شبح الاعادة يطاردني

[shy'n]

سلام عليكم
ربيما ولا شخص يرى هاد الموضوع لكن علي ان افرغ قلبي

لم افهم شئ قريت و مليت و حفظت
و في الاخيييير نلقا روحي و كأني ماحفظتشششش

و هكذا جبت 8.5 المعدل الفصل الاول

و الثاني بالاك كيف كيف او اكثر كارثة ربيما 7

و الله راني ميتة بالخوف و زيد معاها راني متأكدة دك نطلع لي موديل ب 10 فحسب

و مانلقاش باش نكونبوسي je compense البيوفيزيك

كاشما نهار عرفتو ناس هردوها, ثم دخلو راتراباج و طلعوا العام ؟؟؟؟

و معدل ال rachat ما هو ؟؟؟

ربي يحفظكم ادعولي نطلع العام راني ندل نبكييييييييييييييييييييييييييييييييييييييييييييييي ييييييييييي


كرهت هاد ال la pression


و السلام آخر الكلام

[*نسيم الفجر*]

نعرف بزاف سنة ثانية داخلين راطراباج .. يالاضافة كاين وحايد دخلوا ب 5 و خرجوا العام اذا حاولي تخلي موديل ما تخدميش فيه باه طلعي بيه العام في الراطراباج ربي ينجحك و ينجحنا كامل عندك صيف كامل اقرايه يكفيك يالنوفيق

[shy'n]

شكراا للتشجيع ^^

سوف احاول الكل باش نطلع
لكن المورال راه في الحضيض

آمين ان شاء الله ننجحوا كامل

[*نسيم الفجر*]

ur welcome ^^

[سماح 2]

بونْ جووغْ ,,
شوفي يــآ يسرى ,, امــآ راكي تحاولي تحفظي بدون فهم ,, وهدا يتعبكْ وما تديش La note hak ..
امــآ تخلي في الدرووس يتراكموا والليلة الاخرى والا قبل بسمانة تهزي تبداي تقراي ,, وهذي غلطة كبيرة اوسي ,, حتى وكن تهزي معلومـــآت تبقــى سطحية ورايحة تنسايهــآ ,,
معليهش العامْ هذا زيدي ديري des efforts
وان شاء الله تنجحي ,, + ننصحك بقروب للمراجعة مع tes amies ..
والله تساعدك خلاه ,, ثاني ,,
ربي معــآكْ chérie :*

[RozNoiR]

مايكون الا الخير
بزاف دخلو راتراباج و طلعو العام
كوراج برك
باذن الله تنجحي

[مصطفى_س]

عااااادي خلاص متخليش الافكار السلبية تبعك
انت درتي لي عليك و الباقي على ربي مرة جبت 7.33 عاودت السداسي و جبت 11 بالصح بارادة قوية
و مرة دخلت للامتحان الاستدراكي ب9 و الحمد لله طلع حتى 11 بالصح توكلت على ربي ولله الحمد و غيرت طريقة المراجعة

انت حاولي تبدلي طريقة المراجعة تاعك او الكتب لي تقراي بيهم حاولي تشوفي الطالبات النجيبات واش هوما الكتب لي يقراو بيهم
كل هذا لازمتلو ارادة قوية باش تغيري روحك للاحسن و بفضل الله راح تنجحي و متنسايش تكتبي موضوع راكي طلعتي العام فرحينا
و متيأسيش تقولي خلاص العام مزال مخلاصش يخلاص العام كي يكملو الامتحانات و البنات لي يهبطولك المورال متقعديش معاهم و البكا يجيب غير الكئابة


الله يوفقك لنيل هذا العام بمعدل مليح

[shy'n]

شكرا جماعة

دك نزير روحي هاد الصيف و ان شاء الله نطلع العام
ادعولي بالنجاح انا و جميع الناس لي كيما في حالتي

ربي يحفظكم

[مصطفى_س]

المشاركة الأصلية كتبت بواسطة shy'n

شكرا جماعة

دك نزير روحي هاد الصيف و ان شاء الله نطلع العام
ادعولي بالنجاح انا و جميع الناس لي كيما في حالتي

ربي يحفظكم

هذا هو الكلام و هذي هي البداية صحيح تكون صعبة شوية بالصح الارادة تقتلها
انت ديري لي عليك و الحمد لله الاعضاء دعاولك بالخير و كاين حتى لي مكتبش رد و دعالك الباقي على ربي سبحانو
توكلي عليه و اكيد تنجحي و مزال ندعيولك

[سماح 2]

ربــــي يوفقكْ ,, ويكوون معـــآكْ ,,

النــآس كل تشكي من صعووبة القراية ,,
لآزمْ الواحد يسهر ويتعب ويتبع مع الاول تع القراية يعني يحكم الخيط مليح سينو في النص وفي الاخر
صعيبة تجيه , ويلقــى روحو روطار ,,

هاني ندعيلك ,, اقراي بركْ

[~ فآيـزة ~]

تلك هي السنة الثانية، شبح الطب
لكن لا تقلقي ابدا هناك من دخل الراطراباج بمعدل 5 و 6 ثم نجح
وفقك الله و أعانك

