن الكنة شحنت من طرف أهلها لتقوم بالتمرد و عدم ترك المجال لأهل الزوج...
2- قسم يعتقد أن الحماة و أقصد أم الزوج هي الرأس المدبر لكل المشاكل و تحب التدخل في كل شيئ....
3-قسم يعتقد أن أم الزوجة هي المشكل الأكبر لأنها تتدخل في شؤون بنتها و تدخل بينها و بين زوجها....

و الحقيقة بين هذا و ذاك فليس كل كنة من الصنف الأول و ليست كل حماة من الصنف الثاني، تبقى هناك أمور يمكن غض البصر عنها مثل الإستشارة في أمور الدنيا المختلفة لأنوا كيما قالوا ناس بكري لي ما عندوش كبير ما عندو تدبير، و الأفضل عدم إدخال الأهل أبدا في الأمور الداخلية للعائلة المصغرة و تبقى صلة الرحم هي السيد و إنتهى الموضوع.

يا اخي منتكلمش على استشارات نهدر على التدخل في الغير يعني مثلا انا ورا العشا نسيق الدار تقولك لا متسيقيش وتبدا تحكم وتتحكم وديرلك من الحبة قبة ؟ هذا مثال بسيط جدا جدا بلا مندحل في اشياء كبيرة التدخل فيها يسبب الفتن
والله العظيم لوكان انتم الرجال طيحوا في نسيب يحب يديرلكم ربع واش يصرالنا غير متحملوا هاد الشي

بالنسية لصلة الرحم با اخي هذا امر واضح هو عنده صلة رحمه وهي كذلك هي كي تروح لاهله من باب الاحترام ليس من باب صلة الرحم خاطر معندهاش معاهم رحم وهو كذلك باستثناء الاولاد عندهم صلة الرحم من كلتا الجهتين
شكرا للراي