تطبيقي للدرس الثالث من مدرسة فنون الطبخ - البيتزا-

[ام و ابنة]

السلام عليكن

بكل صراحة

ودااااعا لكل وصفات عجينة البيتزا من اليوم رايحة نعتمد عجينتك اختي زينب جزاك الله كل خير

العجينة اقتصادية و خفيييفة و لذيذة و سهلة التشكيل يمكن فيها عيب واحد هو في نفس الوقت ميزة أخرى من مزاياها و هو انها تخرج كمية كبيرة يعني اللي عايلتها صغيرة كي حالتي تدير غير نصف الكمية برك

حاولت نخليها صحية أكثر نوعا ما فزدت فيها ثلاث مغارف كبار نخالة و مغرف كبيرة مخلطة تع السانوج و حبة الحلاوة و الجلجلان
كذلك صلصة الطماطم بش ما تجيش حامضة المفروض نزيدلها مغرف سكر انا زدتلها مغرف صغيرة عسل التمر و النتيجة من أروع ما يكون و الحمد لله

التشكيل درناه انا و وليدي ربي يهديه و يصلح فيه و يقدرني عليه قولو امين

الازهار طبعا تم تم طارو قطفوهم وليداتي و باباهم خخخ مزية صورتهم قبل و حتى حبة الطماطم اللي رشقت فيها الازهار بانت لهم عزيزة و كلاوها