البراج من مطبخي

[Oum yousra]

سلام حنونات جبتلكم اليوم طريقتي في البراج و الي هزيتها على أمي ربي يحفضها أولا نذوبو الزبدة و نخليها تركح و نصفيها من الحليب و نكيل 3 كيلات سميد نزيدلهم شويا ملح و كيلة زبدة و نبسس امليح( و السميد الي استعملته هو semoule fine يعني ماشي رطب بزاف و ماشي خشين) و كي نبسس البراج أو المقروض كاين واحد الطريقة كنت قلتها للاخت مرة و لكن مايش بالصور اليوم نوضحهالكم بالصور هي ترفدي شويا من الدقيق المبسس قبل ما نزيدولو الماء و تكوريها في يدك و ترميها فوق الدقيق لكان تحلت أو تشققت يعني مزال يخص الزبدة انا كي درتها تشققتلي شويا زدت مقدار نصف كأس نتاع الزيت و خلطت امليح و كي عاودها ماتحلتش خلاص غطيتو و خليتو ساعتين حكمت الغرس زدتلو شويا قرفة و شويا طيب و جلجلان و ماء زهر و عجنتو امليح و حطيتو بجيه و من بعد عاودت السميد حكيتو مليح بيديا و بليتو بشويا ماء زهر و شويا ماء و نخلط امليح بدون مانعجنو و نخدم البراج و الصور توضح أكثر. . . . . . . . . . . . . . . . . . . . . .

[*وردة الشرق*]

والله غير اممممممممممممممممم اليومين هادو نجربهم سلمت يداك الله على الخدمة المتقونة

[imane khaled]

هايلة يعطيك الصحة اختي ااااااااا مممم

[ام اسماعيل2009]

يعطيك الصحة اختي انا راني مقيمة في ليون حبيت نسقسيك على السميد ندير تاع renard fine و زبدة تاع président ياريت جا وبيني

[أم شيماءْ]

اممممممممممممم وامممممممممممممممممممممممم وامممممممممممممممممممم يسلمووووووووووووووووووو

[أم ملك]

أمممممم هايلين و خدمة متقونة ربي يباركلك في صحتك

[linafad]

bsahtak merci

[kaouka]

هيلين نهار يتنحالي تفنين نديرهم صخفت عليهم مالفا كل ربيع بصح هذا المرا مدرتهمش رني مع لمان تاع القش باه نرحل وركي عرفا نهر نخلص نديرهم مممممممممم

[ام رشدى]

الله الله هدو هوما لبراج وال خلي هههه
يعطيك الصحة لهدوك اليدين الي يبدعو دايما

[scorpionoir]

ما شاء الله يشهييييييييييييييييييو فكروني في براج ماما
حتى طريقة كعبورة الدقيق كي طيشيها نديروها حنا هههههههههه

[مشيمشة]

شكراااااا جزيلا اختاه

[مسلمة بالفطرة]

اخت ام يسرى يعطيك الصحة بصح ما فهمتش semoule fine لوكان تحطي فوتو تاعو اذا مازالت كاينة

[ريتاج تيارتية]

ممممممممممممممممم رووووووووووعة والله غير قتلتيني بيهم يهبلو يهبلو يعطيك الصحة وبارك الله فيك

[oum lina]

براج هايل شكرا اختى على الوصفة

[ام الهضاب]

امممممممممممم و اممممممم ايهبلووووووو كي الشكل كي اللون ، مبرجة و اعليها لكلام يا سعد زوجك بيك و ربي يحفظلك العائلة