[❀•بَـهَـآءُ الْـرُوًحْ•❀]

السلآآم عليييكم أختي

و الله تقولي طليتي على قلبي ـ،،

حتى أنآ سنة أولى طب ،،،الأسبووعين المآآضيين كآن عنآ إمتحآنآت أو كمآ أسميهم أسآبيع الجحيم ،، درست و بذلت قصصآآرى جهدي و في الأخيير نلقى علامات كآرثيــةة في Affichage يعني كيشعل عمري ما قريت ،، هي صح مآ كنتش نظم وقتي ، فيه بعض الموآد أهملتهآآ جزئيآآ مثل الأنآآتوومي ،،

و الخططأ الللي درته كيما قآآلت سسمآآح ،، خليت كوومة من الدرووس في ليلة الرعد ... و ككآنت المصييبةة .. الحمد لله يمكن السداسي الأول يعوضلي الثآآني ...
عآآدي أختي قدر الله و مآ شآآء فععل ،، الآآن نحن في عطلة الصيف حآآولي قدر المستطآآع تقسيم وقتكك بين الرآحةة و الجد و الدرآآسةة،، إستغلي شهر رمضآآن مثلا بعد وقت السحوور إلى شرووق الشمس أعتقد أنه الوقت الأمثل للمرآآجعععةة ،،

لا للتثبييط أختآآآه ،، رآآح تجيبي عآآمكك بإذن الله و سوف تــرين ،، فلتككــن همتكك أعلى و أعلى ~

في أمآآن الله و بالتوفيييق صصديقتي ♥

[❀•بَـهَـآءُ الْـرُوًحْ•❀]

المشاركة الأصلية كتبت بواسطة ~ فآيـزة ~

تلك هي السنة الثانية، شبح الطب
لكن لا تقلقي ابدا هناك من دخل الراطراباج بمعدل 5 و 6 ثم نجح
وفقك الله و أعانك

فآآيزةة مآآذآ تقصصدين بالسنة الثانية هي شبحح الططب {خوفتيني ههه

[~ فآيـزة ~]

المشاركة الأصلية كتبت بواسطة ❀•بَـهَـآءُ الْـرُوًحْ•❀

فآآيزةة مآآذآ تقصصدين بالسنة الثانية هي شبحح الططب {خوفتيني ههه

هههه السنة الثانية عموما فيها risque لان رغم قلة المواد 5 modules فقط لكن la charge graaave تغفلي شوية راااحت ، لازم تكوني مع الاستاذ à jour sinon تتعبي بزااف كي يقربوا les contrôles ....باختصار هي من السهل الممتنع ... ليست صعبة لكن غير قابلة للتاجيل
لكن اتكلم خصوصا عن السنة الثانية في قسنطينة لأن الأساتذة عندنا يستعملون كل وسائل التعسف و جعل الطالب يلهث وراء النقاط لا على جمع المعلومات من خلال الحشو الذي لا معنى له مثل anatomie اكبر تكليحة هي اني حفظتها و ضيعت وقتي معاها دون جدوى ، فرغم ان les polycopes كالجباال الا ان بعض الأسئلة تاتي بما لا تحتويه ،، تفاصيل لا حاجة لطبيب المستقبل بها لكنها غاية في انفسهم يعلمها الله ..
دفعتنا عانت كثيرا هذا العام ، مثلا la physiologie لم يكن يوما نظام التصحيح tout ou rien لكنه طبق فقط هذا العام ... biochimie w biophysique عادة تكون امتحاناتها سهلة حسب امتحانات الاعوام السابقة لكن هذا العام فيهم سابوطاج في الثلاثي الاول .. histologie تصحيح نموذجي خاطئ عمدااا و الباقي نخلي البير بغطاه ....

[shy'n]

السلام عليكم جماعة
رمضان مبارك

شكرا على الرد و التحفيز

ظهروا النتائج و الحمد لله لم تكن كارثية لتلك الدرجة ,,,حتى انني استطعت تعويض الفصل الاول

الحمد لله نورمالمو طلعت العام و الله اعلم p: يلزمني نتأكد لانني ماصدقتش

__________________________________________________ __________

السنة الثانية طب هي السنة لي تقدري تجيبي فيا 14-15-16 المعدل كان تكوني à jour و خاصة خاصة تنظيم الوقت و تعاودي كل wekk end

أنا راحتلي 10 المعدل نحمد ربي خخخخخ

و الحمد لله بدعاوي الخير و الصلوات قدرت نطلع دون synthese et rattrapage

و لا اتمنى الحالة لي كنت فيها لأي طالب ,,,,,اعيييد و اكرر يلزمنا نحفظوا و نعاودوا و باش نبقاوا نشفاوا يلزم نديروا les qcm و نبداو مل نهار لول ,,,,

أنا ديت درس ان شاء الله مانزيدش نعاودها

و الناس لي ماكانوش مطاردين بشبح الاعادة نوصيهم ابذلوا جهد باش جامي ما يصرالكم كيفي و تظلوا تبكوا و الظغط ,,,الخ

صحا فطوركم