من فضلكم جاوبوني

[مشكلتي]

السلام عليكم ورحمة الله تعالى وبركاته
حابة تعاونونوني بارائكم خاصة الرجال
قصتي هي ان وحدة شافتني عند عمتي عجبتهاوحبتني لاخوها الحت على عمتي باش يشوفني المهم عمتي قالتها بلي الطفلة ماشي نتاع التمسخير واكدت عليها وحد النهار جا وسقسى عليا في الخدمة هدرت معاه 5 دقايق ومن شدة الارتباك قالي مديلي نمرو باش نتفاهو مديتيلو لاني دايرة الثقةفي عمتي ودارهم على بالهم السيد راح ومارد حتى خبر بعد عشر ايام حبت تستفسر عمتي فال مازالي نخمم المهم هدر معايا حوالي ربع ساعة في الهاتف وفهني بلي مايحبش الهاتف وقالي تاني حاب على الاقل نعرف عقليتك شوي جاوني هدو الحوايج الزج متناقضين مع اني انا لا احب هدرت التلفون و الان حوالي 15 يوم مارد حتى خبر مافهمتش اسكو تراجع ولاواش وماعلاباليش هل هدا عادي ام لا انا مقلقة يردلي الخبر لشتى بالسلب قاعدة معلقة حابة نعرف رايكم خاصة الرجال مارتش كيفاش يخممو
ماتبخلوش عليا خاصة لعدات حالة كيما هادي
الشكر الجزيل

[اياد حياتي]

يا اختي ما تتقلقي ما والو الا ناوي الحلال مرحبا بيه وجي من باب الواسع وبركاي ما كل مرة تفوت مدة يعيط والا عاودها رفدي وقوليلو يا ولد ناس الا حاب باب دارنا قدامك وحبسي من هدرة معاه وما ترفديش والا جا مكتوبك من جهة وحداخرا مرحبة بيه وما تستناي ماوالو موفقة

[أم إسلام]

اختي العزيزة الجواب باين ما يحتاجش انك تسالي
هذا السيد بغى يخرج معاك وحدكم والشيطان ثالثكما وايجوز بيك الوقت
الرجل اللي يبغيك صح يدخل من الباب
وخليك من هذي نعرف عقليتك انا متزوجة منذ 12 سنة ومازال ما افهمتش العقلية انتاع زوجي لان الانسان كل يوم بحال
حسب الضروف
هذا اللي ما عجبوش يهدر في التيليفون بغى المباشر خافي منو
راح ايودر بيك الوقت وايشوه سمعتك وسمعة عائلتك
خوذي رايي ما اتعلقي روحك بيه ما والو انسايه و عيشي حياتك عادي وربي يرزقك بالحلال

[محمد جديدي التبسي]

وعليكم السلام ورحمة الله وبركاته
اخطأت باعطائه رقمك في حالتك ما عليك سوى نسيان الأمر فغالب الظن لم يحدث اعجاب بينكم او توافق والله أعلم
استخلصي عبرة ولا تسمحي لاحد بان يكلمك في موضوع الزواج بعيدا عن اعين الاهل.. ربي يرزقك زوج صالح

[غزلانْ]

و عليكم السلام

هل كل ما جرى تم نقله الى عائلتك و من كان عليها

نقله هي عمتك بفسها هذا ان لم تكن عائلتك على علم

بهدا الشخص و نيته حتى و عن الثقة الأم أولى بثقتك

بعمتك منها و هي أدرى بمصلحتك ثم كخطوة طلب رقم هاتفك

و لثقتك منحتيه لكن هو يريد معرفة طريقة تفكيرك و له الحق

لكن بخطبة و بعلم عائلتك و عن قلقك أنقليه لعمتك و هي تستفسر

عنه هو يريد قيام علاقة معك و لا تسايريه في كل ما يقول .

بالتوفيق لكِ

لا اقتباس حفظكم الله

[سيرين 5]

ما تقلقي ما والو لي مكتوب ليك تديه و لي ماشي ليك ما تديهش ربي يتمم على خير إذا كان فيها خير

[AMINA.Z]

ما تعمريش راسك بيه
هذا باه يوافق عليك قريب يدي شهر !!!!!!!
من المفروض انت اللي تفكري و تخمي ماش هو
عمرك و لا تحطي من قدرك و قيمتك
انا لو مكانك حتى و لو رد بالايجاب سارفضه ..واش حاط روحو هاذا !!!!!!!!

[صفيان 11]

مكان والو حبيبنا راو يسنا انتي تعيطيلو باش يحكمك من اليد لي توجع صلي صلاة الاستخارة او ربي يجيب الخير او اخطونا من هد العقلية تاع لازم نعرف عقليتك و الله مكان منها لي نيتو صافية كاين البتب قدام ربي و عبادو ولي نيتو نميرو او نعرفك شغول يجي كي السراق سكيمي غير اخطيك منو مي اجزم ان اكتر النساء تاع دوك يحبو هد الجور تاع الناس

[blanche rose]

المشاركة الأصلية كتبت بواسطة محمد جديدي التبسي

وعليكم السلام ورحمة الله وبركاته
اخطأت باعطائه رقمك في حالتك ما عليك سوى نسيان الأمر فغالب الظن لم يحدث اعجاب بينكم او توافق والله أعلم
استخلصي عبرة ولا تسمحي لاحد بان يكلمك في موضوع الزواج بعيدا عن اعين الاهل.. ربي يرزقك زوج صالح

هذا هو الرد المناسب عزيزتي..

المفروض شافك ..يخمم مع روحو مليح
ويقرر
ماشي يطلب رقم الهاتف ومن بعد يقولك نخمم..!!
هذه اهانة لك

ما تزيدي تسقسي عليه ما والو..
انسي الأمر..
اذا حب الحلال باب الدار مفتوح..
ولو أن أسلوبو مهين جدا

ربي يرزقك الزوج الصالح

[إسلام الفاروق]

كل شيء ممكن اذا فيه الخير ربي يجيبو
المهم انسي و اهتمي بنفسكي وحياتك دعي الوسواس بعيدا
سلام

[زبدة ذايبة]

كي عطيتيلو التليفون تاعك غلطتي

فلسفة الرجال في الجزائر

إذا كانت المرأة ساهلة يحبو يتمسخرو بيها ويدوسوها بلا حتى رحمة ولاشفقة

وإذا كانو ناويين على الحلال يجربوها

وإذا لقاو بلي تنازلت يخلوها ومايزيدوش يرجعوا

على خاطر قلوبهم معمرة بالشك إلا من رحم الله

ويخاف من النار اللي في كرشو التبن

نحيه من بالك حتى إذا كان ناوي يجي يخطبك يبان

مبدئيا والعلم عند الله ماتعوليش عليه

كيما ننصحك من أخت لأختها

ماتكوني ساهلة مع حتى واحد

واحد ماتهدري معاه في الزنقة

ماتخليش روحك يجو يتفرجو فيك ويروحو

اللي ناويك يجي لدار باباك لاتلفون لامواعيد لامقابلات في الشوارع

كي تحطي هذا القواعد قدام عينيك واحد مايتمسخر بيك

رب يهنيك ويسعدك في الدنيا والآخرة

[أمل94]

ان شاء الله رب يرزقك بولد الحلال