محاجب رووووووووووووووعة علي طريقة ماما

[ايمان يمن]

اليوم جبتلكم وصفة محاجب علي طريقة ماما ربي يحفظهالنا انشاء الله

مقادير الحشو :
3حبات بصل مرحي خشين في الروبو.
2 فلفل حار اخضر+4 فلفل حار احمر مجفف مغلي ومرحي خشين في الروبو.
4حبات طماطم مرحية بدون قشور.
زيت
مغرفة كبيرة طماطم مصبرة.
2 سنات ثوم
ملح+فلفل احمر مرحي +توابل.
التحضير :
في كسرونة ثقيلة نقلي البصل مع الزيت علي نار هادية.
مقادير العجينة :
3كيلات دقيق رطب+1/2 كيلة فرينة +ملح+ماء دافي








نضيفلو الفلفل الاحمر والاخضر المرحي.









نضيف الطماطم الطازجة+مغرفة كبيرة طماطم مصبرة.+2 سنات ثوم +ملح+فلفل احمر مرحي +توابل.


ونخليها تطيب علي نار هادية.نقدر نزيد مقدار فنجان ماء اذا كانت ناشفة.








تحضير العجينة:
في اناء نضع كل المقادير السابقة ونعجن بالماء تدريجيا حتي نتحصلو علي عجين كيما نتاع المسمن.نخليوه يرتاح








كيما نقولو حنا في الشرق نلوزو العجين الي كرات صغيرة. ونخليهم يرتاحو.
ملاحظة :كي نكورو الكرات نغطسهم في الفرينة باه مايتقطعوليش كينحلهم.








نقسم الكرات بالنص ونرق العجين ونطيبو قيس ما يصفار برك ونحطو في كيس ونكرر العملية.









نحل كرية ماهيش طايبة ونحط فوقها الي طايبة شوي ونشكل شكل المحاجب ونطيبهم في الطاجين علي نار هادية.















وهدا الشكل النهائي انشاع الله تعجبكم حبيباتي