شامية بحلة جديدة تفضلو ا تشوفو مرحبا بيكم عندنا

[دنيا دينا]

شهر رمضان راهو قريب ان شاء الله يذخل علينا بالف خير حبيت نقدملكم نوع جديد من الشامية نتمنى تعجبكم





المقادير:

2 غرفيات سميد نصف غليظ

1/2 غرفية سكر

6 مغارف كبار زيت

كاس ماء الزهر (كاس تاع لتاي)

قرصة ملح

3 مغارف كبار كاكاو

ناخد جميع المكونات ماعدا الكاكاو ونخلطهم معا بعض , ما غاديش نحصلو على عجينة غادي نحصلو على سميد مبسس .
نقسم الخليط التاعي على زوج و نسرحوه في الصينية و نحاولو مانبزطوهش بزاف
نرش كاكاو على جميع النواحي و نضيفو فوفه الكمية لي بقاتلي من الخليط و نسرحوها , ندخلوها للفرن على درجة حرارة 180 , كي نشوفوها حمارت في الاطراف نشعلولها من فوق حتى تحمار .

الشاربات:
لتر ماء +غرفية سكر +كاس ماء الزهر و نخلو الكل يغلي فوق النار

بعد ما نخرج الشامية من الفرن نسقيها بالشاربات نتركها حتى تشرب ونضيفلها 5 مغارف كبار تاع العسل ونزينها بالشوكولاطة

شهية طيبة