أرواحي تخدمي بنطوفة بيدك للشتاء

[ثلوج الشتاء]

جبتلكم كيفاش تخدمو بنطوفة للشتاء بطريقة سهلة وتقدري تصنعي وحدة لزوجك ولولادك برك بدلي لون القماش لكل واحد
رايحة تحتاجي فقط قليل من لقماش ولاواط وإذا معدنكش استعملي قماش شوية خشين
الشرح في هاذ الصوراخدتها من النت:
هنا تحكمي لقيس تاع رجلك بقلم ورقة ارسميه على زوج ورق ورايحة نقولك علاش

تزيدي عليه قيمة لخياطة

درك تحكمي لقيس تاع رجلك من فوق

تحطي القيس على احدى الورقتين لي رسمتي فيه القيس تاع رجلك

قصي الجزء العلوي تاع البنطوفة على هادي رسمنا لقيس مرتين

درك نجيو لقماش كل فردة نقصولها ثلاثة تاع لي كوش من فوق وثلاثة تاع ليكوش من تحت والكوش الوسطانية دايما هي لاواط نبداو بالرجل اليمنى ثم نقلب القيس تاعنا ونفس الطريقة مع الرجل اليسرى

نبداو بالجزء العلوي نركبولو البيي

ثم نكمل الجزء السفلي تاع البنطوفة ونمررو عليه بالمشينة تاع الخياطة

أخيرا زينيها كيما حبيتي

إن شاء الله يكون الشرح تاعي واضح سلااااااام